చైనీస్ వెల్లుల్లి Vs ఇండియా వెల్లుల్లికి తేడా ఏంటి..?
సాక్షి లైఫ్ : ఆరోగ్యానికి హానికరం అని భావించే నిషేధిత చైనీస్ వెల్లుల్లి ఇప్పటికీ మార్కెట్లలో ఎలా దొరుకుతుందో పరిశీలించాలని అలహాబాద్ హైకోర్టు గతనెలలో లక్నో బెంచ్ యూపీ ఫుడ్ సేఫ్టీ విభాగాన్ని ఆదేశించింది. చైనీస్ వెల్లుల్లి దిగుమతిపై కేంద్రం నిషేధం విధించినప్పటికీ ఇప్పటికీ మార్కెట్లలో విక్రయిస్తున్నారని ఫిర్యాదు చేస్తూ ఒక న్యాయవాది దాఖలు చేసిన ప్రజా ప్రయోజన వ్యాజ్యానికి హై కోర్టు స్పందించింది. చైనీస్ వెల్లుల్లిని స్లో పాయిజన్గా పరిగణిస్తారు ఎందుకంటే పురుగుమందుల అధిక వినియోగంతో వాటిని పండిస్తారు కాబట్టి.
ఇది కూడా చదవండి.. పానీపూరీ తయారీలో కృత్రిమ రంగులపై నిషేధం..
ఇది కూడా చదవండి..షవర్మాలో బ్యాక్టీరియా.. తయారీదారులపై చట్టపరమైన చర్యలు..
ఇది కూడా చదవండి..ప్రోటీన్ ఫుడ్ దేనికి ప్రయోజనకరం..?
ఇది కూడా చదవండి.. 40 ఏళ్ల తర్వాత ప్రెగ్నెన్సీకి ప్లాన్ చేసుకోవచ్చా..?
చైనీస్ వెల్లుల్లి భారతదేశంలో 2014 నుంచి నిషేధించారు. అయితే ఇది ఇప్పటికీ దేశంలోని అనేక రాష్ట్రాల కూరగాయల మార్కెట్లలోకి ప్రవేశిస్తోంది. మార్కెట్లో లభించే ఈ చైనీస్ వెల్లుల్లి ఆరోగ్యానికి హానికరం. వెల్లుల్లిని 'మ్యాజికల్ స్పైస్' అంటారు. ఇది భారతీయ ఆహారంలో ముఖ్యమైన భాగం. అయితే, మార్కెట్లో లభించే చైనీస్ వెల్లుల్లి కూడా ఆహారం రుచిని పెంచుతుంది, అయితే ఇది అనేక అనారోగ్య సమస్యలకు కారణమవుతుంది. వాస్తవానికి, చైనీస్ వెల్లుల్లిని పండించడానికి ఆధునిక పద్ధతులు ఉపయోగిస్తారు. ఇందులో భాగంగా రసాయనాలు, పురుగుమందులు ఎక్కువగా వాడతారు. అంతేకాకుండా, చైనీస్ వెల్లుల్లిలో సింథటిక్ పదార్థాలు కూడా ఉన్నాయి. ఇవి ప్రమాదకరమైనవి.
అటువంటి పరిస్థితిలో ఈ రసాయనాలు కలిగిన వెల్లుల్లి వాడకం ఆరోగ్యానికి తీవ్రమైన హాని కలిగిస్తుంది. ఆరోగ్యానికి హాని కలిగిస్తుండడంతో చైనీస్ వెల్లుల్లిని భారతదేశంలో నిషేధించారు. కాబట్టి మార్కెట్లో లభించే చైనీస్ వెల్లుల్లిని వాడకపోవడం మంచిదని పరిశోధకులు వెల్లడిస్తున్నారు. భారతదేశానికి చెందిన వెల్లుల్లి ఆరోగ్యకరమైనది. దీనిని వాడడం వల్ల ఎలాంటి దుష్ప్రభావాలు తలెత్తవు.