సరికొత్త రికార్డు : తక్కువ సమయంలో కిడ్నీ మార్పిడితో కొత్త జీవితం..!

సాక్షి లైఫ్ : అవయవ మార్పిడి రంగంలో తమిళనాడు సరికొత్త రికార్డు సృష్టించింది. కోయంబత్తూర్‌లోని FIMS ఆసుపత్రిలో, 44 ఏళ్ల రోగికి కేవలం తొమ్మిది రోజుల్లోనే విజయవంతంగా కిడ్నీ మార్పిడి జరిగింది. రాష్ట్ర అవయవ మార్పిడి వెయిట్‌లిస్ట్‌లో చేరిన తర్వాత ఇంత తక్కువ సమయంలో బ్రెయిన్‌డెడ్ డోనర్ కిడ్నీ మార్పిడి జరగడం తమిళనాడు చరిత్రలోనే ఇదే తొలిసారి. ఈ అద్భుత ఘట్టం ఇండియన్ ఆర్గాన్ ట్రాన్స్‌ప్లాంట్ అసోసియేట్స్ (iORTA) సహకారంతో FIMS ఆసుపత్రిలో జరిగింది.

ఇది కూడా చదవండి..ఫ్యాటీ లివర్ సమస్య ఉన్నవాళ్లు అస్సలు తీసుకోకూడని 5 పానీయాలు..  

ఇది కూడా చదవండి..యాంటీ ఇన్ఫ్లమేటరీ ఫుడ్స్ కీళ్ల నొప్పులను తగ్గిస్తాయా..? 

ఇది కూడా చదవండి..వర్షాకాలంలో దోమలను తరిమికొట్టే మొక్కలు ఇవే.. 

ఇది కూడా చదవండి..ప్రోస్టేట్ క్యాన్సర్ ఎలాంటివారికి వస్తుంది..?

 ప్రాణం పోసి..

రోడ్డు ప్రమాదంలో బ్రెయిన్‌డెడ్ అయిన 43 ఏళ్ల దాత ద్వారా ఈ కిడ్నీ లభించింది. వాస్తవానికి, దాతలో క్రియేటినిన్ స్థాయిలు గణనీయంగా పెరగడంతో (1.8 నుంచి 7.0 mg/dL వరకు), చాలా ట్రాన్స్‌ప్లాంటేషన్ సెంటర్‌లు ఈ అవయవాన్ని తిరస్కరించాయి. కిడ్నీ పనితీరుపై సందేహాలు వ్యక్తమయ్యాయి.

అయితే, iORTA బృందం వెనకడుగు వేయలేదు. వారు వర్చువల్ క్రాస్‌మ్యాచ్, ఫ్రోజెన్ సెక్షన్ బయాప్సీ, మెషిన్ పెర్ఫ్యూషన్ టెస్టింగ్ వంటి అత్యాధునిక పద్ధతులను ఉపయోగించి కిడ్నీ పనితీరును సమగ్రంగా అంచనా వేశారు. " శాస్త్రీయ ప్రోటోకాల్‌ను అనుసరించి అవయవాన్ని అంచనా వేసిన తర్వాతే ముందుకు వెళ్ళాము" అని iORTA లీడ్ ట్రాన్స్‌ప్లాంట్ నెఫ్రాలజిస్ట్ డాక్టర్ ప్రభు కంచి తెలిపారు. వారి కృషి ఫలించి, కిడ్నీ మార్పిడికి అనువైనదని నిర్ధారించారు.

ప్రత్యేక శస్త్రచికిత్సా విధానం.. 

ఈ శస్త్రచికిత్సలో 'ఎన్ బ్లాక్ ఇంప్లాంటేషన్' అనే ప్రత్యేక పద్ధతిని ఉపయోగించారు. దీనిలో రెండు కిడ్నీలను శరీరంలో ఒకే వైపు మార్పిడి చేశారు. ఇది రెండు శస్త్రచికిత్సా సైట్‌ల అవసరాన్ని తగ్గించి, శస్త్రచికిత్స అనంతర సమస్యలను తగ్గించడంలో సహాయపడింది. 10 గంటల కోల్డ్ ఇస్కీమియా , 2.5 గంటల వార్మ్ ఇస్కీమియా సమయాలు ఉన్నప్పటికీ, మార్పిడి విజయవంతంగా పూర్తయింది.

కొత్త జీవితం.. 

ప్రస్తుతం, ఆ రోగి కోలుకుంటున్నారు. అవయవం చక్కగా పనిచేస్తున్నట్లు ప్రాథమిక సంకేతాలు కనిపిస్తున్నాయి. నిన్న (శుక్రవారం) జరిగిన విలేకరుల సమావేశంలో రోగి స్వయంగా పాల్గొని, తన అనుభవాన్ని పంచుకున్నారు. శాస్త్రీయ మూల్యాంకనం ద్వారా తిరస్కరించే అవకాశం ఉన్న అవయవాలకు కూడా కొత్త జీవితాన్ని ఇవ్వవచ్చని ఈ కేసు నిరూపించిందని వైద్యులు ఈ సందర్భంగా నొక్కి చెప్పారు.  

ఇది కూడా చదవండి..వృద్ధులలో తుంటి నొప్పికి కారణాలు ఏమిటి..?

ఇది కూడా చదవండి..ఫర్ క్వాలిటీ స్లీప్ : ఎలాంటి మార్పుల ద్వారా నాణ్యమైన నిద్ర పొందవచ్చు..?

ఇది కూడా చదవండి..పొద్దున్నే నిద్ర లేవగానే అలసటగా అనిపిస్తుందా..? కారణాలు ఇవే కావచ్చు..

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.