సైనసైటిస్ సమస్యలు తలెత్తడానికి కారణాలు ఏమిటి అంటే..?  

సాక్షి లైఫ్ : సైనస్ గదుల్లో ఇన్ఫెక్షన్ కారణంగా కణజాలాల వాపు వస్తుంది. అంతేకాకుండా ముక్కులోపల నొప్పి, ముక్కు మూసుకుపోవడం లేదా ముక్కు కారటం, కొన్నిసార్లు జ్వరం రావడం కూడా జరుగుతుంది. ఇది జలుబు చేసిన సమయంలో మరింత ఇబ్బంది పెడుతుంది. అయితే ఇతర వైరస్‌లు, బ్యాక్టీరియా, ఫంగస్, అలర్జీలు సైనసైటిస్‌కు కారణమని వైద్య నిపుణులు వెల్లడిస్తున్నారు.

ఇది కూడా చదవండి.. పిల్లలలో టైప్-2 డయాబెటీస్‌ కు కారణాలు..?

ఇది కూడా చదవండి.. సహజంగా ఆక్సిటోసిన్ పెంచడానికి మార్గాలు.. 

ఇది కూడా చదవండి..లవ్ హార్మోన్ అంటే ఏమిటి..?

ఇది కూడా చదవండి..40 ఏళ్ల తర్వాత ప్రెగ్నెన్సీకి ప్లాన్ చేసుకోవచ్చా..? 

ఇన్ఫెక్షన్, అలెర్జీలు, జలుబు, కెమికల్ ఇరిటేషన్ కారణంగా సైనస్ సంభవిస్తుందని వైద్య నిపుణులు వెల్లడిస్తున్నారు. ముఖం వాపు, జ్వరం,చెవులు, దంతాలనొప్పి, ముక్కు ద్వారా శ్వాస తీసుకోవడం కష్టంగా మారడం, గొంతు మంట వంటి లక్షణాలు కనిపిస్తే "సైనసైటిస్" గా పరిగణిస్తారు. 

సైనస్ అనేది ముక్కుకు సంబంధించిన వ్యాధి. సైనస్ శ్వాస తీసుకోవడంలో ఇబ్బందిని కలిగిస్తుంది. అంతేకాదు దీనికారణంగా ముఖ కండరాలలో నొప్పిగాకూడా అనిపిస్తుంది. "సైనస్‌"ని "సైనసైటిస్" అని , "రైనోసైనసిటిస్" అని కూడా అంటారు. బాక్టీరియా, ఫంగల్, ఇన్ఫెక్షన్, అలెర్జీలు, ముక్కు కండ పెరగడం జరుగుతుంది. ఆస్తమా వల్ల సైనస్ సమస్యలు వస్తాయి. 

ఎలాంటి జాగ్రత్తలు తీసుకోవాలి..?  

ఎక్కువ సేపు కూర్చొని పని చేయడం వల్ల సైనస్ సమస్య తీవ్రమవుతుందని డాక్టర్లు హెచ్చరిస్తున్నారు. సైనస్ సమస్య నుంచి త్వరగా ఉపశమనం పొందడానికి, ఎక్కువగా విశ్రాంతి తీసుకోవాలని వారు సూచిస్తున్నారు.

ఆవిరి పట్టడం వల్ల.. 

సైనస్ సమస్య ఉన్నవారికి తరచుగా ముక్కు కారుతున్న సమయంలో  ఆవిరి తీసుకోవడం వల్ల కొంతమేర ఉపశమనం కలుగుతుంది. నాసికా రంధ్రాలు మూసుకుపోయినట్లు అనిపించినా కూడా ఆవిరి పట్టడంవల్ల సమస్య తాత్కాలికంగా కొంత వరకు పరిష్కారం అవుతుంది.   

 
చల్లని పానీయాలు అస్సలు తీసుకోకూడదు. వేడి పానీయాలు మాత్రమే తీసుకోవడం ఉత్తమం. సైనస్ సమస్య ఉంటే హాట్ వాటర్ తీసుకోవడం వల్ల ఉపశమనం లభిస్తుంది. హాట్ వాటర్ తాగడం వల్ల మూసుకుపోయిన ముక్కు క్లియర్ అవుతుంది.  

మద్యం సేవించడం వల్ల సైనస్ సమస్యలు మరింతగా పెరుగుతాయి. కాబట్టి పొరపాటున కూడా మద్యం తీసుకోకపోవడం మంచిది. చల్లని గాలి, చల్లని నీరు, చల్లని పదార్థాలకు దూరంగా ఉండడం మంచిదని వైద్యనిపుణులు సూచిస్తున్నారు. అంతేకాదు చల్లని నీటితో కూడా తలస్నానం చేయవద్దని వారు చెబుతున్నారు. 

సైనసైటిస్ సమస్య..?

సైనసైటిస్ అంటువ్యాధి కాదు. కానీ దానికి కారణమయ్యే వైరస్లు , బ్యాక్టీరియా లతోనే సైనసైటిస్ సమస్య తలెత్తుతుంది. పరిశుభ్రతను పాటించాలి. చేతులు, ముక్కు ఎప్పటికప్పుడు శుభ్రంగా ఉంచుకోవాలి. సైనసైటిస్ విషయంలో అవసరమైన టెస్టులు చేయించి చికిత్స తీసుకోవాలి. సమస్య పెద్దది కాకుండానే చికిత్స చేయించుకుంటే మంచిదని, ఒకవేళ చికిత్స తీసుకోవడంలో మరింత ఆలస్యం జరిగితే  సైనస్ ఇన్ఫెక్షన్లు ప్రాణాంతక ఇన్ఫెక్షన్లకు దారి తీయవచ్చని వైద్యనిపుణులు వెల్లడిస్తున్నారు.  

ఇది కూడా చదవండి..కొత్తగా దంతాలు వచ్చిన పిల్లలకూ బ్రష్ చేయాలా..? 

ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..? 

  ఇది కూడా చదవండి.. డయాబెటీస్ కు ప్రధాన కారణాలు ఏంటి..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.