మాన్ సూన్ సీజన్‌లో వచ్చే సాధారణ వ్యాధులు.. 

సాక్షి లైఫ్ : వర్షాకాలం కొన్ని రకాల వ్యాధులకు కారణమవుతుంది. ఈ వ్యాధులకు సంబంధించిన ప్రమాదాలు, నివారణ గురించి అందరూ తెలుసుకోవాల్సిన అవసరం ఎంతైనా ఉంది. అంతేకాకుండా తమ ఆరోగ్యాన్ని ఎలా సంరక్షించుకోవాలో కూడా తప్పనిసరిగా తెలియాలి.  కొన్నిరకాల జాగ్రత్తలు పాటించడం ద్వారా సకాలంలో వ్యాధిని గుర్తించి వైద్యుల సలహా మేరకు చికిత్స పొందడం వల్ల రోగనిరోధక శక్తి బలపడుతుంది. తద్వారా ఆరోగ్యంగా ఉండటమే కాకుండా వర్షాకాలంలో కూడా సంపూర్ణ ఆరోగ్యంగా ఉండవచ్చు.  

ఇది కూడా చదవండి..బేబీ వాకర్స్ తో పిల్లలు వేగంగా నడవగలుగుతారా..?

ఇది కూడా చదవండి..డిప్రెషన్ ఉన్న వారిలో ఎలాంటి మార్పులు కనిపిస్తాయి..? 

 జలుబు, ఫ్లూ..  

ఉష్ణోగ్రతలో ఆకస్మిక మార్పులు, తేమ పెరుగుదల రోగనిరోధక శక్తిని బలహీనపరుస్తాయి. అటువంటి పరిస్థితిలో వైరల్ ఇన్ఫెక్షన్లు సులభంగా వ్యాప్తి చెందుతాయి. సాధారణ లక్షణాలు దగ్గు లేదా గొంతు నొప్పి, జ్వరం, కీళ్ల లేదా కండరాల నొప్పి, తలనొప్పి, వికారం,అతిసారం. ఫ్లూ లక్షణాలు ఒకేలా కనిపించినప్పటికీ, ఇది సాధారణ జలుబు కంటే తీవ్రమైన ప్రభావాన్ని కలిగి ఉంటుంది. అందువల్ల, దానిని ముందుగా గుర్తించి అవసరమైన చికిత్స తీసుకోవడం చాలా ముఖ్యం.

  ఫంగల్ ఇన్ఫెక్షన్..  

సాధారణంగా ఫంగల్ ఇన్ఫెక్షన్ సమస్య తేమతో కూడిన వాతావరణంలో ఎక్కువగా సంభవిస్తుంది. ఇది అథ్లెట్స్ ఫుట్, రింగ్‌వార్మ్ , ఈస్ట్ ఇన్ఫెక్షన్ వంటి ఇన్ఫెక్షన్ల ప్రమాదాన్ని పెంచుతుంది. దీని సాధారణ లక్షణాలు దురద, ఎరుపు , వాపు.

 కడుపు సంబంధిత వ్యాధులు.. 

మురికి నీరు లేదా కలుషిత నీరు తాగడం, బయటి ఆహారం తినడం వల్ల డయేరియా, గ్యాస్ట్రోఎంటెరిటిస్, ఫుడ్ పాయిజనింగ్ వంటి కడుపు సంబంధిత సమస్యలు వస్తాయి. దీని కారణంగా, కడుపు నొప్పి, వికారం వంటి లక్షణాలు కనిపిస్తాయి.

 మలేరియా, డెంగ్యూ.. 

వర్షాకాలంలో చాలా చోట్ల నీరు నిలిచిపోవడం వల్ల దోమలు పెరగడానికి అనువైన వాతావరణం ఏర్పడుతుంది. ఇది డెంగ్యూ, మలేరియా వంటి వ్యాధులకు కారణమవుతుంది. మలేరియా ప్రధాన లక్షణాలు జ్వరం, చలి ,చెమటలు పట్టడం. డెంగ్యూ విషయంలో అధిక జ్వరం, తలనొప్పి, కాళ్లు  నొప్పి, కీళ్లలో నొప్పి,శరీరంపై దద్దుర్లు వంటి లక్షణాలు కనిపిస్తాయి.

ఇది కూడా చదవండి..ఒత్తిడి, ఆందోళనను తగ్గించడానికి బెస్ట్ ఫుడ్ ఏది..?

ఇది కూడా చదవండి..వాక్సిన్ గురించి వాస్తవాలు- అవాస్తవాలు..

ఇది కూడా చదవండి..తల్లిపాలే శిశువు భవిష్యత్తుకు, ఆరోగ్యపరిరక్షణకు పునాది..

ఇది కూడా చదవండి..ఆహారంలోని పురుగుమందులు దీర్ఘకాలంలో ఆరోగ్యాన్ని ఎలా ప్రభావితం చేస్తాయి..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.