మలేరియా ను నిరోధించడానికి ఈ పద్ధతులను అనుసరించండి.. 

సాక్షి లైఫ్ : మలేరియా అనేది దోమల వల్ల కలిగే ప్రమాదకరమైన వ్యాధి, ఇది తీవ్రమైన సందర్భాల్లో మరణానికి కూడా కారణమవుతుంది. అయినప్పటికీ, ఈ వ్యాధిని నివారించవచ్చు. సమయానికి చికిత్స చేస్తే ఈ వ్యాధి బారీ నుంచి బయటపడడం సాధ్యమవుతుంది.ఉష్ణోగ్రతలు పెరగడంతో దోమల బెడద కూడా బాగా పెరిగింది. దోమలు అనేక తీవ్రమైన వ్యాధులకు కారణమవుతాయి. మలేరియా ఈ తీవ్రమైన వ్యాధులలో ఒకటి, ఇది ఒక్కోసారి ప్రాణాలను కూడా తీస్తుంది. మలేరియాతో పాటు డెంగ్యూ, చికున్‌గున్యా వంటి వ్యాధులకు దోమలే కారణం. అయితే, మలేరియా సర్వసాధారణం.
 
మలేరియా వ్యాప్తిని నిరోధించే పద్ధతులు.. 

మలేరియా అంటే ఏమిటి..?

ప్రపంచ ఆరోగ్య సంస్థ ప్రకారం, మలేరియా అనేది కొన్ని రకాల దోమల ద్వారా మానవులకు వ్యాపించే ప్రాణాంతక వ్యాధి. ఇది ఉష్ణమండల దేశాలలో ఎక్కువగా కనిపిస్తుంది. ఈ వ్యాధిని నివారించవచ్చు. దాని చికిత్స కూడా సాధ్యమే. ఈ ఇన్ఫెక్షన్ పరాన్నజీవుల వల్ల వస్తుంది. ఒకరి నుండి మరొకరికి వ్యాపించదు.

దోమలు కుట్టకుండా ఉండాలంటే..? 

పొడవాటి స్లీవ్‌లు, పొడవాటి ప్యాంటు, సాక్స్‌లను ఉపయోగించండి. తెల్లవారుజామున , సంధ్యా సమయంలో దోమలు చాలా చురుకుగా ఉంటాయి కాబట్టి, ముఖ్యంగా ఆ సమయాలలో రక్షణ  చర్యలు చేపట్టడం మంచిది. ఇది కాకుండా దోమలు ముదురు రంగుల వైపు ఆకర్షితులవుతాయి. కాబట్టి లేత రంగుల దుస్తులు ధరించడం ప్రయోజనకరంగా ఉంటుంది.

 ఇది కూడా చదవండి.. తాజా అధ్యయనం : ఇలా చేస్తే గుండె జబ్బులు, మధుమేహం వచ్చే ప్రమాదం తక్కువ..

నిద్రిస్తున్నప్పుడు మలేరియా వ్యాప్తి చెందకుండా నిరోధించడానికి అత్యంత ప్రభావవంతమైన మార్గం, ముఖ్యంగా వ్యాధి సాధారణంగా ఉన్న ప్రాంతాల్లో, దోమలు రాకుండా నిరోధించే మందులు , దోమ తెరలను ఉపయోగించాలి. ఇవి రాత్రిపూట దోమ కాటును తగ్గిస్తుంది.

దోమలు వృద్ధి చెందకుండా నిరోధించడానికి, మీ ఇంటి చుట్టూ కంటైనర్లలో నిల్వ చేసిన నీటిని ఖాళీ చేయండి. ఇందులో బకెట్లు, పాత టైర్లు, పూల కుండీలలో ఉండే నీటిని తొలగించండి. 

వ్యాప్తి ఉన్న ప్రదేశంలో.. 

మీరు మలేరియా వ్యాప్తి ఉన్న ప్రదేశంలో నివసిస్తుంటే, దోమలను చంపడానికి ఇంటి గోడలు, పైకప్పులపై దోమల నివారణ మందులను పిచికారీ చేయాలి. జ్వరం, తలనొప్పి, చలి, వాంతులు వంటి మలేరియా లక్షణాలు కనిపిస్తే, వెంటనే డాక్టరును సంప్రదించండి. ముందుగా గుర్తించి చికిత్స చేస్తే వ్యాధి వ్యాప్తి చెందదు.

బహిరంగంగా..

రోజూ సన్‌స్క్రీన్ అప్లై చేయడం, క్రమం తప్పకుండా స్నానం చేయడం ముఖ్యం. మీరు ఆరుబయట లేదా ఎక్కడైనా బహిరంగంగా నిద్రిస్తున్నట్లయితే, పడుకునేటప్పుడు దోమతెరను ఉపయోగించండి. ఇంటి చుట్టూ మురికినీరు పేరుకుపోకుండా చూడండి. ఇంటి చుట్టూ పేరుకుపోయిన నీటిని తొలగించండి. ఈ జాగ్రత్తలు తీసుకోవడం ద్వారా మలేరియా వ్యాధి వ్యాప్తిని కొంతమేర అడ్డుకోవచ్చు. 

ఇది కూడా చదవండి.. World Malaria Day : మలేరియా అంటే ఏమిటి..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.