Contact Lens : కాంటాక్ట్ లెన్స్‌లు వాడేటప్పుడు కళ్లలో ఈ మార్పులు కనిపిస్తే అస్సలు నిర్లక్ష్యం చేయవద్దు..!
సాక్షి లైఫ్ : అందంగా కనిపించాలనో, కళ్లద్దాల నుంచి ఉపశమనం పొందాలనో నేటితరం కాంటాక్ట్ లెన్స్‌ల వాడకం వైపు మొగ్గు చూపుతోంది. అయితే, వీటి వినియోగంలో ఏమాత్రం అజాగ్రత్త వహించినా నేత్రాల ఆరోగ్యానికి తీవ్ర ముప్పు వాటిల్లే ప్రమాదం ఉంది. లెన్స్‌లు ధరించే సమయంలో కళ్లలో కనిపించే ప్రధాన సమస్యలు, తీసుకోవాల్సిన జాగ్రత్తలను గురించి ఇప్పుడు తెలుసుకుందాం.. కాంటాక్ట్ లెన్స్‌లను శుభ్రంగా ఉంచుకోకపోయినా, అతిగా వాడినా కంటి ఇన్‌ఫెక్షన్లు వచ్చే అవకాశం ఎక్కువ. కొన్ని లక్షణాలు కనిపిస్తే లెన్స్‌లను వెంటనే తొలగించి జాగ్రత్త పడాలి.
ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..?
ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..?
ఇది కూడా చదవండి.. కాలేయ ఆరోగ్యాన్ని నిర్లక్ష్యం చేస్తున్నారా..? మౌనంగా పెరుగుతున్న ఈ వ్యాధి గురించి తెలుసా..?
నిర్లక్ష్యం చేయకూడని హెచ్చరికలు..
కళ్లు ఎర్రబడటం..లెన్స్‌లు పెట్టిన తర్వాత కళ్లు ఎర్రబడి, ఆ రంగు తగ్గకుండా ఉంటే అది నేత్ర శోథ లేదా ఇన్‌ఫెక్షన్‌కు సంకేతం కావచ్చు. తీవ్రమైన నొప్పి..లెన్స్‌లు ధరించినప్పుడు లేదా తీసిన తర్వాత కళ్లలో నొప్పిగా అనిపిస్తే తేలిగ్గా తీసుకోకూడదు. కంటిలో ఏదో గుచ్చుకున్నట్లు అనిపించడం, నిరంతరం మంట, దురద వేధిస్తుంటే లెన్స్ నాణ్యత తగ్గడం లేదా కళ్లలో పొడిబారడం (dry eyes) కారణం కావచ్చు.
కాంతిని చూడలేకపోవడం..
సాధారణ వెలుతురు ను సైతం కళ్లు తట్టుకోలేకపోవడం, లైట్లు చూడగానే కళ్లు జిగేల్‌మనడం లేదా మూసుకు పోవడం ఏదైనా లోపలి సమస్యకు సూచన. లెన్స్‌లు పెట్టుకున్న తర్వాత అకస్మాత్తుగా చూపు మసకబారినా లేదా స్పష్టత లోపించినా వెంటనే నేత్ర వైద్యుడిని సంప్రదించాలి. కారణం లేకుండా కళ్ల నుంచి ఆగకుండా నీరు కారుతుంటే లెన్స్ రాపిడి వల్ల కంటి పొర దెబ్బతింటున్నట్లు అర్థం చేసుకోవచ్చు.
చీము లేదా జిగట పదార్థం రావడం..
కళ్ల నుంచి పసుపు లేదా తెల్లటి జిగట స్రావం రావడం తీవ్రమైన బ్యాక్టీరియల్ ఇన్‌ఫెక్షన్‌కు ప్రధాన గుర్తు. కంటిలో ఏదో నలుసు ఉన్న భావన: లెన్స్ పెట్టుకున్నప్పుడు కంట్లో ఇసుక లేదా నలుసు పడినట్లుగా అసౌకర్యం కలిగితే, కార్నియాపై గీతలు పడే ప్రమాదం ఉంది.
పాటించాల్సిన ముఖ్య నియమాలు..
లెన్స్‌లను ముట్టుకునే ముందు చేతులను సబ్బుతో శుభ్రంగా కడుక్కొని ఆరబెట్టుకోవాలి. లెన్స్‌లను కడగడానికి వైద్యులు సూచించిన నిర్దేశిత స్టెరైల్ సొల్యూషన్‌ను మాత్రమే వాడాలి. సాధారణ నీటిని ఎట్టిపరిస్థితుల్లోనూ తగలనివ్వకూడదు. ప్రత్యేక అనుమతి లేని లెన్స్‌లను పెట్టుకుని నిద్రపోవడం, స్నానం చేయడం లేదా ఈత కొట్టడం అస్సలు చేయకూడదు. కళ్లలో నొప్పి, ఎరుపుదనం లేదా చూపులో మార్పులు కనిపించిన వెంటనే లెన్స్‌లను తీసివేసి వెంటనే కంటి నిపుణులను (ophthalmologist) సంప్రదించాలి.
ఇది కూడా చదవండి..చిన్నారులలో అరుదైన జన్యుపరమైన వ్యాధుల నిర్ధారణకు సరికొత్త రక్త పరీక్ష..
ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..?
ఇది కూడా చదవండి.. మీరు ఆరోగ్యంగా బరువు తగ్గాలంటే..?
గమనిక: ఇది కేవలంసమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..
