Heart Attack : గుండెపోటు బాధితులకు స్టెమ్ సెల్స్‌తో చికిత్స.. 

సాక్షి లైఫ్ : ఆధునిక వైద్య రంగంలో (Stem cell therapy)స్టెమ్ సెల్ థెరపీ సరికొత్త ఆశలను రేకెత్తిస్తోంది. ముఖ్యంగా గుండెపోటు (Heart Attack) వచ్చిన తర్వాత గుండె కండరాలు దెబ్బతిని గుండె వైఫల్యం (Heart Failure) చెందే ప్రమాదం ఉన్నవారికి ఈ చికిత్స ఒక వరంగా మారుతుందని తాజా క్లినికల్ ట్రయల్స్ (Clinical Trials) వెల్లడిస్తున్నాయి.

ఇది కూడా చదవండి..Weight loss : బరువు తగ్గడం కోసం 'ఫేక్ ఫాస్టింగ్' ఉపయోగపడుతుందా..?

ఇది కూడా చదవండి..Diabetes : డయాబెటిస్ ను అదుపులో ఉంచుకోవడానికి ఎలాంటి ఆహార నియమాలు పాటించాలి..?

ఇది కూడా చదవండి..Anti-Aging Strategies : జీవ గడియారాన్ని వెనక్కి తిప్పే శాస్త్రీయ మార్గాలు..?

  పరిశోధనలో..  

గుండెపోటు తర్వాత గుండె పనితీరు బలహీనపడిన (Weak Heart Function) రోగులపై అంతర్జాతీయ పరిశోధకుల బృందం ఇటీవల ఒక ఫేజ్ 3 క్లినికల్ ట్రయల్ నిర్వహించింది. ఇందులో వచ్చిన ఫలితాలు వైద్య ప్రపంచాన్ని ఆశ్చర్యపరిచాయి. 

గుండె వైఫల్యం ముప్పు తగ్గింపు..  

 గుండెపోటు వచ్చిన కొద్ది రోజులకే స్టెమ్ సెల్ ఇన్ఫ్యూషన్ (Intracoronary Infusion) తీసుకున్న రోగులలో, సాధారణ చికిత్స తీసుకున్నవారితో పోలిస్తే గుండె వైఫల్యం వచ్చే రేటు గణనీయంగా తక్కువగా నమోదైంది.

గుండె వైఫల్యం కారణంగా ఆసుపత్రిలో తిరిగి చేరే (Hospital Readmission) ప్రమాదం కూడా స్టెమ్ సెల్ థెరపీ పొందిన వారిలో సుమారు 75శాతం వరకు తగ్గిందని పరిశోధకులు గుర్తించారు.
చికిత్స తర్వాత ఆరు నెలల్లోనే, స్టెమ్ సెల్స్ తీసుకున్నవారిలో గుండె రక్తాన్ని పంప్ చేసే సామర్థ్యం (Left Ventricular Ejection Fraction) కూడా మెరుగైన ఫలితం చూపించింది.

స్టెమ్ సెల్స్ ఎలా పనిచేస్తాయి అంటే..?

గుండెపోటు వచ్చినప్పుడు, గుండె కండరాలకు రక్తం సరఫరా ఆగిపోయి, కండరాలు దెబ్బతింటాయి (Scar Tissue). దీనివల్ల గుండె బలహీనపడి, క్రమంగా గుండె వైఫల్యానికి దారితీయవచ్చు.

మెసెన్‌చైమల్ స్టెమ్ సెల్స్ (Mesenchymal Stem Cells).. 

ఈ చికిత్సలో ఎక్కువగా ఉపయోగించే మెసెన్‌చైమల్ స్టెమ్ సెల్స్ (ఎముక మజ్జ లేదా బొడ్డు తాడు నుంచి సేకరించినవి) దెబ్బతిన్న గుండె కండరాల ప్రాంతంలోకి ఇంజెక్ట్ చేస్తారు.

మరమ్మత్తు ప్రక్రియ (Repair Mechanism).. 

ఈ స్టెమ్ సెల్స్ దెబ్బతిన్న కణజాలాన్ని నేరుగా కొత్త గుండె కణాలుగా మార్చలేకపోయినా, అవి "వృద్ధి కారకాలను (Growth Factors)" విడుదల చేస్తాయి. ఈ కారకాలు వాపును (Inflammation) తగ్గిస్తాయి, కొత్త రక్తనాళాలు ఏర్పడటానికి తోడ్పడతాయి. గుండె తనంతట తానుగా మరమ్మత్తు చేసుకునే ప్రక్రియను (Natural Healing) మెరుగుపరుస్తాయి.

ప్రస్తుతం గుండెపోటు తర్వాత చికిత్సల్లో స్టెంట్ లేదా బైపాస్ సర్జరీ (bypass surgery) ప్రధానంగా ఉన్నాయి. అయితే, ఈ స్టెమ్ సెల్ థెరపీ(stem cell therapy)ని "అదనపు చికిత్స" గా చేర్చడం వల్ల గుండె జబ్బుల చికిత్సలో విప్లవాత్మక మార్పులు వచ్చే అవకాశం ఉందని నిపుణులు అంటున్నారు. ఈ ఫలితాలు మరింత ధృవీకరించడానికి పెద్ద ఎత్తున ట్రయల్స్ అవసరమని పరిశోధకులు స్పష్టం చేశారు.

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే....? 

ఇది కూడా చదవండి..రోజూ బెల్లం తింటే బరువు పెరుగుతారా..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.