లవ్ హార్మోన్ ప్రధాన పాత్ర ఏమిటి..?  

సాక్షి లైఫ్ : లవ్ హార్మోన్ అనేది సాధారణంగా "ఆక్సిటోసిన్"ను సూచిస్తుంది. ఇది మానవ శరీరంలో ఉత్పత్తి అయ్యే ఒక హార్మోన్. ఇది ప్రేమ, బంధుత్వం, బంధాలను ప్రోత్సహించడంలో సహాయపడుతుంది. అదేవిధంగా, ఇది బాధ, సంతోషం వంటి భావోద్వేగాలను కూడా పెంచుతుంది. అంతేకాకుండా, ఆక్సిటోసిన్ సహజంగా స్నేహపూర్వక సంబంధాలను , సామాజిక బంధాలను బలపరిచేలా పనిచేస్తుంది.

ఆక్సిటోసిన్ ఒక శక్తివంతమైన న్యూరోపెప్టైడ్ లేదా ఒక చిన్న ప్రోటీన్ లాంటి అణువు. ఇది మెదడులో హార్మోన్‌గా, న్యూరోట్రాన్స్‌మిటర్‌గా పనిచేస్తుంది. ఇది హైపోథాలమస్‌లో ఉత్పత్తి అవుతుంది. పిట్యూటరీ గ్రంధి ద్వారా విడుదల అవుతుంది. ఆక్సిటోసిన్‌ని "లవ్ హార్మోన్" అని కూడా అంటారు. అంతేకాదు "కడల్ హార్మోన్" అని కూడా దీనిని పిలుస్తారు. లవ్ హార్మోన్ అనేది లోతైన మానవ సంబంధాలను, భావోద్వేగ అనుభవాలను సులభతరం చేసే పదార్థం.

  "లవ్ హార్మోన్" ప్రధాన పాత్ర..?  

సామాజిక బంధాలు, భావోద్వేగ సాన్నిహిత్యాన్ని ప్రోత్సహించడంలో "లవ్ హార్మోన్" ముఖ్యమైన పాత్ర పోషిస్తుంది. కౌగిలించుకున్నప్పుడు, తాకినప్పుడు లేదా సామాజికంగా బంధించినప్పుడు, ఆక్సిటోసిన్ స్థాయిలు పెరుగుతాయి, విశ్వాసం, సానుభూతి వంటి భావాలను పెంపొందిస్తుంది. ప్రసవ సమయంలో తల్లి పాలివ్వడంలో, ఆక్సిటోసిన్ తల్లి-శిశువుల బంధాన్ని బలపరుస్తుంది. లోతైన సంబంధాలను సృష్టించడంలో లవ్ హార్మోన్ పాత్రను ఎంతో కీలకమైంది. ఇది ప్రియమైనవారితో సన్నిహితంగా భావించేలా చేసే రసాయనం, ప్రేమించే  సామర్థ్యాన్నిపెంచుతుంది.

ఆక్సిటోసిన్..

ఆక్సిటోసిన్, డోపమైన్ ,సెరోటోనిన్ వంటివాటిని "హ్యాపీ హార్మోన్లు"గా భావిస్తారు. ఒక వ్యక్తి పట్ల ఆకర్షితులైనప్పుడు, మెదడు డోపమైన్‌ను విడుదల చేస్తుంది. అప్పుడు సెరోటోనిన్ స్థాయిలు పెరుగుతాయి. ఆక్సిటోసిన్ ఉత్పత్తి అవుతుంది. అది సానుకూల భావోద్వేగాలను పెంచుతుంది.

ఇది కూడా చదవండి.. ఇన్‌స్టంట్ నూడుల్స్ సైడ్ ఎఫెక్ట్స్.. 

ఇలాంటి కచ్చితమైన ఆరోగ్య సమాచారాన్ని అనుభవజ్ఞులైన వైద్య నిపుణులు అందించే మరిన్ని విషయాలను గురించి మీరు తెలుసుకోవాలంటే సాక్షి లైఫ్ ను ఫాలో అవ్వండి..  

ఇది కూడా చదవండి.. మైక్రోసైటిక్ అనీమియా అంటే ఏమిటి..?  

 
గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.