Simple Tips : పెదాలు పగులుతున్నాయా..? ఈ సింపుల్ టిప్స్ తో మృదువుగా మార్చుకోండిలా..!

సాక్షి లైఫ్ :ముఖ సౌందర్యంలో పెదాల పాత్ర కీలకం. అయితే మిగతా చర్మంతో పోలిస్తే పెదాల చర్మం చాలా సున్నితంగా ఉంటుంది. వాతావరణంలో మార్పులు, తగినంత నీరు తాగకపోవడం, పదే పదే నాలుకతో పెదాలను తడపడం వంటి కారణాల వల్ల అవి త్వరగా పొడిబారుతుంటాయి. కొన్నిసార్లు పెదాలపై పొట్టు రాలడం, మంటగా అనిపించడం జరుగుతుంది. ఇలాంటప్పుడు ఖరీదైన క్రీమ్స్, ఉత్పత్తుల వైపు వెళ్లేకంటే.. ఇంట్లో దొరికే సహజసిద్ధమైన వస్తువులతోనే పెదాలను మృదువుగా మార్చుకోవచ్చు. అదెలాగో ఇక్కడ చూద్దాం..

1. కొబ్బరి నూనెతో మర్దనా..

చర్మం తేమను కోల్పోకుండా కాపాడటంలో కొబ్బరి నూనె అద్భుతంగా పనిచేస్తుంది. రాత్రి పడుకునే ముందు శుభ్రమైన చేతులతో రెండు చుక్కల కొబ్బరి నూనెను తీసుకుని పెదాలకు సున్నితంగా రాయాలి. ఇలా చేయడం వల్ల ఉదయానికి పెదాలు మృదువుగా మారతాయి.

2. తేనె రాయడం వల్ల..

తేనెలో సహజసిద్ధమైన మాయిశ్చరైజింగ్ గుణాలు మెండుగా ఉంటాయి. కొద్దిగా తేనెను తీసుకుని పెదాలపై పలుచని పొరలా రాసుకోవాలి. కాసేపటి తర్వాత శుభ్రం చేసుకోవాలి. పగిలిన పెదాలకు ఇది చక్కటి ఉపశమనం ఇస్తుంది.

ఇది కూడా చదవండి..వర్షాకాలంలో అజీర్ణ సమస్యతో బాధపడుతున్నారా..? ఈ ఆహారాలను తినకండి.. 

ఇది కూడా చదవండి..బ్యాడ్ ఫుడ్ కాంబినేషన్ : ఎలాంటి ఆహారాలను కలిపి తీసుకోకూడదు

ఇది కూడా చదవండి..శరీరంలో కొలెస్ట్రాల్ పెరిగితే ఏమవుతుంది..? 

ఇది కూడా చదవండి..రోగనిరోధక శక్తి ప్రాధాన్యత తెలుసా..?

3. కలబంద (Aloe vera gel) జెల్..

స్వచ్ఛమైన అలోవెరా జెల్ పెదాలకు తేమను అందించడమే కాకుండా పగుళ్లను తగ్గిస్తుంది. కొద్దిగా అలోవెరా జెల్ తీసుకుని పెదాలకు రాసి కాసేపు వదిలేయాలి. అయితే, మార్కెట్లో దొరికే వాటిని వాడేటప్పుడు అందులో రసాయనాలు, సుగంధ ద్రవ్యాలు లేకుండా చూసుకోవడం ముఖ్యం.

4. ఆ అలవాటును మానుకోవాలి..

పెదాలు పొడిబారినప్పుడు చాలామంది పదే పదే నాలుకతో తడుపుతుంటారు. దీనివల్ల ఆ క్షణానికి ఉపశమనం అనిపించినా, లాలాజలం ఆరిపోయాక పెదాలు మరింత వేగంగా పొడిబారుతాయి. కాబట్టి ఆ అలవాటును మానుకుని, దానికి బదులుగా మంచి లిప్ బామ్ వాడటం అలవాటు చేసుకోవాలి.

5. నీరు ఎక్కువగా తాగాలి.. ఎండ నుంచి రక్షణ..

శరీరం డీహైడ్రేషన్ బారిన పడకుండా రోజుకు తగినంత నీరు తాగడం వల్ల చర్మానికే కాకుండా పెదాలకు కూడా మేలు జరుగుతుంది. బయటకు, ఎండలోకి వెళ్లేటప్పుడు ఎస్‌పీఎఫ్‌ (SPF) ఉన్న లిప్ బామ్ వాడటం వల్ల సూర్యకిరణాల తీవ్రత నుంచి పెదాలను కాపాడుకోవచ్చు.

వైద్యులను ఎప్పుడు సంప్రదించాలి..?

ఇంటి చిట్కాలు పాటించినా పెదాల పగుళ్లు తగ్గకపోయినా, పగుళ్ల నుంచి రక్తం కారుతున్నా, విపరీతమైన నొప్పి లేదా వాపు ఉన్నా వెంటనే చర్మవ్యాధి నిపుణులను సంప్రదించాలి. కొన్నిసార్లు విటమిన్ లోపం, అలర్జీలు లేదా ఇన్ఫెక్షన్ల వల్ల కూడా ఇలా జరిగే అవకాశం ఉంటుంది కాబట్టి నిర్లక్ష్యం చేయకూడదు.

ఇది కూడా చదవండి..కిడ్నీ వ్యాధి లక్షణాలు: ఈ సంకేతాలను అస్సలు నిర్లక్ష్యం చేయవద్దు..

ఇది కూడా చదవండి..మీరు ఆరోగ్యంగా బరువు తగ్గాలంటే..? 

ఇది కూడా చదవండి..వర్షాకాలంలో అజీర్ణ సమస్యతో బాధపడుతున్నారా..? ఈ ఆహారాలను తినకండి.. 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..