Causes of Constipation : ఫైబర్, నీటి కొరతే మలబద్ధకం సమస్యకు ప్రధాన కారణం..

సాక్షి లైఫ్ : ఉదయం లేవగానే టాయిలెట్‌కి వెళ్లినా కడుపు పూర్తిగా శుభ్రం కాకపోవడం చాలామందికి రోజూ ఎదురయ్యే పెద్ద సమస్యగా మారుతోంది. కొద్దిమంది దీన్ని సాధారణ విషయంగా వదిలేస్తుంటే, మరికొందరు వెంటనే మందులు లేదా పాత చిట్కాలు ఆశ్రయి స్తుంటారు. కానీ ప్రతిరోజూ గంటల తరబడి టాయిలెట్‌లోనే గడపాల్సి వస్తోందంటే అది 'మలబద్ధకం' (constipation) లక్షణమని ఆరోగ్య నిపుణులు స్పష్టం చేస్తున్నారు.

ఇది కూడా చదవండి..ఆహారంలోని పురుగుమందులు దీర్ఘకాలంలో ఆరోగ్యాన్ని ఎలా ప్రభావితం చేస్తాయి..?

ఇది కూడా చదవండి..డిప్రెషన్ ఉన్న వారిలో ఎలాంటి మార్పులు కనిపిస్తాయి..? 

ఇది కూడా చదవండి..బేబీ వాకర్స్ తో పిల్లలు వేగంగా నడవగలుగుతారా..?

మలబద్ధకం అంటే కేవలం సరిగ్గా మోషన్ కాకపోవడమే కాదు..!

రోజూ మలవిసర్జన జరగకపోవడమే కాకుండా.. మలం చాలా గట్టిగా ఉండటం, విసర్జించే సమయంలో తీవ్రంగా ముక్కాల్సి రావడం, కడుపు ఇంకా పూర్తిగా శుభ్రం కాలేదనే భావన ఉండటం కూడా మలబద్ధకం కిందకే వస్తాయి. ఆహారంలో పీచు పదార్థాలు (Fiber) లోపించడం, సరిపడా నీరు త్రాగకపోవడం, శారీరక శ్రమ అసలు లేకపోవడం వంటి చెడు అలవాట్లే ఈ సమస్యకు ప్రధాన కారణాలుగా మారుతున్నాయి.

ఈ జాగ్రత్తలు పాటిస్తే సరి..!

ఫైబర్ సమృద్ధిగా ఉండే ఆహారం.. మలాన్ని మెత్తగా ఉంచడానికి, పేగుల కదలికలను మెరుగుపరచడానికి ఫైబర్ ఎంతో అవసరం. పండ్లు, కూరగాయలు, తృణధాన్యాలు, పప్పుధాన్యాలను ఆహారంలో భాగం చేసుకోవాలి. పెద్దలు రోజూ దాదాపు 22 నుంచి 34 గ్రాముల ఫైబర్ తీసుకోవాలని నిపుణులు సూచిస్తున్నారు.

 ఫైబర్ తీసుకునేటప్పుడు తగినంత నీరు, ఇతర ద్రవ పదార్థాలు తీసుకోవడం చాలా ముఖ్యం. శరీరంలో నీటి శాతం తగ్గితే మలం మరింత గట్టిపడుతుంది. రోజూ క్రమం తప్పకుండా నడవడం లేదా తేలికపాటి వ్యాయామాలు చేయడం వల్ల పేగుల కదలికలు మెరుగవుతాయి. గంటల తరబడి ఒకేచోట కదలకుండా కూర్చోవడం మంచిది కాదు. అలాగే మలవిసర్జన కోరిక కలిగినప్పుడు ఎప్పుడూ ఆపుకోకూడదు.

ఎప్పుడు అప్రమత్తం కావాలి..?

జీవనశైలిని మార్చుకున్నప్పటికీ మలబద్ధకం సమస్య దీర్ఘకాలికంగా వేధిస్తుంటే మాత్రం కేవలం ఆహార లోపంగా భావించకూడదు. కొన్నిసార్లు థైరాయిడ్, మధుమేహం (thyroid issues, diabetes), కొన్నిరకాల మందుల ప్రభావం లేదా ఇతర అంతర్గత ఆరోగ్య సమస్యల వల్ల కూడా ఇది రావొచ్చు. ఒకవేళ మలంలో రక్తం పడటం, ఎటువంటి ప్రయత్నం చేయకుండానే బరువు తగ్గడం, తీవ్రమైన కడుపు నొప్పి, వాంతులు లేదా గ్యాస్ సమస్య నిరంతరం వేధిస్తుంటే మాత్రం వెంటనే వైద్యులను సంప్రదించి పరీక్షలు చేయించుకోవడం ఎంతో క్షేమమని నిపుణులు హెచ్చరిస్తున్నారు.

ఇది కూడా చదవండి..తల్లిపాలే శిశువు భవిష్యత్తుకు, ఆరోగ్యపరిరక్షణకు పునాది..

ఇది కూడా చదవండి..ఒత్తిడి, ఆందోళనను తగ్గించడానికి బెస్ట్ ఫుడ్ ఏది..?

ఇది కూడా చదవండి..వాక్సిన్ గురించి వాస్తవాలు- అవాస్తవాలు..

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..