Digestive system : జీర్ణ వ్యవస్థ బలోపేతానికి 10 పరిష్కార మార్గాలు..  

సాక్షి లైఫ్ : ఆధునిక జీవనశైలి, ఆహారపు అలవాట్ల కారణంగా చాలా మంది జీర్ణ సమస్యలతో (Digestive Issues) బాధపడుతున్నారు. అయితే, మన జీర్ణ వ్యవస్థ (Digestive System) మెదడుతో ప్రత్యక్ష సంబంధం కలిగి ఉంటుంది. అందుకే, జీర్ణ వ్యవస్థ ఆరోగ్యంగా ఉంటేనే సంపూర్ణ శారీరక, మానసిక ఆరోగ్యం సాధ్యమవుతుంది. ఈ నేపథ్యంలో ప్రముఖ వెల్‌నెస్ నిపుణులు ఆరోగ్యకరమైన జీర్ణక్రియను మెరుగుపరచడానికి 10 ముఖ్యమైన పరిష్కారమార్గాలను సూచించారు. వాటిని పాటించడం ద్వారా గట్ ఆరోగ్యాన్ని మెరుగుపరుచుకోవచ్చు.

ఇది కూడా చదవండి..Shock for Tattoo Lovers..! టాటూస్ తో 29శాతం స్కిన్ క్యాన్సర్ ముప్పు..

ఇది కూడా చదవండి.. వరల్డ్ డైజెస్టివ్ హెల్త్ డే ఎలా మొదలైంది..?

ఇది కూడా చదవండి.. వాక్సిన్ గురించి వాస్తవాలు- అవాస్తవాలు.. 

పీచు పదార్థాలు (Fiber).. జీర్ణక్రియ సజావుగా సాగడానికి, పేగు కదలికలు మెరుగవ్వడానికి ఫైబర్ చాలా అవసరం. కాబట్టి అందుకోసం పండ్లు, కూరగాయలు, తృణధాన్యాలు, పప్పులలో ఫైబర్ అధికంగా ఉంటుంది.నీరు ఎక్కువగా తాగాలి.. జీర్ణ వ్యవస్థలో ఆహారం సజావుగా కదలడానికి, మలబద్ధకం నివారణకు నీరు కీలక పాత్ర పోషిస్తుంది. రోజుకు సరిపడా నీటిని తప్పకుండా తాగాలి.ప్రాసెస్ చేసిన ఆహారాలకు దూరంగా ఉండాలి.. ప్యాకేజ్డ్ ఫుడ్స్, ఫాస్ట్ ఫుడ్స్ వంటి ప్రాసెస్ చేసిన ఆహారాలు జీర్ణక్రియకు ఆటంకం కలిగిస్తాయి. వాటిని తగ్గించడం మంచిది.

ప్రొబయోటిక్స్ (Probiotics) తీసుకోవాలి..పెరుగు, మజ్జిగ, పులియబెట్టిన ఆహారాలలో ఉండే ప్రొబయోటిక్స్ అంటే మంచి బ్యాక్టీరియా గట్ ఆరోగ్యాన్ని, రోగనిరోధక శక్తిని బలోపేతం చేస్తాయి. ఒకేసారి అధికంగా తినకుండా, రోజుకు 4-5 సార్లు తక్కువ మొత్తంలో ఆహారం తీసుకోవడం వల్ల జీర్ణ వ్యవస్థపై భారం తగ్గుతుంది.

ఒత్తిడిని తగ్గించుకోవాలి (Manage Stress)..అధిక ఒత్తిడి నేరుగా గట్ ఆరోగ్యాన్ని ప్రభావితం చేస్తుంది. యోగా, ధ్యానం (Meditation), శ్వాస వ్యాయామాలు ఒత్తిడిని తగ్గిస్తాయి.తగినంత నిద్ర తప్పనిసరి.. ప్రతిరోజూ 7-8 గంటల నిద్ర జీర్ణ వ్యవస్థతో సహా మొత్తం శరీరం మరమ్మత్తు, పునరుద్ధరణకు చాలా ముఖ్యం. ఆహారాన్ని సరిగా నమలడం వల్ల జీర్ణక్రియ నోటిలోనే మొదలవుతుంది. ఇది కడుపుపై ఒత్తిడిని తగ్గిస్తుంది.

క్రమం తప్పకుండా వ్యాయామం చేయాలి..వ్యాయామం పేగుల్లో రక్త ప్రసరణను మెరుగుపరుస్తుంది, ఆహారం కదలికను వేగవంతం చేస్తుంది. మద్యపానం, ధూమపానానికి దూరంగా ఉండాలి..ఈ అలవాట్లు జీర్ణవ్యవస్థ పొరను దెబ్బతీసి, ఎసిడిటీ (Acidity)ఇతర సమస్యలకు దారితీస్తాయి.ఈ చిట్కాలను పాటించడం ద్వారా కేవలం జీర్ణ సమస్యలను నివారించడమే కాకుండా,మానసిక ఆరోగ్యం కూడా మెరుగు పడుతుందని నిపుణులు చెబుతున్నారు. ఎందుకంటే, గట్ అనేది రెండవ మెదడుగా పనిచేస్తుందని పరిశోధకులు చెబుతున్నారు. అందుకే, ఆహారం విషయంలో మరింత శ్రద్ధ వహించి, ఆరోగ్యకరమైన జీవనశైలిని అలవరుచుకోవడం ద్వారా జీర్ణవ్యవస్థను హెల్తీగా ఉంచుకోవచ్చు.

ఇది కూడా చదవండి..Health care : అద్భుతమైన ఆరోగ్య ప్రయోజనాలు అందించే చెర్రీస్..

ఇది కూడా చదవండి..Methi side effects : మెంతులు ఎక్కువగా తీసుకున్నా సమస్యే.. 

ఇది కూడా చదవండి..High-Calorie Fruits : అధిక కేలరీస్ ఉండే ఫ్రూట్స్ గురించి తెలుసా..?

ఇది కూడా చదవండి..For stress less life : మెంటల్ స్ట్రెస్ తగ్గించే ఆరోగ్యకరమైన నియమాలు 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.