Weight : హెల్తీ ఫుడ్ తిన్నా బరువు పెరుగుతున్నారా..? జీవక్రియల్లో దాగున్న అసలు రహస్యాలివే..!

సాక్షి లైఫ్ : మనం బరువు తగ్గాలని తక్కువ క్యాలరీల ఆహారం తీసుకున్నప్పుడు, శరీరం దాన్ని ఒక 'అత్యవసర పరిస్థితి'గా భావిస్తుంది. శక్తిని ఆదా చేసేందుకు తన జీవక్రియ వేగాన్ని తగ్గించుకుంటుంది. దీనినే 'మెటబాలిక్ అడాప్టేషన్' అంటారు. దీనివల్ల గతంలో బరువు తగ్గడానికి దోహదపడిన అదే ఆహారం, ఇప్పుడు బరువు పెరగడానికి కారణం కావొచ్చు.

ఇది కూడా చదవండి..Shock for Tattoo Lovers..! టాటూస్ తో 29శాతం స్కిన్ క్యాన్సర్ ముప్పు..

ఇది కూడా చదవండి..Coconut Water : కొబ్బరి బొండం నీళ్లతో బరువు తగ్గొచ్చా..?

ఇది కూడా చదవండి..Obesity and inflammation : ఒబెసిటీకి ఇన్‌ఫ్లమేషన్‌కు లింక్ ఏమిటి..?

బరువు పెరగడానికి.. 

ఇన్సులిన్ కేవలం చక్కెర స్థాయిలనే కాదు, కొవ్వు నిల్వలను కూడా నియంత్రిస్తుంది. ఇన్సులిన్ సరిగ్గా పనిచేయనప్పుడు శరీరం కొవ్వును కరిగించడానికి బదులు నిల్వ చేయడం ప్రారంభిస్తుంది. కడుపు నిండిందనే సంకేతాన్ని మెదడుకు చేరవేసే హార్మోన్ 'లెప్టిన్'. ఈ హార్మోన్ పనితీరు మందగిస్తే, మనం ఆరోగ్యకరమైన ఆహారం తిన్నా ఇంకా ఆకలిగా ఉన్నట్లే అనిపిస్తుంది. 

థైరాయిడ్ సమస్యలు (Hypothyroidism), పీసీఓఎస్ (PCOS), ఒత్తిడి హార్మోన్ అయిన కార్టిసాల్ పెరగడం వల్ల ఎంత కష్టపడినా బరువు తగ్గరు. మెటబాలిక్ ఇన్‌ఫ్లెక్సిబిలిటీ: శరీరం గ్లూకోజ్ నుంచి కొవ్వును ఇంధనంగా మార్చుకునే సామర్థ్యాన్ని కోల్పోవడాన్ని 'మెటబాలిక్ ఇన్‌ఫ్లెక్సిబిలిటీ' అంటారు. ఇది కొవ్వు పెరగడానికి దారితీస్తుంది. రాత్రిపూట సరిగ్గా నిద్రపోకపోతే ఆకలిని పెంచే హార్మోన్లు విడుదలవుతాయి. ఇది మెటబాలిజంను దెబ్బతీస్తుంది.

పరిష్కార మార్గాలు ఇవే..

ఆహారంలో ప్రోటీన్ ఎక్కువగా ఉంటే జీవక్రియ వేగం పెరుగుతుంది. కండరాల సాంద్రత పెరిగితే విశ్రాంతి సమయంలో కూడా క్యాలరీలు ఖర్చవుతాయి. రోజుకు కనీసం 7 నుంచి 8 గంటల నాణ్యమైన నిద్ర అవసరం. కారణం తెలియకుండా బరువు పెరుగుతుంటే వెంటనే థైరాయిడ్, ఇన్సులిన్ స్థాయిలను పరీక్షించుకోవాలి. ఈ సమాచారం ప్రాథమిక అవగాహన కోసం మాత్రమే. మీ శరీర తత్వాన్ని బట్టి మార్పులు ఉంటాయి కాబట్టి, డైటీషియన్ లేదా వైద్యుడి సలహా తీసుకోవడం ఉత్తమం.

ఇది కూడా చదవండి..మీరు ఆరోగ్యంగా బరువు తగ్గాలంటే..? 

ఇది కూడా చదవండి..Brain health : మీ బ్రెయిన్ కంప్యూటర్ లాగా పనిచేయాలంటే ఈ ఆహారపదార్థాలు తినండి..

ఇది కూడా చదవండి..Prediabetes : ప్రీడయాబెటిస్‌ కు గుండె జబ్బుల ప్రమాదానికి లింక్ ఏంటి..?

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

గమనిక: ఇది కేవలం సమాచారంగా మాత్రమే భావించండి. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.