మెడిసిన్స్ లేకుండా హైబీపీని తగ్గించే చిట్కాలు..?  

సాక్షి లైఫ్ : పలురకాల వ్యాధులను కొన్ని జాగ్రత్తలు, అవసరమైన చిట్కాలు పాటించడం ద్వారా ఎలాంటి మందులు, చికిత్సతో పనిలేకుండా బీపీని కూడా తగ్గించుకోవచ్చని పోషకాహార నిపుణులు వెల్లడిస్తున్నారు. హైబీపీని హైపర్‌టెన్షన్‌ అనికూడా అంటారు. అయితే దీనిని నివారించడానికి, ఆరోగ్యకరమైన జీవనశైలితోపాటు అవసరమైన జాగ్రత్తలు తీసుకోవాలని వైద్యులు సూచిస్తున్నారు.

 ఇది కూడా చదవండి..హెమటోలాజిక్ క్యాన్సర్ అంటే ఏమిటి..?

ఇది కూడా చదవండి..మనం ఆరోగ్యంగా ఉండాలంటే శరీరానికి తప్పనిసరిగా ఈ ఆరు అవసరం..

 ఇది కూడా చదవండి..ప్యాక్ చేసిన జ్యూస్‌లతో ఎలాంటి దుష్ప్రభావాలున్నాయంటే..?

బీపీని తగ్గించుకునేందుకు బరువును అదుపులో ఉంచుకోవడం ద్వారా హై బీపీ సమస్య నుంచి కొంతమేర బయట పడొచ్చట. అధిక బరువు లేదా ఊబకాయంతో బాధపడుతున్నట్లయితే, బరువు తగ్గడం వల్ల కూడా రక్తపోటును నియంత్రించవచ్చని వైద్యనిపుణులు చెబుతున్నారు. అందుకోసమే మీ బరువును సాధారణ బీఎంఐ పరిధిలో ఉంచడానికి ప్రయత్నించండి.

బ్లడ్ ప్రెజర్ (బీపీ) ప్రభావం.. 

బ్లడ్ ప్రెజర్ (బీపీ) ప్రభావం శరీరంలోని అన్ని అవయవాలపై కూడా పడుతుంది. ముఖ్యంగా హైపర్‌టెన్షన్‌ కారణంగా మరిన్ని అనారోగ్య సమస్యలను ఎదుర్కోవాల్సి ఉంటుంది. హైపర్‌టెన్షన్‌ ను మందులతో పనిలేకుండా నివారించవచ్చా..? ప్రతిరోజూ మనం తీసుకునే ఆహారంతోపాటు రోజువారీ జీవన విధానంలో ఏమేం మార్పులు చేసుకోవాలి..? అనేది ఇప్పుడు తెలుసుకుందాం.. 

స్ట్రెస్.. 

 దీర్ఘకాలిక ఒత్తిడి కారణంగా రక్తపోటు పెరుగుతుంది. అందువల్ల ఒత్తిడిని తగ్గించుకోవడానికి ప్రయత్నించండి. ఒత్తిడిని తగ్గించుకోవడానికి, యోగా, ధ్యానం, లోతైన శ్వాస వంటి విశ్రాంతి వ్యాయామాలు చేయండి. ప్రతిరోజూ 7-9 గంటలు నిద్రపోవడానికి ప్రయత్నించండి. నిద్రలేమి కారణంగా, రక్తపోటు కూడా పెరుగుతుంది. కాబట్టి కంటినిండా నిద్ర అవసరం. 

బీపీ టెస్ట్.. 

మీ కుటుంబంలో ఎవరికైనా హైపర్‌టెన్షన్ సమస్య ఉంటే లేదా ఇతర ప్రమాద కారకాలు ఉంటే, మీరు మీ బీపీని క్రమం తప్పకుండా తనిఖీ చేయడం చాలా ముఖ్యం. తద్వారా అధిక రక్తపోటును అదుపులో ఉంచుకోవచ్చు.

హై కొలెస్ట్రాల్..

మీకు మధుమేహం లేదా అధిక కొలెస్ట్రాల్ ఉంటే, దాని గురించి ఖచ్చితంగా మీ వైద్యునితో మాట్లాడండి. ఎందుకంటే ఇవి కూడా రక్తపోటుకు కారణమవుతాయి. మీ రోజువారీ జీవితంలో ఈ ముఖ్యమైన మార్పులను చేయడం ద్వారా, మీరు రక్తపోటు, ఇతర హృదయ సంబంధ వ్యాధుల నుంచి మిమ్మల్ని మీరు రక్షించుకోవచ్చు.

సమతుల్య ఆహారం.. 

 మీ ఆహారంలో తృణధాన్యాలు, పండ్లు, కూరగాయలు, మాంసం వంటివి  తినండి. అలాగే, మీ ఆహారంలో స్వీట్లు, ప్రాసెస్ చేసిన ఆహారాలు ,సంతృప్త కొవ్వులు కలిగిన ఆహారపదార్థాలను నిషేధించండి. హైపర్‌టెన్షన్‌ను నివారించడంలో DASH డైట్ (డైటరీ అప్రోచెస్ టు స్టాప్ హైపర్‌టెన్షన్‌) చాలా సహాయకారిగా ఉంటుందని పోషకాహార నిపుణులు వెల్లడిస్తున్నారు. 

 ఎంత ఉప్పు తినాలి..? 

మీ ఆహారంలో ఉప్పు పరిమాణాన్ని తగ్గించండి. ప్రతిరోజూ 2,300 మిల్లీగ్రాముల ఉప్పు మాత్రమే తినండి.. ఇది సుమారుగా ఒక టీస్పూన్ తో సమానంగా ఉంటుంది. ఆహారంలో సోడియం మొత్తాన్ని తగ్గించడం ద్వారా, రక్తపోటు పెరిగే ప్రమాదాన్ని తగ్గించవచ్చు.

వ్యాయామం.. 

వారానికి రెండు సెషన్ల కండరాలను పెంచే వ్యాయామం కాకుండా, మీకు సమయం తక్కువగా ఉంటే, మీరు వారానికి 75 నిమిషాలవరకూ  వ్యాయామం చేయవచ్చు, అదే సమయంలో, సమయం సమస్య కాకపోతే, 150 నిమిషాల మితమైన వ్యాయామం కూడా ప్రయోజనకరంగా ఉంటుంది.

ఆల్కహాల్- పొగాకు.. 

ధూమపానం రక్త నాళాలకు హాని కలిగిస్తుంది. దీని కారణంగా రక్తపోటు, గుండె జబ్బులు పెరిగే ప్రమాదం ఉంటుంది. అందువల్ల, ధూమపానం చేయవద్దు, తద్వారా రక్తపోటు,ఇతర ఆరోగ్య సమస్యలను నివారించవచ్చు. ఎక్కువగా మద్యం తాగడం వల్ల రక్తపోటు కూడా పెరుగుతుంది. కాబట్టి మద్యం కూడా మానెయ్యాలి.

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

ఇది కూడా చదవండి..మీరు ఆరోగ్యంగా బరువు తగ్గాలంటే..? 

ఇది కూడా చదవండి..వర్షాకాలంలో అజీర్ణ సమస్యతో బాధపడుతున్నారా..? ఈ ఆహారాలను తినకండి.. 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.