Plastic Trap in Your Kitchen : వంటగదిలో 'ప్లాస్టిక్' విషవలయం..ఈ 5 వస్తువులను వెంటనే మార్చేయండి..!

సాక్షి లైఫ్ ; మనం నిత్యం ఆరోగ్యం గురించి ఎన్నో జాగ్రత్తలు తీసుకుంటాం. ఆర్గానిక్ కూరగాయలు, పోషకాలతో కూడిన ఆహారం తింటున్నామని మురిసిపోతుంటాం. కానీ, అసలు అనారోగ్యం మన వంటగది నుంచే మొదలవుతోందని ఎంతమంది గమనిస్తున్నారు..? సౌకర్యం పేరుతో మనం వాడుతున్న ప్లాస్టిక్ వస్తువులు నిశ్శబ్దంగా మన శరీరంలోకి విషాన్ని నూరిపోస్తున్నాయి.

జూన్ 5వ తేదీన 'ప్రపంచ పర్యావరణ దినోత్సవం' సందర్భంగా, అటు పర్యావరణాన్ని, ఇటు మన ఆరోగ్యాన్ని తీవ్రంగా దెబ్బతీస్తున్న ఆ ఐదు ప్లాస్టిక్ 'విలన్ల' గురించి తెలుసుకుని, వాటికి ప్రత్యామ్నాయాలను అలవాటు చేసుకుందాం..

ఇది కూడా చదవండి..Weight loss : బరువు తగ్గడం కోసం 'ఫేక్ ఫాస్టింగ్' ఉపయోగపడుతుందా..?

 ఇది కూడా చదవండి.. గుండె నొప్పిని ఎలా గుర్తించవచ్చు..?

  ఇది కూడా చదవండి..చెడు కొలెస్ట్రాల్ ను నియంత్రించే పనస పండు.. 

ఇది కూడా చదవండి.. ప్రీమెన్‌ స్ట్రువల్ సిండ్రోమ్ వచ్చేముందు లక్షణాలు ఎలా ఉంటాయి..?

1. ప్లాస్టిక్ డబ్బాలు..

పప్పులు, ఉప్పులు, స్నాక్స్ నిల్వ చేయడానికి వంటగదిలో రంగురంగుల ప్లాస్టిక్ డబ్బాలు దర్శనమిస్తుంటాయి. వీటిలో ఉండే బిస్ఫినాల్-ఎ (BPA) వంటి రసాయనాలు నెమ్మదిగా ఆహార పదార్థాల్లోకి చేరుతాయి. ముఖ్యంగా వేడివేడి పదార్థాలను వీటిలో ఉంచినప్పుడు రసాయనాల తీవ్రత మరింత పెరుగుతుంది.

సురక్షిత ప్రత్యామ్నాయం ఏమిటంటే..? వీటికి బదులుగా పాతకాలపు పద్ధతిలో గాజు సీసాలు (Glass Jars) లేదా స్టెయిన్‌లెస్ స్టీల్ పాత్రలను ఉపయోగించడం ఎంతో సురక్షితం, అందం కూడా.

2. ప్లాస్టిక్ వాటర్ బాటిళ్లు..

ఫ్రిజ్‌లో చల్లటి నీటి కోసం మనం ఎక్కువగా ప్లాస్టిక్ సీసాలనే వాడుతుంటాం. ఈ సీసాలలో నీరు ఎక్కువ కాలం నిల్వ ఉండటం వల్ల, కంటికి కనిపించని మైక్రోప్లాస్టిక్స్ నీటిలో కలుస్తాయి. ఇవి కాలేయం, కిడ్నీలపై తీవ్ర ప్రభావం చూపుతాయి.

సురక్షిత ప్రత్యామ్నాయం ఏమిటంటే..? నీటిని నిల్వ చేయడానికి రాగి (Copper), స్టీల్ లేదా సాంప్రదాయ మట్టి సీసాలను వాడండి. మట్టిపాత్రల్లోని నీరు సహజంగానే చల్లదనంతో పాటు ఆరోగ్యానికి మేలు చేస్తుంది.

3. ప్లాస్టిక్ డిష్ వాష్ స్క్రబ్బర్లు..

గిన్నెలు తోమడానికి వాడే ప్లాస్టిక్ స్క్రబ్బర్లు పర్యావరణానికి పెద్ద శాపంగా మారాయి. గిన్నెలు కడిగేటప్పుడు వీటి నుంచి విడిపోయే చిన్న చిన్న ప్లాస్టిక్ పీచులు (Microfibers) నీటి ద్వారా డ్రైనేజీల్లోకి, అక్కడి నుంచి నదులు, సముద్రాల్లోకి చేరి జలచరాల ప్రాణాల మీదికి తెస్తున్నాయి.

సురక్షిత ప్రత్యామ్నాయం ఏమిటంటే..? నూటికి నూరు శాతం పర్యావరణహితమైన జనపనార (Jute) లేదా కొబ్బరి పీచుతో చేసిన స్క్రబ్బర్లను వాడటం ఉత్తమం.

4. ప్లాస్టిక్ కటింగ్ బోర్డులు..

కూరగాయలు త్వరగా కోయడానికి ప్లాస్టిక్ కటింగ్ బోర్డులను వాడుతుంటాం. అయితే, కత్తితో కూరగాయలు కోసే ప్రతిసారీ బోర్డుపై ఉండే ప్లాస్టిక్ కూడా స్వల్పంగా కట్ అయి ఆహారంలో కలిసిపోతుంది. ఆ మైక్రోప్లాస్టిక్స్ నేరుగా మన కడుపులోకి చేరుతున్నాయి.

సురక్షిత ప్రత్యామ్నాయం  ఏమిటంటే..? సహజసిద్ధమైన యాంటీ-బ్యాక్టీరియల్ గుణాలు కలిగిన నాణ్యమైన చెక్క (Wood) లేదా వెదురు (Bamboo) కటింగ్ బోర్డులను ఎంచుకోండి.

5. ప్లాస్టిక్ గరిటెలు, స్పూన్లు..

నాన్-స్టిక్ ప్యాన్‌లు పాడవకుండా ఉండేందుకు చాలామంది నల్లటి ప్లాస్టిక్ గరిటెలను (Nylon/Plastic Spatulas) వాడుతుంటారు. వేడి పెనంపై వీటిని తిప్పినప్పుడు, ఆ ఉష్ణోగ్రతకు ప్లాస్టిక్ కరిగి హానికరమైన రసాయనాలు వంటకాల్లో కలిసిపోతాయి.

సురక్షిత ప్రత్యామ్నాయం  ఏమిటంటే..? వంట వండేటప్పుడు చెక్క గరిటెలు (Wooden Spoons) లేదా స్టీల్ గరిటెలను మాత్రమే వాడాలి. చెక్క గరిటెల వల్ల నాన్-స్టిక్ పాత్రలకు స్క్రాచెస్ పడే ప్రమాదం కూడా ఉండదు.

ఒకే రోజులో వంటగదిలోని ప్లాస్టిక్‌నంతటినీ తీసేయడం సాధ్యం కాకపోవచ్చు. కానీ, ఇంట్లో ఉన్న ఒక ప్లాస్టిక్ వస్తువు పాడైపోయినప్పుడు... దాని స్థానంలో ప్లాస్టిక్ రహిత ప్రత్యామ్నాయాన్ని కొనడం అలవాటు చేసుకోండి. ఈ చిన్న మార్పే రేపటి మీ ఆరోగ్యానికి రక్షణ కవచం..!

ఇది కూడా చదవండి.. శరీరంలో ప్లేట్‌లెట్స్‌ కౌంట్‌ ఎంత ఉండాలి..?

ఇది కూడా చదవండి..డిప్రెషన్ ఉన్న వారిలో ఎలాంటి మార్పులు కనిపిస్తాయి..?

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..?  

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.