How to Store Jaggery in Monsoon : వర్షాకాలంలో బెల్లం పాడవకుండా పర్ఫెక్ట్ హోమ్ టిప్స్..  

సాక్షి లైఫ్ : వర్షాకాలం రాగానే వాతావరణంలో తేమ విపరీతంగా పెరుగుతుంది. దీని ప్రభావం మన వంటింట్లోని సరుకులపై స్పష్టంగా కనిపిస్తుంది. ముఖ్యంగా బెల్లం త్వరగా మెత్తబడిపోయి, జిగటగా మారుతుంది. ఒక్కోసారి బూజు పట్టి పాడైపోయే ప్రమాదం కూడా ఉంది. అయితే, కొన్ని సులభమైన గృహోపకరణ జాగ్రత్తలు పాటిస్తే వర్షాకాలంలోనూ బెల్లాన్ని తాజాగా, నాణ్యత తగ్గకుండా నిల్వ చేసుకోవచ్చు. అవేంటో చూద్దాం..

ఇది కూడా చదవండి..Dance to Burn Calories : డ్యాన్స్‌తో క్యాలరీలు బర్న్ : రోజూ 30 నిమిషాల డ్యాన్స్‌తో ఫిట్‌నెస్ మీ సొంతం..! 

ఇది కూడా చదవండి..ఒత్తిడి, ఆందోళనను తగ్గించడానికి బెస్ట్ ఫుడ్ ఏది..? 

ఇది కూడా చదవండి..వేగంగా బరువు తగ్గించే ఓట్జెంపిక్ డ్రింక్ ట్రెండ్.. డైటీషియన్లు ఏమంటున్నారంటే..? 

ఇది కూడా చదవండి..మైక్రోసైటిక్ అనీమియా అంటే ఏమిటి..?  

1. గాలి చొరబడని డబ్బాల్లోనే..

బెల్లాన్ని ఎప్పుడూ గాలికి వదిలేయకూడదు. ప్లేట్లలో లేదా మూత సరిగ్గా లేని డబ్బాల్లో ఉంచితే వాతావరణంలోని తేమను పీల్చుకుని త్వరగా కరిగిపోతుంది. కాబట్టి, పూర్తిగా పొడిగా, శుభ్రంగా ఉన్న (airtight containers)గాలి చొరబడని డబ్బాల్లోనే నిల్వ చేయాలి. మూత గట్టిగా బిగించి ఉండేలా చూసుకోవాలి.

2. ఫ్రిజ్‌లో భద్రపరచండి..

వాతావరణంలో తేమ మరీ ఎక్కువగా ఉన్నప్పుడు బెల్లాన్ని ఫ్రిజ్‌లో దాచుకోవడం ఉత్తమమైన మార్గం. అయితే, దాన్ని నేరుగా ఫ్రిజ్‌లో పెట్టకుండా.. గాలి చొరబడని డబ్బాలో లేదా కవర్‌లో ప్యాక్ చేసి మాత్రమే పెట్టాలి. లేదంటే ఫ్రిజ్‌లోని ఇతర పదార్థాల వాసనలు బెల్లానికి పట్టేస్తాయి. మీకు ఎంత అవసరమో అంతే బయటకు తీసుకుని మిగతాది వెంటనే ఫ్రిజ్‌లో పెట్టేయాలి.

3. చిన్న ముక్కలుగా చేసుకోండి..

బెల్లాన్ని పెద్ద ముక్కలుగా లేదా అచ్చుల రూపంలో కాకుండా, చిన్న చిన్న ముక్కలుగా చేసి నిల్వ చేసుకోవడం మంచిది. వేరువేరు డబ్బాల్లో కొద్దికొద్దిగా భద్రపరచుకోవడం వల్ల, వాడే ప్రతిసారీ మొత్తం బెల్లం గాలికి, తేమకు గురికాకుండా ఉంటుంది.

4. పొడిగా ఉండే ప్రదేశంలో ఉంచాలి..

గ్యాస్ స్టవ్, సింక్ వంటి వేడి, నీటి ఆవిరి ఎక్కువగా ఉండే ప్రదేశాలకు బెల్లం డబ్బాను దూరంగా ఉంచాలి. వంటగదిలో పొడిగా, చల్లగా ఉండే చోట భద్రపరచాలి. అలాగే సూర్యరశ్మి నేరుగా పడే ప్రదేశంలో ఉంచకూడదు.

5. తడి చెంచాలు వాడొద్దు..

బెల్లం డబ్బాలో నుంచి తీసేటప్పుడు ఎప్పుడూ పొడిగా ఉన్న చెంచా లేదా చాకును మాత్రమే వాడాలి. చేతులు, చెంచాకు ఏమాత్రం తడి ఉన్నా ఆ తేమ డబ్బాలోకి చేరి, బెల్లం త్వరగా జిగటగా మారడంతో పాటు బూజు పడుతుంది. తీసిన వెంటనే మూతను తప్పనిసరిగా వేసేయాలి.

6. కొనుగోలు చేసేటప్పుడే జాగ్రత్త..

మార్కెట్లో బెల్లం కొనేటప్పుడే నాణ్యమైనది ఎంచుకోవాలి. అప్పటికే జిగటగా ఉన్న, వింత వాసన వస్తున్న, రంగు మారిన బెల్లాన్ని కొనుగోలు చేయొద్దు. మంచి నాణ్యత ఉన్న బెల్లాన్ని ఇంటికి తెచ్చిన వెంటనే సరైన డబ్బాలో భద్రపరచుకోవాలి.

జిగటగా మారితే ఏం చేయాలి..?

ఒకవేళ బెల్లం కేవలం తేమ వల్ల కొద్దిగా మెత్తబడితే, గాలి తగిలేలా కాసేపు పొడి ప్రదేశంలో ఉంచితే ఆ అదనపు తేమ పోతుంది. కానీ, బూజు పట్టినా, వాసన వస్తున్నా, రుచి మారినా దాన్ని వాడకపోవడమే ఆరోగ్యానికి మంచిది. అలాంటి వాటిని పారేయడమే సురక్షితం.

ఇది కూడా చదవండి.. లివర్ సంబంధిత సమస్యలను ఎలా గుర్తించాలి..?  

ఇది కూడా చదవండి..కాలేయ ఆరోగ్యాన్ని నిర్లక్ష్యం చేస్తున్నారా..? మౌనంగా పెరుగుతున్న ఈ వ్యాధి గురించి తెలుసా..?

ఇది కూడా చదవండి..లవ్ హార్మోన్ అంటే ఏమిటి..?

ఇది కూడా చదవండి..మందులతో పని లేకుండా బ్యాడ్ కొలెస్ట్రాల్ తగ్గేదెలా..?

ఇలాంటి కచ్చితమైన ఆరోగ్య సమాచారాన్ని అనుభవజ్ఞులైన వైద్య నిపుణులు అందించే మరిన్ని విషయాలను మీరు తెలుసుకోవాలంటే సాక్షి లైఫ్ ను ఫాలో అవ్వండి..

ఇది కూడా చదవండి.. 40 ఏళ్ల తర్వాత ప్రెగ్నెన్సీకి ప్లాన్ చేసుకోవచ్చా..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.