Jaundice: కళ్లు పసుపు రంగులో ఉంటే కామెర్లు ఉన్నట్లేనా..? 

సాక్షి లైఫ్ : మన శరీరంలో కాలేయం (Liver) అనేది ఒక రసాయన కర్మాగారం లాంటిది. జీర్ణక్రియలో సహాయపడటం, విషతుల్యాలను (Toxins) తొలగించడం, పోషకాలను నిల్వ చేయడం వంటి కీలక విధులను ఇది నిర్వర్తిస్తుంది. అయితే, కాలేయం పనితీరులో లోపం వచ్చినప్పుడు, మన శరీరంలో కనిపించే అత్యంత స్పష్టమైన సంకేతాలలో ఒకటి కళ్ళు పసుపు రంగు (Yellowing of eyes and skin)లోకి మారడం.

@ 7 ఏళ్లు : ప్రపంచంలోనే అతిపెద్ద ఆరోగ్య బీమా పథకం 'ఆయుష్మాన్ భారత్'..  

Sciatica : సయాటికా, నడుము నొప్పి ఉపశమనం కోసం ఉత్తమ యోగాసనాలు..

Hypertension : చెవుల్లో 'రింగుమనే' శబ్దం హైపర్‌టెన్షన్‌కు హెచ్చరిక సంకేతమా..?

వైద్య పరిభాషలో దీనిని కామెర్లు (Jaundice) అని అంటారు. ఇది కాలేయ సమస్యలకు, ముఖ్యంగా హెపటైటిస్, సిర్రోసిస్ లేదా పిత్తాశయ నాళాలు (Bile Ducts) అడ్డుపడటానికి ప్రధాన సూచన. కళ్లలోని తెల్లటి భాగం (Sclera) పసుపు రంగులోకి మారితే, కాలేయం సూచించే అత్యవసర హెచ్చరికగానే భావించాలని వైద్యనిపుణులు వెల్లడిస్తున్నారు.

కామెర్లు ఎందుకు వస్తాయి అంటే..?

శరీరంలో బిలిరుబిన్ (Bilirubin) స్థాయిలు పెరగడం వల్ల కళ్లు పసుపు రంగులోకి మారుతాయి. పాత ఎర్ర రక్త కణాలు (Red Blood Cells) విచ్ఛిన్నమైనప్పుడు ఉత్పత్తి అయ్యే వ్యర్థ పదార్థమే బిలిరుబిన్. ఆరోగ్యంగా ఉన్న కాలేయం ఈ బిలిరుబిన్‌ను వడబోసి, దాన్ని పిత్తం (Bile) ద్వారా లేదా మూత్రం ద్వారా శరీరం నుంచి బయటకు పంపుతుంది. కాలేయం వ్యాధిగ్రస్తమైనప్పుడు లేదా దెబ్బతిన్నప్పుడు, అది బిలిరుబిన్‌ను సరిగా ప్రాసెస్ చేయలేదు. దీనివల్ల బిలిరుబిన్ రక్తంలో పేరుకుపోయి, చర్మం, కళ్లు పసుపు రంగులోకి మారుతాయి.

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..? 

ఇది కూడా చదవండి..విటమిన్ సి లోపించినప్పుడు కనిపించే ముఖ్య లక్షణాలు ఇవే.. 

ఇలాంటి కచ్చితమైన ఆరోగ్య సమాచారాన్ని అనుభవజ్ఞులైన వైద్య నిపుణులు అందించే మరిన్ని విషయాలను గురించి మీరు తెలుసుకోవాలంటే సాక్షి లైఫ్ ను ఫాలో అవ్వండి..  

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి