Low Blood Pressure : లో బీపీతో బాధపడుతున్నారా..? ఈ ఆహారాలు తింటే ఆసుపత్రి పాలవక తప్పదు.. జాగ్రత్త..!

సాక్షి లైఫ్ : నేటి ఉరుకుల పరుగుల జీవితంలో రక్తపోటు (bp) సమస్యలు సర్వసాధారణం అయిపోయాయి. పిల్లల నుంచి వృద్ధుల వరకు ప్రతి ఒక్కరినీ ఈ సమస్య వేధిస్తోంది. అయితే చాలామంది హై-బీపీ (hypertension) గురించే ఎక్కువగా ఆందోళన చెందుతుంటారు. కానీ, లో బీపీ (hypotension) కూడా అంతే ప్రమాదకరం. బీపీ 90/60 mmHg లేదా అంతకంటే తక్కువగా ఉంటే దాన్ని లో-బీపీగా పరిగణిస్తారు. దీని పట్ల అప్రమత్తంగా ఉండకపోతే ప్రాణాలకే ప్రమాదం. ముఖ్యంగా, మనం తీసుకునే ఆహారం విషయంలో ఏమాత్రం అజాగ్రత్తగా ఉన్నా రక్తపోటు ఒక్కసారిగా పడిపోయి స్పృహ కోల్పోవడం, కిందపడిపోయి గాయాలపాలు కావడం, ఒక్కోసారి ఆసుపత్రిలో చేరాల్సిన పరిస్థితి సైతం తలెత్తవచ్చు.

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..?

ఇది కూడా చదవండి..మీరు ఆరోగ్యంగా బరువు తగ్గాలంటే..? 

ఇది కూడా చదవండి..సిండ్రోమ్ Xకు ప్రారంభ దశలో ఎలాంటి చికిత్సను అందిస్తారు..?

లో-బీపీ లక్షణాలు ఎలా ఉంటాయి..?

తరచుగా తల తిరగడం,కళ్లు తిరగడం..

తీవ్రమైన నీరసం, అలసట..

అకస్మాత్తుగా స్పృహ తప్పి పడిపోవడం..

చేతులు, కాళ్లు వణకడం..

మీకు ఇలాంటి లక్షణాలు కనిపిస్తే వెంటనే వైద్యులను సంప్రదించి తగిన చికిత్స తీసుకోవాలి. అదే సమయంలో ఆహారపు అలవాట్ల పట్ల తీవ్రమైన జాగ్రత్తలు వహించాలి.

లో బీపీ ఉన్నవారు ఎట్టి పరిస్థితుల్లో తినకూడని ఆహారాలివే..

హై బీపీని తగ్గించుకోవడానికి చాలామంది కొన్ని రకాల ఆహారాలను డైట్‌లో చేర్చుకుంటారు. కానీ, అవే ఆహారాలు లో-బీపీ ఉన్నవారికి శాపంగా మారుతాయి. అవేంటో ఇప్పుడు తెలుసుకుందాం..

1. బీట్‌రూట్ (Beetroot)..

బీట్‌రూట్ గుండె ఆరోగ్యానికి ఎంతో మేలు చేస్తుంది. హై బీపీతో బాధపడేవారికి ఇది దివ్యౌషధం. ఇందులోని నైట్రేట్లు శరీరంలో నైట్రిక్ ఆక్సైడ్‌గా మారి రక్తనాళాలను వెడల్పు చేస్తాయి. తద్వారా రక్తపోటు తగ్గుతుంది. అయితే, ఇప్పటికే లో-బీపీ ఉన్నవారు బీట్‌రూట్ ఎక్కువగా తినడం లేదా దాని జ్యూస్ తాగడం వల్ల రక్తపోటు మరింతగా పడిపోయి ప్రాణాపాయ స్థితికి చేరుకునే ప్రమాదం ఉంది.

2. పచ్చి వెల్లుల్లి (Garlic)..

వెల్లుల్లి గుండెకు మంచిదే అయినప్పటికీ, ఇందులో రక్తపోటును తగ్గించే సహజ సమ్మేళనాలు ఉంటాయి. ముఖ్యంగా పచ్చి వెల్లుల్లిని ఎక్కువగా తినడం వల్ల లో-బీపీ ఉన్నవారికి ముప్పు పెరుగుతుంది. బీపీకి మందులు వాడేవారు దీనికి మరింత దూరంగా ఉండాలి.

3. మెంతులు (Fenugreek)..

మెంతులకు, అలాగే కొన్ని ఆయుర్వేద మూలికలకు రక్తపోటును వేగంగా తగ్గించే గుణం ఉంది. కాబట్టి లో-బీపీతో బాధపడేవారు వైద్యుల సలహా లేకుండా మెంతులను, మూలికా ఉత్పత్తులను మోతాదుకు మించి తీసుకోకూడదు.

4. మద్యం (Alcohol)..

హై బీపీ అయినా, లో బీపీ అయినా మద్యం సేవించడం ఆరోగ్యానికి హానికరం. ఆల్కహాల్ వల్ల శరీరంలో డీహైడ్రేషన్ ఏర్పడి బీపీ అమాంతం తగ్గిపోతుంది. దీంతో కళ్లు తిరగడం, నీరసించి కింద పడిపోవడం వంటి ప్రమాదాలు పెరుగుతాయి.

అకస్మాత్తుగా బీపీ పడిపోతే ఏం చేయాలి..?

ఒకవేళ మీకు అకస్మాత్తుగా కళ్లు తిరుగుతున్నట్లు అనిపించినా, కాళ్లు చేతులు వణుకుతున్నా వెంటనే అప్రమత్తం కావాలి. ఏమాత్రం ఆలస్యం చేయకుండా కింద కూర్చోవాలి లేదా కాళ్లను కాస్త ఎత్తులో ఉంచి వెల్లకిలా పడుకోవాలి. ఇలా చేయడం వల్ల మెదడుకు రక్త సరఫరా మెరుగుపడుతుంది. పదే పదే లో బీపీ సమస్య ఎదురవుతుంటే కేవలం ఇంటి చిట్కాలపైనే ఆధారపడకుండా వెంటనే డాక్టర్‌ను సంప్రదించి కచ్చితమైన చికిత్స తీసుకోవాలి.

ఇది కూడా చదవండి.. ఎక్కిళ్లు రావడానికి కారణాలు..? నివారణా చిట్కాలు.. 

ఇది కూడా చదవండి..ఒక వ్యక్తికి రోజుకి ఎన్ని కేలరీస్ అవసరం..? 

 ఇది కూడా చదవండి.. ఎర్ర రక్త కణాలు, తెల్ల రక్త కణాల మధ్య వ్యత్యాసం..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.