ఫ్యాటీ యాసిడ్ సమస్య ఎప్పుడు వస్తుంది అంటే..?

సాక్షి లైఫ్ : కాలేయంలో ట్రైగ్లిజరైడ్స్ లేదా కొవ్వు నిరంతరం పేరుకు పోయినప్పుడు ఫ్యాటీ లివర్ వ్యాధి వస్తుంది, ఇది కాలేయ కణజాలాలకు వాపునకు కారణమవుతుంది. ప్రస్తుతం, కాలేయ వ్యాధుల్లో ప్రధానంగా  ఆందోళన కలిగించేది నాన్-ఆల్కహాలిక్ ఫ్యాటీ లివర్ డిసీజ్(ఎన్ ఏ ఎఫ్ ఎల్ డి), ఇది ప్రధానంగా అనారోగ్యకరమైన జీవనశైలి, బరువు పెరగడం లేదా ఊబకాయం, మధుమేహం కారణంగా తలెత్తుతుంది.

ఇది కూడా చదవండి.. పీరియడ్స్ సమయంలో ఎలాంటి జాగ్రత్తలు అవసరం..?

 ఇది కూడా చదవండి..డెంగ్యూ సమయంలో ప్లేట్‌లెట్ల కౌంట్ ను ఎలా పెంచాలి..? 

అవసరమైన ఫ్యాటీ యాసిడ్ల లోపం వల్ల : మనం తీసుకునే ఆహారంలో అవసరమైన ఫ్యాటీ యాసిడ్లు (ఒమేగా-3 , ఒమేగా-6 వంటివి) తగినంత లేకపోతే  ఈ సమస్య వచ్చే ప్రమాదం ఉంటుంది. కొన్ని ఫ్యాటీ యాసిడ్లు అధికంగా పేరుకుపోవడం కారణంగా కూడా : జీవక్రియ సంబంధిత రుగ్మతలలో లేదా అసమతుల్య ఆహారం తీసుకోవడం వల్ల కూడా తలెత్తవచ్చు.శరీరం కొన్ని ఫ్యాటీ యాసిడ్‌లను సరిగ్గా విచ్ఛిన్నం చేయలేనప్పుడు లేదా ఉపయోగించుకోలేనప్పుడు ఈ వ్యాధి రావొచ్చు.

కొవ్వు ఆమ్లాల ప్రమాద కారకాలు.. 

కాలేయ వ్యాధికి అనేక ప్రమాద కారకాలు ఉన్నాయి. అవేంటంటే..? ఆల్కహాల్ వినియోగం, హెపటైటిస్ బి, సి, ఆటో ఇమ్యూన్ వ్యాధులు. అయితే, బరువు పెరగడం లేదా ఊబకాయం, మధుమేహం కూడా ఆల్కహాల్ లేని ఫ్యాటీ లివర్‌కు ప్రధాన ప్రమాద కారకాలు.. బరువు పెరగడం ఇన్సులిన్ నిరోధకతకు కారణమవుతుంది, ఇది శరీరంలో అదనపు ఇన్సులిన్ ఉత్పత్తికి దారితీస్తుంది. అధిక ఇన్సులిన్ కాలేయంలో ట్రైగ్లిజరైడ్స్ లేదా కొవ్వు నిల్వను ప్రేరేపిస్తుంది. ఇలాగే ఎక్కువ కాలం పాటు కొనసాగితే.. కాలేయ వాపు, సిర్రోసిస్‌కు దారితీస్తుంది.

ఇది కూడా చదవండి.. 30 ఏళ్ల తర్వాత శరీరానికి కొల్లాజెన్ ఎందుకు ముఖ్యమంటే..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.