'చైల్డ్ న్యూట్రిషన్ గ్లోబల్ రిపోర్ట్ 2025' : భారతదేశంలో వేగంగా పెరుగుతున్న ఊబకాయం కేసులు.. 

సాక్షి లైఫ్ : గతంలో పేదరికం, పోషకాహార లోపం వంటి సమస్యలతో పోరాడిన భారతదేశంలో ఇప్పుడు కొత్త సవాల్ మొదలైంది. దేశంలో ఊబకాయం (Obesity) అనే మహమ్మారి వేగంగా విస్తరిస్తోందని, ముఖ్యంగా పిల్లలు, యువతలో ఈ సమస్య ప్రమాదకర స్థాయిలో పెరుగుతోందని యూనిసెఫ్ (UNICEF) తాజాగా హెచ్చరించింది. 'చైల్డ్ న్యూట్రిషన్ గ్లోబల్ రిపోర్ట్ 2025' పేరుతో విడుదల చేసిన నివేదికలో ఈ ఆందోళనకర విషయాలు వెల్లడయ్యాయి.

ఇది కూడా చదవండి..గుండె నొప్పిని ఎలా గుర్తించవచ్చు..?

ఇది కూడా చదవండి..నోటి దుర్వాసనను తగ్గించే చిట్కాలు 

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

పోషకాహార లోపం కంటే ఇప్పుడు ఊబకాయమే పెద్ద సమస్య..  

ప్రపంచవ్యాప్తంగా పోషకాహార లోపం (undernutrition) కంటే అధిక బరువు, ఊబకాయం (overweight & obesity) అనే సమస్య మొదటిసారిగా ఎక్కువగా కనిపిస్తోందని యూనిసెఫ్ నివేదిక పేర్కొంది. ఈ విషయంలో భారతదేశం కూడా మినహాయింపు కాదని స్పష్టం చేసింది. ఒకప్పుడు సంపన్న దేశాల సమస్యగా భావించిన ఊబకాయం, ఇప్పుడు భారతదేశం లాంటి దేశాల్లోనూ వేగంగా విస్తరిస్తోంది.

 భయపెడుతున్నగణాంకాలు..

నేషనల్ ఫ్యామిలీ హెల్త్ సర్వే (NFHS) గణాంకాలు ఈ పరిస్థితిని మరింత స్పష్టంగా చూపిస్తున్నాయి. ఐదేళ్ల లోపు పిల్లలు: 2005-06 నుంచి 2021 వరకు ఐదేళ్ల లోపు పిల్లల్లో ఊబకాయం 127శాతం పెరిగింది. యువత: టీనేజ్ అమ్మాయిల్లో ఊబకాయం కేసులు రెట్టింపు కాగా, అబ్బాయిల్లో దాదాపు మూడు రెట్లు పెరిగాయి. పెద్దలు: పెద్దవాళ్లలోనూ ఈ సమస్య పెరుగుతోంది. మహిళల్లో ఊబకాయం దాదాపు రెట్టింపు కాగా, పురుషుల్లో రెట్టింపు కంటే ఎక్కువగా పెరిగింది.

ఇది కూడా చదవండి..లవ్ హార్మోన్ అంటే ఏమిటి..?

ఇది కూడా చదవండి..మీరు ఆరోగ్యంగా బరువు తగ్గాలంటే..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.