క్యాన్సర్ నుంచి రక్షణ సాధ్యమేనా..?

సాక్షి లైఫ్ : క్యాన్సర్ అనే పేరు వినగానే గుండె దడ పుడుతుంది. అయితే, సరైన ఆహారం, జీవనశైలి ద్వారా ఈ ప్రాణాంతక వ్యాధి ప్రమాదాన్ని చాలా వరకు తగ్గించుకోవచ్చని మీకు తెలుసా? క్యాన్సర్ ఒక తీవ్రమైన, ప్రాణాంతక సమస్య, దీని ప్రమాదం రోజులు గడిచే కొద్దీ పెరుగుతోంది. అన్ని వయసుల వారికి దీని ముప్పు ఉంది. వంశపారంపర్యంగా వచ్చే కారణాలతో పాటు, ఆహారం, జీవనశైలిలోని లోపాలు క్యాన్సర్ కేసుల పెరుగుదలకు ప్రధాన కారణాలుగా పరిగణిస్తున్నారు.

ఇది కూడా చదవండి..చిన్నారుల ఆరోగ్యానికి ఉపయోగపడే సూపర్ ఫుడ్స్ ఏమిటి..?

ఇది కూడా చదవండి..కాలేయ సమస్యలతో బాధపడుతున్నారా..? పొరపాటున కూడా ఈ 5 ఆహార పదార్థాలను తినకండి..!

ఇది కూడా చదవండి..వర్షాకాలంలో బలహీనమైన రోగనిరోధక శక్తికి బూస్ట్ నిచ్చే పండ్లు..

ధూమపానం, మద్యం వంటి అలవాట్లు కూడా ఈ వ్యాధి ప్రమాదాన్ని గణనీయంగా పెంచినట్లు పరిశోధనలు వెల్లడిస్తున్నాయి. కాబట్టి, క్యాన్సర్‌ను నివారించడానికి చిన్న వయస్సు నుంచే ప్రయత్నాలు ప్రారంభించాలి.

ప్రపంచవ్యాప్తంగా ప్రతి సంవత్సరం అత్యధిక మరణాలకు కారణమవుతున్న వ్యాధులలో క్యాన్సర్ అగ్రస్థానంలో ఉంది. 2022లో సుమారు 20 మిలియన్ (రెండు కోట్ల) కొత్త క్యాన్సర్ కేసులు నమోదయ్యాయి, ఈ సంఖ్య 2050 నాటికి 33 మిలియన్ (3.3 కోట్ల) కంటే ఎక్కువగా ఉంటుందని అంచనా. భారతదేశంలో ప్రతి సంవత్సరం 7 లక్షలకు పైగా కొత్త క్యాన్సర్ కేసులు నమోదవుతున్నాయి.

శరీరంలో క్యాన్సర్ కణాల పెరుగుదలను తగ్గించడంలో సహాయపడే వాటిపై దృష్టి పెట్టాలని వైద్యులు చెబుతున్నారు. ధూమపానం మానేయడం, ఆరోగ్యకరమైన బరువును నిర్వహించడం మరియు సమతుల్య ఆహారం తీసుకోవడం ఇందులో ముఖ్యమైనవి. దీనితో పాటు, సర్వైకల్ వంటి క్యాన్సర్లను నివారించడానికి టీకా వేయించుకోవడం అవసరం.

 సుమారు 30 శాతం 40శాతం క్యాన్సర్ కేసులను సరైన ఆహారంతో నివారించవచ్చని ఆహార నిపుణులు చెబుతున్నారు. అనేక ఆహారాలలో సమర్థవంతమైన యాంటీ-క్యాన్సర్, యాంటీఆక్సిడెంట్ గుణాలు ఉంటాయి, వీటిని ఆహారంలో చేర్చుకోవడం ద్వారా శరీరంలో క్యాన్సర్ కణాల పెరుగుదలను నిరోధించవచ్చని వారు అంటున్నారు.

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

ఇది కూడా చదవండి..ఆరోగ్యప్రయోజనాలు పొందాలంటే సలాడ్ ను ఏ టైమ్ లో తినాలి..?

ఇది కూడా చదవండి..మంచి కొలెస్ట్రాల్ ను పెంచే దానిమ్మ.. 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.