Avoid These Foods : గర్భిణులూ.. ఈ ఆహారాలకు కాస్త దూరంగా ఉండండి..!

షేర్ చేయండి:

సాక్షి లైఫ్ : గర్భధారణ అనేది ప్రతి మహిళ జీవితంలో అత్యంత మధురమైన, సున్నితమైన ఘట్టం. ఈ సమయంలో కాబోయే తల్లి తన ఆరోగ్యంతో పాటు కడుపులో పెరిగే బిడ్డ ఎదుగుదలపై కూడా ప్రత్యేక శ్రద్ధ వహించాలి. ముఖ్యంగా తీసుకునే ఆహారం విషయంలో ఎంతో అప్రమత్తంగా ఉండాలి. సరైన పోషకాహారం తీసుకోవడం ఎంత అవసరమో, కొన్ని రకాల ఆహార పదార్థాలకు దూరంగా ఉండటం కూడా అంతే ముఖ్యం. ఏమరుపాటుగా తినే కొన్ని పదార్థాలు ఫుడ్ పాయిజనింగ్, ఇన్ఫెక్షన్లకు దారితీసి బిడ్డ ఎదుగుదలపై తీవ్ర ప్రభావం చూపుతాయి. ఇంతకీ గర్భధారణ సమయంలో ఎలాంటి ఆహారాలకు దూరంగా ఉండాలో తెలుసుకుందాం..

ఇది కూడా చదవండి..  ఇన్‌స్టంట్ నూడుల్స్ సైడ్ ఎఫెక్ట్స్.. 

ఇది కూడా చదవండి..  మైక్రోసైటిక్ అనీమియా అంటే ఏమిటి..?  

ఇది కూడా చదవండి..ఒత్తిడిని ఫుడ్ చేంజెస్ చేయడం ద్వారా తగ్గించవచ్చా..?

 

సగం ఉడికిన మాంసం వద్దు..

గర్భంతో ఉన్నప్పుడు పచ్చి లేదా సగం ఉడికిన మాంసాన్ని అస్సలు తినకూడదు. ఇందులో సాల్మొనెల్లా, లిస్టీరియా, టాక్సోప్లాస్మా వంటి బ్యాక్టీరియాలు, పరాన్నజీవులు ఉండే ప్రమాదం ఉంది. ఇవి తల్లితో పాటు కడుపులోని బిడ్డకూ హాని చేస్తాయి. చికెన్, మటన్ వంటివి పూర్తిగా ఉడికిన తర్వాతే తినాలి.

సరిగా ఉడకని గుడ్లతో ప్రమాదం..

గుడ్లు ప్రొటీన్‌కు మంచి మూలం. కానీ గర్భిణులు సగం ఉడికిన లేదా పచ్చి గుడ్లను తినకూడదు. వీటిలో సాల్మొనెల్లా బ్యాక్టీరియా ఉండే అవకాశం ఉంది. కాబట్టి గుడ్డులోని తెల్లసొన, పచ్చసొన పూర్తిగా ఉడికిన తర్వాతే ఆహారంగా తీసుకోవాలి.

పాశ్చరైజ్ చేయని పాలు, జున్ను..

వేడి చేయని లేదా పాశ్చరైజ్ చేయని పాలు, వాటితో చేసిన జున్ను వంటి డెయిరీ ఉత్పత్తులకు దూరంగా ఉండాలి. వీటిలో ఉండే లిస్టీరియా బ్యాక్టీరియా గర్భధారణ సమయంలో తీవ్రమైన ఇన్ఫెక్షన్లకు దారితీస్తుంది. ఎల్లప్పుడూ సురక్షితమైన, పాశ్చరైజ్ చేసిన పాల ఉత్పత్తులనే వాడాలి.

పాదరసం అధికంగా ఉండే చేపలు..

చేపల్లో ఉండే ఒమేగా-3 ఫ్యాటీ యాసిడ్స్ బిడ్డ మెదడు ఎదుగుదలకు ఎంతో మేలు చేస్తాయి. కానీ షార్క్, కింగ్ మాకెరెల్, స్వార్డ్ ఫిష్, బిగ్ ఐ ట్యూనా వంటి కొన్ని రకాల చేపల్లో పాదరసం (mercury) శాతం చాలా ఎక్కువగా ఉంటుంది. వీటిని తింటే కడుపులోని బిడ్డ నాడీ వ్యవస్థ (nervous system) దెబ్బతినే ప్రమాదం ఉంది. కాబట్టి వీటికి దూరంగా ఉండాలి.

కడగని పండ్లు, కూరగాయలు..

గర్భిణులకు పండ్లు, కూరగాయల ద్వారా ఎన్నో పోషకాలు అందుతాయి. కానీ వాటిని సరిగ్గా కడగకుండా తినడం చాలా ప్రమాదకరం. వాటిపై ఉండే మట్టి, పురుగుమందుల అవశేషాలు, హానికరమైన బ్యాక్టీరియా శరీరంలోకి చేరే ప్రమాదం ఉంది. కాబట్టి ఎల్లప్పుడూ శుభ్రమైన నీటితో కడిగిన తర్వాతే వాటిని తినాలి.

పచ్చి మొలకలు..

మొలకలు ( sprouts) ఆరోగ్యానికి ఎంతో మేలు చేస్తాయి. కానీ పచ్చి మొలకల్లో బ్యాక్టీరియా వేగంగా వృద్ధి చెందుతుంది. పెసలు, ఆల్ఫాల్ఫా వంటి మొలకలను పచ్చిగా తినడం కన్నా, ఉడికించి లేదా వండి తినడం గర్భిణులకు సురక్షితం.

కెఫిన్..

గర్భధారణ సమయంలో టీ, కాఫీలు, ఎనర్జీ డ్రింక్స్ ఎక్కువగా తాగకూడదు. వీటిలో ఉండే అధిక కెఫిన్ ముప్పును పెంచుతుంది. ఆరోగ్య నిపుణుల సలహా ప్రకారం.. గర్భిణులు రోజుకు 200 మిల్లీగ్రాముల కంటే మించి కెఫిన్ తీసుకోకూడదు.

 

ఇది కూడా చదవండి..ఒత్తిడి, ఆందోళనను తగ్గించడానికి బెస్ట్ ఫుడ్ ఏది..? 

ఇది కూడా చదవండి..నోటి దుర్వాసనను తగ్గించే చిట్కాలు 

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..?

 

ఇలాంటి కచ్చితమైన ఆరోగ్య సమాచారాన్ని అనుభవజ్ఞులైన వైద్య నిపుణులు అందించే మరిన్ని విషయాలను గురించి మీరు తెలుసుకోవాలంటే సాక్షి లైఫ్ ను ఫాలో అవ్వండి..  

 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.

గమనిక: సాక్షి లైఫ్ వెబ్ సైట్ ద్వారా అందించే ఆర్టికల్స్ ను డాక్టర్ల సలహాలను కేవలం సమాచారంగా మాత్రమే భావించండి. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం తప్పనిసరిగా వైద్య నిపుణులను సంప్రదించండి.