Homeopathic medicines: హోమియోపతి మందులు ఇచ్చేటప్పుడు ఎలాంటి అంశాలను పరిగణలోకి తీసుకుంటారు..? 

సాక్షి లైఫ్ : హోమియోపతి(homeopathy) వైద్యంలో మందులు ఇచ్చేటప్పుడు వ్యక్తిగతఅలవాట్లు, అభిరుచులకు (Individualization) అనే సూత్రానికి అత్యంత ప్రాధాన్యత ఇస్తారు. అంటే, ఒకే వ్యాధికి వేర్వేరు వ్యక్తులకు వేర్వేరు మందులను సూచించే అవకాశం ఉంటుంది. మందును ఎంచుకునే ముందు వైద్యులు ప్రధానంగా కొన్నిరకాల అంశాలను పరిగణలోకి తీసుకుంటారు. అటువంటి అంశాలను బట్టే హోమియోమందులు(homeopathy medicines) త్వరగా ఆయా వ్యాధిని నయంచేస్తాయి.  

ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..?

ఇది కూడా చదవండి.. ఫ్యాటీ లివర్ ఏ ఏ అవయవాలపై ప్రభావం చూపుతుంది..? 

ఇది కూడా చదవండి..ఆరోగ్యప్రయోజనాలు పొందాలంటే సలాడ్ ను ఏ టైమ్ లో తినాలి..?

 రోగి లక్షణాల మొత్తం (Totality of Symptoms).. 

ఇది హోమియోపతి(homeopathy)లో అత్యంత ముఖ్యమైన అంశం. కేవలం వ్యాధి లక్షణాలను మాత్రమే కాకుండా, రోగిలో కనిపించే అన్ని లక్షణాలను పరిగణలోకి తీసుకుంటారు.మానసిక, భావోద్వేగ లక్షణాలు (Mental and Emotional Symptoms): కోపం, భయం, చిరాకు, ఆందోళన, నిరాశ, జ్ఞాపకశక్తి మొదలైన వాటి గురించి అడుగుతారు. శారీరక లక్షణాలు (Physical Symptoms): నొప్పి, వాపు, ఉష్ణోగ్రత మార్పులు, దాహం, ఆకలి, నిద్ర, చెమట మొదలైనవి. ప్రత్యేక లక్షణాలు (Peculiar/Characteristic Symptoms): ఆ వ్యాధికి సంబంధం లేని లేదా చాలా వింతగా అనిపించే లక్షణాలు (ఉదా: కొంతమందికి చలిలో ఉపశమనం లభించడం).

లక్షణాలు ఎప్పుడు పెరుగుతాయి లేదా తగ్గుతాయి అనే అంశాన్ని పరిగణలోకి తీసుకుంటారు. సమయం: ఉదయం, సాయంత్రం, రాత్రిపూట లక్షణాలు ఎలా మారుతాయి. వాతావరణాన్ని బట్టి అంటే చలి, వేడి, తేమ లేదా గాలిలో లక్షణాలు ఎలా ఉంటాయి. విశ్రాంతి తీసుకుంటే లేదా కదిలితే, ఏ వైపు పడుకుంటే హాయిగా నిద్ర పడుతుంది. ఎలాంటి ఆహారం తింటే అనారోగ్య సమస్యలు పెరుగుతాయి లేదా తగ్గుతాయి.

రోగి సంపూర్ణ చిత్రీకరణ (Constitutional Picture).. 

రోగితో పూర్తి సంప్రదింపుల ద్వారా, వైద్యుడు రోగి పూర్తి వ్యక్తిత్వం, జీవనశైలి, వంశపారంపర్య అంశాలతో సహా ఒక సంపూర్ణ చిత్రాన్ని రూపొందించుకుంటారు.

వ్యక్తిత్వం (Personality): రోగి స్వభావం, అలవాట్లు..

వంశపారంపర్య కారకాలు (Hereditary Factors): కుటుంబంలో ఇతరులకు ఉన్న దీర్ఘకాలిక వ్యాధులు. జీవనశైలి (Lifestyle): ఆహారపు అలవాట్లు, నిద్ర విధానం. ఈ అంశాలన్నింటినీ సేకరించిన తర్వాత, వైద్యుడు వాటిని మెటీరియా మెడికా (హోమియో మందుల గుణాలను వివరించే గ్రంథం)లోని డ్రగ్ పిక్చర్‌తో సరిపోలుస్తారు. రోగి లక్షణాలకు సరిగ్గా సరిపోయే ఒకే ఒక మందును (Similimum) ఆర్గానాన్ (హోమియోపతి సూత్రాలు) ఆధారంగా ఎంపిక చేస్తారు.

క్లుప్తంగా చెప్పాలంటే, హోమియోపతి వైద్యంలో వ్యాధి కన్నా, వ్యాధి రోగిని ఎలా ప్రభావితం చేస్తోంది అనే దానిపై ఎక్కువ దృష్టి పెడతారు. అందుకే, రోగికి చిన్న చిన్న వివరాలు కూడా మందును ఎంచుకోవడంలో చాలా ముఖ్యమైన పాత్ర పోషిస్తాయి.

ఇది కూడా చదవండి.. టీ లో ఎన్నిరకాల వెరైటీలున్నాయో తెలుసా..? 

ఇది కూడా చదవండి..కిడ్నీలు పనిచేయడం లేదని ఎలా తెలుసుకోవాలి..?

ఇది కూడా చదవండి..మంచి కొలెస్ట్రాల్ ను పెంచే దానిమ్మ.. 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.