మీ పాదాల మీద ఈ ఏడు సంకేతాలు కనిపిస్తే కొలెస్ట్రాల్ పెరిగినట్టే.. 

సాక్షి లైఫ్ : శరీరంలో కొలెస్ట్రాల్ స్థాయి ఎక్కువైతే, అది ఆరోగ్యానికి చాలా ప్రమాదకరంగా మారడమేకాకుండా పలు రకాల అనారోగ్య సమస్యలు తలెత్తుతాయి. ముఖ్యంగా జీవనశైలి కారణంగా కొలెస్ట్రాల్ స్థాయి పెరిగిపోతుంది. కొలెస్ట్రాల్ ఎక్కువగా ఉన్నప్పుడు, పాదాలతోపాటు ఇతర శరీర భాగాల్లో కొన్ని సంకేతాలు కనిపిస్తాయి. ఇవి శరీరంలో జరుగుతున్న మార్పులను సూచించే సూచనలుగా పరిగణించాలి. ఆయా సంకేతాలను గుర్తించడం ద్వారా ఆరోగ్యాన్ని కాపాడుకోవచ్చు.. 

ఇది కూడా చదవండి.. శుద్ధి చేయని నూనెలతో పోలిస్తే శుద్ధి చేసిన నూనెలు ఇన్సులిన్ నిరోధకతను ఎలా ప్రభావితం చేస్తాయి?

ఇది కూడా చదవండి.. ఫ్యాటీ లివర్ ను నివారించే మార్గాలు ఏమిటి..?

ఇది కూడా చదవండి.. ఎలాంటి సహజ ఆహారాలు కొలెస్ట్రాల్ స్థాయిలను తగ్గించడంలో సహాయపడుతాయి..?

ఈ రోజుల్లో కొలెస్ట్రాల్ స్థాయిలు పెరగడం ఒక సాధారణ సమస్య. కానీ దాని లక్షణాలను గుర్తించడం చాలా ముఖ్యం. మీ పాదాలలో కనిపించే చిన్న, చిన్న మార్పులు మీ గుండె ఆరోగ్యం గురించి పెద్ద రహస్యాలను వెల్లడిస్తాయని మీకు తెలుసా..? అవును శరీరంలో కొలెస్ట్రాల్ పెరిగినప్పుడు శరీరంలో పలురకాల సంకేతాలు కనిపిస్తాయి.

ముఖ్యంగా పాదాలలో కొన్ని లక్షణాలు కనిపిస్తాయి. అవేంటనేది అందరూ తప్పనిసరిగా తెలుసుకోవాలి. ఒకవేళ ఈ సంకేతాలను గుర్తించలేకపోతే  మీరు మీ శరీరం ఇచ్చే సిగ్నల్స్ ను విస్మరిస్తున్నారని, భవిష్యత్తులో అనేక సమస్యలను కలిగిస్తుందని గుర్తుంచుకోండి.

చర్మం రంగు మారడం.. 

మీ పాదాల చర్మం పసుపు లేదా నీలం రంగులోకి మారుతుంటే, రక్త ప్రసరణ సజావుగా జరగడం లేదనడానికి సంకేతం కావచ్చు. రక్త ప్రసరణ సరిగా లేకపోవడం వల్ల చర్మం రంగు మారడం లేదా కాళ్లపై మచ్చలు కనిపించడం జరుగుతుంది. ఈ లక్షణాలు చాలా కాలం పాటు కొనసాగితే, ఖచ్చితంగా వైద్యుడిని సంప్రదించండి.

 గాయాలు త్వరగా మానకపోవడం.. 

మీ పాదాలపై చిన్న గాయం లేదా కోత ఉండి, అది త్వరగా నయం కాకపోతే, అది తీవ్రమైన సంకేతం కావచ్చు. అధిక కొలెస్ట్రాల్ రక్త ప్రసరణను నెమ్మదింప చేస్తుంది, ఇది గాయాలు నయం చేసే ప్రక్రియను ప్రభావితం చేస్తుంది. మీ పాదాలపై ఉన్న గాయాలు మానడానికి ఎక్కువ సమయం పడుతున్నట్లైతే మీరు గమనించినట్లయితే, అది మీకు ఒక హెచ్చరిక కావచ్చు.

 కొలెస్ట్రాల్ సంకేతాలు.. 

సాధారణంగా ప్రజలు కొలెస్ట్రాల్‌కు సంబంధించిన సంకేతాలను విస్మరిస్తారు, కానీ మీ పాదాలలో కనిపించే కొన్ని మార్పులు మీ కొలెస్ట్రాల్ పెరుగుదలకు సంకేతంగా ఉండవచ్చని మీకు తెలుసా?

 తిమ్మిరిగా అనిపించడం.. 

మీ పాదాలలో తరచుగా జలదరింపు లేదా తిమ్మిరిగా అనిపిస్తే, అది రక్త ప్రసరణ సరిగా లేకపోవడానికి సంకేతం కావచ్చు. ధమనులలో కొలెస్ట్రాల్ పేరుకుపోయినప్పుడు, అది రక్త ప్రవాహాన్ని నెమ్మదింప చేస్తుంది, ఆక్సిజన్, పోషకాలు కాళ్ళకు చేరకుండా నిరోధిస్తుంది. ఈ సమస్య క్రమంగా పెరిగి నరాలను ప్రభావితం చేస్తుంది.

రక్త ప్రవాహం మందగించడం..

మీరు చల్లని ప్రదేశంలో లేనప్పుడు కూడా మీ పాదాలు చల్లగా అనిపిస్తే, అది తగినంత రక్తం మీ పాదాలకు చేరడం లేదనడానికి సంకేతం కావచ్చు. ఇది సాధారణంగా ధమనులలో కొలెస్ట్రాల్ పేరుకుపోయి నప్పుడు రక్త ప్రవాహం మందగించినప్పుడు సంభవిస్తుంది. ఆ సమయంలో కాళ్లు ,పాదాలు కాస్త చల్లగా మారుతాయి. 
 

కాళ్లు నొప్పి- తిమ్మిరి.. 

రాత్రిపూట నిద్రపోతున్నప్పుడు లేదా నడుస్తున్నప్పుడు కాళ్ళలో తరచుగా తిమ్మిర్లు లేదా నొప్పిగా ఉంటే, ధమనులు ఇరుకైనవని, రక్త ప్రసరణ ప్రభావితమవుతోందని సూచిస్తుంది. దీనిని 'పెరిఫెరల్ ఆర్టరీ డిసీజ్' (పి ఏడి) అని పిలుస్తారు. ఇది అధిక కొలెస్ట్రాల్ వల్ల సంభవించవచ్చు.

ఇది కూడా చదవండి.. బ్యాక్టీరియా ఎలా సంక్రమిస్తుంది..?

ఇది కూడా చదవండి.. హిమోఫిలియా ఎలా నయం అవుతుంది..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.