న్యూ స్టడీ : చెవి ఇన్ఫెక్షన్ కారణంగా పిల్లలపై ఎలాంటి ప్రభావం పడుతుంది..?  

సాక్షి లైఫ్ : ఫ్లోరిడా విశ్వవిద్యాలయంలోని శాస్త్రవేత్తలు ఓ పరిశోధన చేశారు. చెవి ఇన్ఫెక్షన్ దీర్ఘకాలికంగా మారినప్పుడు, అది సంవత్సరాల తర్వాత కూడా పిల్లలలో వినికిడి సామర్థ్యం, భాషపై పట్టు కోల్పోవడానికి కారణమవు తుందని రుజువైంది. ఈ అధ్యయనం ఇంటర్నేషనల్ జర్నల్ ఆఫ్ పీడియాట్రిక్ ఓటోరినోలారిన్జాలజీలో ప్రచురించారు. దీనికి సంబంధించిన పరిశోధనలో ఎలాంటి విషయాలు వెల్లడయ్యాయనేది ఇప్పుడు తెలుసుకుందాం.. 

ఇది కూడా చదవండి..పోషకాలు : జ్ఞాపకశక్తిని మెరుగుపరచడంలో సహాయపడే నిర్దిష్ట విటమిన్లు లేదా ఖనిజాలుఏమిటి..?

ఇది కూడా చదవండి..మాన్ సూన్ సీజన్‌లో వచ్చే సాధారణ వ్యాధులు.. 

ఇది కూడా చదవండి..ఒత్తిడి, ఆందోళనను తగ్గించడానికి బెస్ట్ ఫుడ్ ఏది..?

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..?

చిన్న పిల్లల్లో తరచుగా బాల్యంలో చెవి ఇన్ఫెక్షన్లు తలెత్తుతాయి. కొన్ని సార్లు ఈ సమస్య మరింతగా పెరిగి చిన్నారులపై తీవ్రంగా ప్రభావం చూపిస్తుంది. చెవి ఇన్ఫెక్షన్‌కు సంబంధించి నూతన పరిశోధనలో ఆసక్తికర అంశాలు వెల్లడయ్యాయి. బాల్యంలో చెవి ఇన్ఫెక్షన్ తలెత్తడం వల్ల భాషపై ప్రభావం మరింతగా పడుతుందని ఈ అధ్యయనం తేల్చింది.

తల్లిదండ్రులు అప్రమత్తంగా ఉండాలి..

 "చెవి ఇన్ఫెక్షన్ చాలా సాధారణం, దాని తరువాత తలెత్తే ప్రభావాలను చాలామంది విస్మరిస్తారు." అని పరిశోధకులు చెబుతున్నారు. ముఖ్యంగా "తల్లిదండ్రులు దీని గురించి తెలుసుకోవాలి ఎందుకంటే వారి పిల్లల చెవిలో ఎటువంటి నొప్పి లేకుండా కూడా కొంత ద్రవం పేరుకుపోతుంది. అటువంటి పరిస్థితిలో ఈ విషయాన్ని ఆయా పిల్లల తల్లిదండ్రులు గుర్తించి డాక్టర్ ను సంప్రదించాలి" అని శాస్త్రవేత్తలు వెల్లడిస్తున్నారు. 

అధ్యయనంలో ఏం తేలింది..?

ది యూనివర్సిటీ ఆఫ్ ఫ్లోరిడా క్లినికల్ అండ్ ట్రాన్స్ లేషనల్ సైన్స్ ఇన్స్టిట్యూట్(సీటీఎస్ఐ)లోని పరిశోధకులు 117 మంది పిల్లల వినికిడి సమస్య , వారి భాషా అభివృద్ధిపై అధ్యయనం నిర్వహించారు. ఇందులో 5నుంచి10 సంవత్సరాల పిల్లలను చేర్చారు. చిన్ననాటి నుంచి దీర్ఘకాలిక చెవి ఇన్ఫెక్షన్లు ఉన్నవారిని, చెవి ఇన్ఫెక్షన్లు లేనివారిని, రెండు రకాల పిల్లలపై అధ్యయనం చేశారు. 

చిన్నారుల భాష.. 

ఈ అధ్యయనంలో, చిన్నారుల భాషా అభివృద్ధిని అంచనా వేయడానికి పరిశోధకులు మూడు రకాల పరీక్షలను నిర్వహించారు. మొదటి పరీక్షలో, పిల్లలు మూడు కార్టూన్ క్యారెక్టర్‌లలో ఒక కార్టూన్‌ను గుర్తించవలసి ఉంటుంది. అది మిగతా రెండింటికి భిన్నంగా ఉంటుంది. రెండవ పరీక్షలో, పిల్లలు వారి పదజాలాన్ని కొలిచే ఫోటోలకు పేరు పెట్టమని అడిగారు. 

మూడవ పరీక్షలో, పిల్లలు అదే ధ్వనితో ప్రారంభించారా లేదా ముగించారా అనే దాని ఆధారంగా పదాలను సరిపోల్చమని అడిగారు. ఈ పని వారి భాషాభివృద్ధికి మాత్రమే కాకుండా వారి పఠనం, జ్ఞాపకశక్తి సామర్థ్యాలకు కూడా ముఖ్యమైనదిగా పరిగణించారు. 

సగటున, 3 సంవత్సరాల కంటే ముందు నుంచి కొన్ని చెవి ఇన్ఫెక్షన్లు ఉన్న పిల్లలు ఎటువంటి ఇన్ఫెక్షన్ల చరిత్ర లేని పిల్లల కంటే తక్కువ పదజాలం కలిగి ఉన్నారు. అంతే కాదు, విభిన్న స్వరాలలో మార్పులను గుర్తించడంలో కూడా కొందరు పిల్లలు ఇబ్బందులను ఎదుర్కొన్నట్లు శాస్త్రవేత్తలు కనుగొన్నారు.

ఇది కూడా చదవండి..రోగనిరోధక శక్తి ప్రాధాన్యత తెలుసా..?

ఇది కూడా చదవండి..మీరు ఆరోగ్యంగా బరువు తగ్గాలంటే..? 

ఇది కూడా చదవండి..వర్షాకాలంలో అజీర్ణ సమస్యతో బాధపడుతున్నారా..? ఈ ఆహారాలను తినకండి.. 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.