Bath After Eating : భోజనం చేసిన వెంటనే స్నానం చేయొచ్చా..? వైద్యనిపుణులు ఏమంటున్నారంటే..? 

సాక్షి లైఫ్ : ఆహారం తీసుకున్న వెంటనే స్నానం చేయకూడదని, దానివల్ల జీర్ణవ్యవస్థ పనితీరు మందగిస్తుందని చాలామంది అంటుంటారు. అయితే, ఇందులో ఎంతవరకు నిజం ఉంది..? తిన్న తర్వాత స్నానం చేస్తే శరీరంలో ఎలాంటి మార్పులు జరుగుతాయో ఇప్పుడు తెలుసుకుందాం.. జీర్ణక్రియపై ప్రభావం.. భోజనం చేసిన వెంటనే స్నానం చేయడం వల్ల జీర్ణప్రక్రియకు ఆటంకం కలుగుతుందని చెప్పడానికి స్పష్టమైన శాస్త్రీయ ఆధారాలు లేవు. కాబట్టి, ప్రతి ఒక్కరికీ ఇది నష్టాన్ని కలిగిస్తుందని చెప్పలేం.

ఇది కూడా చదవండి..చిన్నారులలో అరుదైన జన్యుపరమైన వ్యాధుల నిర్ధారణకు సరికొత్త రక్త పరీక్ష.. 

ఇది కూడా చదవండి.. మీరు ఆరోగ్యంగా బరువు తగ్గాలంటే..? 

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

వేడి నీటితో వద్దు.. కడుపునిండా ఆహారం తీసుకున్న తర్వాత బాగా వేడిగా ఉండే నీటితో స్నానం చేయడం మంచిది కాదు. వేడి నీటి వల్ల రక్తనాళాలు వ్యాకోచించి.. కొంతమందిలో కళ్లు తిరగడం, విపరీతమైన నీరసం లేదా అసౌకర్యం లాంటి సమస్యలు తలెత్తవచ్చు.

గ్యాస్, అసిడిటీ వస్తుందా..? 

తిన్న వెంటనే స్నానం చేస్తే నేరుగా గ్యాస్, అసిడిటీ వస్తుందని చెప్పడానికి కచ్చితమైన ఆధారాల్లేవు. అయితే, ముందు నుంచే యాసిడ్ రిఫ్లక్స్ లేదా కడుపు ఉబ్బరం సమస్యలతో బాధపడేవారు మాత్రం భోజనం తర్వాత కొంతసేపు ఆగి స్నానానికి వెళ్లడం మంచిది.

ఎంత సమయం వేచి ఉండాలి..?

భోజనం తర్వాత స్నానం చేయడానికి ఇంత సమయం ఆగాలనే కచ్చితమైన నియమం ఏమీ లేదు. తేలికపాటి ఆహారం తీసుకున్నప్పుడు మీ వీలును బట్టి స్నానం చేయొచ్చు. కానీ, కడుపు నిండా (heavy meal) తిన్నప్పుడు కాస్త సమయం ఆగి వెళ్లడం ఉత్తమం. బాగా వేడి నీటికి బదులు గోరువెచ్చని లేదా సాధారణ ఉష్ణోగ్రత ఉన్న నీటిని వినియోగించాలి.

ఎవరు జాగ్రత్తపడాలి..?

 వృద్ధులు, బీపీ (bp) హెచ్చుతగ్గులు ఉన్నవారు, తిన్న తర్వాత నీరసంగా లేదా కళ్లు తిరిగినట్లు అనిపించేవారు భోజనం చేసిన వెంటనే స్నానం చేయకపోవడమే సురక్షితం.
 

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

ఇది కూడా చదవండి..రోజూ బెల్లం తింటే బరువు పెరుగుతారా..? 

 ఇది కూడా చదవండి..క్షయవ్యాధి ఏయే అవయవాలపై ప్రభావం చూపుతుంది..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.