The Science Behind Attraction: ఆకర్షణ వెనుక సైన్స్: ప్రేమ అనేది మెదడు చేసే రసాయన విన్యాసమా..?

సాక్షి లైఫ్ : ప్రేమ అనేది కేవలం ఒక భావోద్వేగం మాత్రమే కాదు, అది మెదడులోని నాడీ కణాలు (Neurons), హార్మోన్ల సమన్వయంతో జరిగే ప్రక్రియ అని న్యూరోసైన్స్ నిపుణులు విశ్లేషిస్తున్నారు. ప్రేమ గురించి ప్రస్తావన రాగానే మనకు వినిపించే పేరు 'ఆక్సిటోసిన్'. దీన్ని 'లవ్ హార్మోన్' అని పిలుస్తుంటారు. అయితే, ఇది కేవలం ప్రేమలో పడేలా చేయడమే కాకుండా, సామాజిక సంకేతాలను (Social Cues) మరింత అర్థవంతంగా మార్చడంలో కీలక పాత్ర పోషిస్తుందని పరిశోధకుడు షాంగ్ లీ పేర్కొన్నారు.

ఇది కూడా చదవండి..సైనసిటిస్ ఎన్నిరకాలున్నాయంటే..?

ఇది కూడా చదవండి..మందులతో పని లేకుండా బ్యాడ్ కొలెస్ట్రాల్ తగ్గేదెలా..?

ఇది కూడా చదవండి.నిద్ర లేమి ఏకాగ్రత సామర్థ్యాన్ని ఎలా ప్రభావితం చేస్తుంది..?

కేవలం ఆక్సిటోసిన్ ఇంజెక్ట్ చేసినంత మాత్రాన ఎవరూ ప్రేమలో పడరని, అది కేవలం ఇద్దరు వ్యక్తుల మధ్య నమ్మకాన్ని, అనుబంధాన్ని బలపరుస్తుందని ఆయన స్పష్టం చేశారు. ఒక వ్యక్తి పట్ల మనం ఆకర్షితులవ్వడానికి వారి శరీర వాసన నుంచి వారు వాడే రసాయనాల వరకు ఎన్నో కారణాలు ఉంటాయని సైన్స్ చెబుతోంది.

సంస్కృతి.. టెక్నాలజీ ప్రభావం..

ప్రేమను కేవలం జీవశాస్త్రం మాత్రమే కాదు, మనం పెరిగిన వాతావరణం, నేటి సాంకేతికత కూడా ప్రభావితం చేస్తున్నాయి.
కఫింగ్ సీజన్ (Cuffing Season).. చలికాలం లేదా కొత్త ఏడాది ప్రారంభంలో జంటలుగా మారే ట్రెండ్‌ను పరిశీలిస్తే.. వాతావరణం, సంస్కృతి ఎలా మన నిర్ణయాలను ప్రభావితం చేస్తాయో తెలుస్తుంది.

ఏఐ, రోబోలు..

భవిష్యత్తులో కృత్రిమ మేధ (AI), రోబోలతో కూడా మానవులకు భావోద్వేగ అనుబంధం ఏర్పడే అవకాశం ఉందని శాస్త్రవేత్తలు హెచ్చరిస్తున్నారు. రోబోలతో మాట్లాడినప్పుడు కూడా మన మెదడులో ఆక్సిటోసిన్ విడుదలవుతుందని పరిశోధనల్లో తేలింది.

ప్రేమ బంధాలను మెదడు కోణంలో అర్థం చేసుకోవడం వల్ల మన జీవితంలోని ఒత్తిడిని తగ్గించుకోవచ్చని, ఆత్మీయ అనుబంధాలు మెదడును చురుగ్గా ఉంచుతాయని నిపుణులు సూచిస్తున్నారు. ముఖ్యంగా యువత ఈ జీవశాస్త్రపరమైన మార్పులను అర్థం చేసుకోవడం వల్ల వారి సంబంధాల్లో మరింత పరిణతిని ప్రదర్శించవచ్చు.

ఇది కూడా చదవండి..ఒత్తిడి, ఆందోళనలకు బెస్ట్ సొల్యూషన్ 

ఇది కూడా చదవండి.రక్తంలో చక్కెర స్థాయిలను అదుపులో ఉంచే మునగఆకు.. 

ఇది కూడా చదవండి.థైరాయిడ్ ఉన్నవాళ్లు ఎలాంటి ఆహార నియమాలు ఫాలోఅవ్వాలి..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.