అల్జీమర్స్ కు ప్రధాన లక్షణాలు, కారణాలు ఇవే.. 

సాక్షి లైఫ్ : డిమెన్షియా కేసుల్లో అత్యధిక శాతం అల్జీమర్స్ వ్యాధి (Alzheimer's Disease) కారణంగానే సంభవిస్తున్నాయి. డిమెన్షియా ప్రధానంగా మెదడు పనితీరును దెబ్బతీస్తుంది. ఈ లక్షణాలను ముందుగానే గుర్తిస్తే చికిత్స అందించడం ద్వారా నయమవుతుంది. జ్ఞాపకశక్తి కోల్పోవడం: తరచూ విషయాలు మర్చిపోవడం, ఇటీవల జరిగిన సంభాషణలు లేదా సంఘటనలు గుర్తుకు రాకపోవడం. నిత్యకృత్యాలకు ఇబ్బంది: రోజువారీ పనులు (డబ్బు లెక్కించడం, వంట చేయడం వంటివి) చేయడంలో కష్టపడటం.

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

ఇది కూడా చదవండి.. 40 ఏళ్ల తర్వాత ప్రెగ్నెన్సీకి ప్లాన్ చేసుకోవచ్చా..? 

ఇది కూడా చదవండి..మీరు ఆరోగ్యంగా బరువు తగ్గాలంటే..? 

గందరగోళం (Confusion): స్థలం, సమయం గురించి గందరగోళానికి గురికావడం, సొంత కుటుంబ సభ్యులను గుర్తించలేకపోవడం. మాట్లాడటంలో మార్పులు: పదాలను సరిగ్గా ఉపయోగించలేకపోవడం లేదా పొంతన లేకుండా మాట్లాడటం. వ్యక్తిత్వ మార్పులు: మానసిక కల్లోలం (Mood Swings), నిస్సత్తువ లేదా ప్రవర్తనలో మార్పులు.

నివారణకు ఏమి చేయాలి..?  

డిమెన్షియాకు నివారణ లేనప్పటికీ, కొన్ని జీవనశైలి మార్పుల ద్వారా దీని ప్రమాదాన్ని 30శాతం వరకు తగ్గించుకోవచ్చని వైద్య నిపుణులు సూచిస్తున్నారు.

శారీరక వ్యాయామం..  

వారానికి కనీసం 150 నిమిషాల పాటు చురుకైన నడక, ఈత, లేదా సైక్లింగ్ వంటి మితమైన ఏరోబిక్ వ్యాయామాలు తప్పనిసరి.

ఆరోగ్యకరమైన ఆహారం: పండ్లు, కూరగాయలు, తృణధాన్యాలు ఎక్కువగా ఉండే సమతుల్య ఆహారం తీసుకోవాలి. ముఖ్యంగా, మెదడు ఆరోగ్యానికి తోడ్పడే ఒమేగా-3 కొవ్వు ఆమ్లాలు (చేపలు, గింజలు), యాంటీఆక్సిడెంట్లు (బెర్రీలు) ఉండే ఆహారాలు తీసుకోవాలి.

మానసిక చురుకుదనం..  

 మెదడుకు పని కల్పించే పజిల్స్, కొత్త నైపుణ్యాలు నేర్చుకోవడం, చదవడం వంటి కార్యకలాపాల్లో చురుకుగా పాల్గొనాలి. సామాజిక సంబంధాలు.. ఇతరులతో మాట్లాడటం, సామాజిక కార్యక్రమాలలో పాల్గొనడం ద్వారా ఒంటరితనాన్ని తగ్గించుకోవాలి. రక్తపోటు (BP), షుగర్ (diabetes), కొలెస్ట్రాల్‌లను అదుపులో ఉంచుకోవాలి. ధూమపానం, మద్యపానానికి దూరంగా ఉండాలి.

డిమెన్షియా అనేది కేవలం వృద్ధాప్య సమస్య కాదు, మెదడుకు సంబంధించిన వ్యాధి. అలాంటి లక్షణాలు కనిపిస్తే నిర్లక్ష్యం చేయకుండా వెంటనే న్యూరాలజిస్ట్‌ను సంప్రదించడం ద్వారా ఈ వ్యాధి తీవ్రత పెరగకుండా చూసుకోవచ్చు. 

ఇది కూడా చదవండి.. లివర్ సంబంధిత సమస్యలను ఎలా గుర్తించాలి..?

ఇది కూడా చదవండి.. ఆరోగ్యంగా ఉన్నవాళ్లకు ప్రోటీన్ సప్లిమెంట్లు అవసరంలేదంటున్న వైద్యులు..

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.