రక్తదానం చేయడం వల్ల కలిగే ప్రయోజనాలు..
సాక్షి లైఫ్ : దానం చేసిన రక్తం ప్రమాదాలలో గాయపడిన వారికి, క్యాన్సర్ చికిత్స పొందుతున్న వారికి, ఇతర కారణాల వల్ల రక్త రుగ్మతలతో బాధపడుతున్న వారికి సహాయపడుతుంది. అయితే ప్రస్తుతం నిరుపేదలకు రక్తం కొరత ఏర్పడుతోంది. పలు స్వచ్చంధ సంస్థలు రక్త నిధి కేంద్రాలను ఏర్పాటుచేసి వాటి ద్వారా పేదవారికి ఉచితంగా రక్తాన్ని అందిస్తున్నాయి. ప్రాణాపాయ సమయంలో రక్తం అందక ఎంతోమంది తనువు చాలించాల్సిన పరిస్థితులు ఏర్పడుతున్నాయి. కాబట్టి ప్రతి ఒక్కరూ రక్త దానం చేయాల్సిన అవసరం ఎంతైనా ఉంది.