ఎలాంటి ఫుడ్ తీ సుకోవడం ద్వారా హిమోగ్లోబిన్‌ ను పెంచుకోవచ్చు..? 

సాక్షి లైఫ్ : హిమోగ్లోబిన్‌ను పెంచడానికి మీ ఆహారంలో ఐరన్, విటమిన్ "సి ", బి12, ఫోలిక్ ఆమ్లం ప్రోటీన్ రిచ్ ఫుడ్స్ చేర్చడం చాలా ముఖ్యం. పాలకూర, బీన్స్, గోంగూర, జీడిపప్పు, గోధుమలు. విటమిన్ సి : సిట్రస్ ఫ్రూట్స్ , అంగూరు, ముల్లంగి, మొక్కజొన్న. విటమిన్ బి12: పాల ఉత్పత్తులు, మాంసాహారం.. ఫోలిక్ ఆమ్లం: అరటి కాయలు, మినుపప్పు. ప్రోటీన్: మాంసాహారాలు లాంటి ఆహారాలు మీ హిమోగ్లోబిన్ స్థాయిని పెంచడంలో సహాయపడతాయి.

శరీరం ఆరోగ్యంగా, ఫిట్‌గా ఉండాలంటే..? 
                         
వ్యాయామం అవసరం. అంతేకాదు బయటి ఆహారాన్ని తీసుకోకుండా ఉండడం మేలు. ఇంట్లో తయారుచేసిన ఏదైనా ఆహారాన్ని మాత్రమే తీసుకోవడం మంచిది. ఎందుకంటే శరీరంలో పోషకాహార లోపం వల్ల అనేక సమస్యలు వస్తాయి. వాటిలో ఒకటి హిమోగ్లోబిన్ తగ్గుదల. శరీరంలో హిమోగ్లోబిన్ తగ్గడంవల్ల అనేక అనారోగ్య సమస్యలు వస్తాయి. కాబట్టి హిమోగ్లోబిన్ స్థాయిలు తగ్గకుండా చూసుకోవాల్సిన అవసరం ఎంతైనా ఉంది.  
 
ఎర్ర రక్త కణాలలో.. 

హిమోగ్లోబిన్ అనేది శరీరంలోని ఎర్ర రక్త కణాలలో కనిపించే ఐరన్-రిచ్ ప్రోటీన్. రక్తం ద్వారా ఆక్సిజన్‌ను వివిధ అవయవాలకు తీసుకెళ్లడంలో హిమోగ్లోబిన్ ముఖ్యమైన పాత్ర పోషిస్తుంది. శరీరంలో హిమోగ్లోబిన్ స్థాయి తగ్గడం వల్ల ఆయాసం, శ్వాస ఆడకపోవడం, ఆకలి లేకపోవడం, రక్తహీనత వంటి సమస్యలు వస్తాయి. పోషకాలు అధికంగా ఉండే ఆహారాన్ని తీసుకోవడం వల్ల రక్తంలో హిమోగ్లోబిన్ స్థాయిలు మెరుగుపడతాయి. వేగంగా హిమోగ్లోబిన్ స్థాయిలు పెరగాలంటే తప్పనిసరిగా కొన్నిరకాల ఆహార పదార్థాలు తినాలి.. అవేంటంటే..?  

 నువ్వులలో ఐరన్, ఫోలేట్, ఫ్లేవనాయిడ్స్, కాపర్ పుష్కలంగా ఉంటాయి. ఇది హిమోగ్లోబిన్ స్థాయిని కూడా పెంచుతుంది. రక్తహీనతను నివారిస్తుంది. జామకాయలో విటమిన్ సి పుష్కలంగా ఉంటుంది. గూస్బెర్రీ జ్యూస్ తీసుకోవడం వల్ల రోగనిరోధక శక్తిని పెంచడంతో పాటు ఐరన్ శోషణకు సహాయపడుతుంది. ఇది హిమోగ్లోబిన్ ను పెంచడంలో కూడా సహాయపడుతుంది. మామిడి, ఎండిన ఆప్రికాట్లు, ములగ ఆకులు, చింతపండు, వేరుశెనగ , తమలపాకులు వంటి ఆహారాలు కూడా హిమోగ్లోబిన్ స్థాయిలను పెంచుతాయి.

బచ్చలికూర ఇనుము ఉత్తమ వనరులలో ఒకటి. బచ్చలికూర హిమోగ్లోబిన్, ఎర్ర రక్త కణాల స్థాయిని పెంచడంలో సహాయపడుతుంది.
ఖర్జూరంలో ఇనుము ఉండటం వల్ల ఎర్ర రక్త కణాల సంఖ్య పెరుగుతుంది. ఇది హిమోగ్లోబిన్ స్థాయిని మెరుగుపరచడంలో కూడా సహాయపడుతుంది. ఖర్జూరంలో ఇనుముతో పాటు విటమిన్ సి, విటమిన్ బి కాంప్లెక్స్ , ఫోలిక్ యాసిడ్ కూడా ఉంటాయి. శరీరంలో రక్తహీనతను కూడా నివారిస్తుంది.

ఎర్ర రక్త కణాల ఉత్పత్తికి అవసరమైన రెండు మూలకాలు ఇనుము, రాగి ఉండే ఎండుద్రాక్ష హిమోగ్లోబిన్ స్థాయిలను పెంచుతుంది. వివిధ రకాల మినుములను క్రమం తప్పకుండా తీసుకోవడం వల్ల శరీరంలో హిమోగ్లోబిన్, సీరం ఫెర్రిటిన్ స్థాయిలు పెరుగుతాయి. ఇవి ఐరన్ లోపాన్ని కూడా తగ్గించగలవు. దానిమ్మలో అనేక విటమిన్లు పుష్కలంగా ఉన్నాయి. ఇది ఇనుము, విటమిన్ "సి" ఉంటాయి. ఇవి హిమోగ్లోబిన్ ఉత్పత్తి , శోషణకు సహాయపడుతుంది.

ఇది కూడా చదవండి..నోటి దుర్వాసనను తగ్గించే చిట్కాలు 

ఇది కూడా చదవండి..సిండ్రోమ్ Xకు ప్రారంభ దశలో ఎలాంటి చికిత్సను అందిస్తారు..?

ఇది కూడా చదవండి..ఒత్తిడిని ఫుడ్ చేంజెస్ చేయడం ద్వారా తగ్గించవచ్చా..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..