పురుషులలో రొమ్ము క్యాన్సర్ లక్షణాలు ఎలా ఉంటాయి..? 

సాక్షి లైఫ్ : పురుషులలో రొమ్ము క్యాన్సర్ చాలా అరుదుగా వస్తుంది, కానీ దాని లక్షణాల గురించి తెలుసుకోవడం చాలా ముఖ్యం. ఎందుకంటే త్వరగా గుర్తించడం వల్ల చికిత్స సులభం అవుతుంది. ఐతే అమెరికన్ క్యాన్సర్ సొసైటీ (ఏసీఎస్)పురుషులలో రొమ్ము క్యాన్సర్ లక్షణాలు ఎలా ఉంటాయి..? అనేదానిపై పరిశోధన చేసి కొన్నిరకాల లక్షణాలను గుర్తించింది. అవేంటంటే..?  

ఇది కూడా చదవండి.. లవ్ హార్మోన్ అంటే ఏమిటి..?

ఇది కూడా చదవండి.. గుండె నొప్పిని ఎలా గుర్తించవచ్చు..?

 ఇది కూడా చదవండి.. డయాబెటీస్ కు ప్రధాన కారణాలు ఏంటి..?

- రొమ్ములో నొప్పి లేని ముద్దలా అనిపించడం.. 

- చనుమొనల్లో మార్పులు..

- రొమ్ము గుంటలు పడినట్లు ఉండటం

- రొమ్ము లేదా చనుమొన చర్మం రంగులో మార్పు
 
ఈ సంకేతాలు రొమ్ము క్యాన్సర్ వచ్చే ముందస్తు హెచ్చరిక సంకేతాలు అయితే, క్యాన్సర్ వ్యాప్తి చెందుతుందని సూచించే కొన్ని సంకేతాలు ఉన్నాయి. అదెలా అంటే..? రొమ్ము నొప్పి ,ఎముక నొప్పి తీవ్రంగా అనిపిస్తుంది.

పురుషులలో రొమ్ము క్యాన్సర్‌ను గుర్తించవచ్చా..?

పురుషులలో మూడు రకాల రొమ్ము క్యాన్సర్‌లను గుర్తించి, నిర్ధారణ చేయవచ్చని సీడీసీ టెస్టు ద్వారా తెలుసుకోవచ్చు. 

- ఇన్వాసివ్ డక్టల్ కార్సినోమా: ఈ రకమైన రొమ్ము క్యాన్సర్ నాళాలలో మొదలై తర్వాత రొమ్ము కణజాలంలోని ఇతర భాగాలకు నాళాల వెలుపల పెరుగుతుంది.

- ఇన్వాసివ్ లోబ్యులర్ కార్సినోమా: క్యాన్సర్ కణాలు గడ్డల్లా  ప్రారంభమవుతాయి. ఆ తరువాత రొమ్ము కణజాలంలోకి వ్యాపిస్తాయి.

- డక్టల్ కార్సినోమా ఇన్ సిటు (DCIS): ఇవి రొమ్ము క్యాన్సర్‌కు దారితీయవచ్చు, ఎందుకంటే అవి నాళాలలో మాత్రమే సంభవిస్తాయి. ఇతర రొమ్ము కణజాలాలకు వ్యాపించవు.
 పురుషులు- స్త్రీలలో రొమ్ము క్యాన్సర్‌ను మామోగ్రామ్, అల్ట్రాసౌండ్, నిపిల్ డిస్చ్ర్జ్ టెస్ట్ లేదా బయాప్సీ సహాయంతో నిర్ధారించవచ్చు.

 జన్యువుల పాత్ర.. 

జన్యు పరివర్తన వల్ల కూడా బ్రెస్ట్ క్యాన్సర్ రావచ్చు. రొమ్ము క్యాన్సర్ అనేది ఫ్యామిలీ హిస్టరీ, అసాధారణమైన BRCA1 లేదా BRCA2 జన్యువులను వారసత్వంగా పొందిన పురుషులకు రొమ్ము క్యాన్సర్ వచ్చే ప్రమాదం ఎక్కువగా ఉండవచ్చు. అయినప్పటికీ, పురుషులలో రొమ్ము క్యాన్సర్‌కు కారణమయ్యే కారకాలు జన్యు ఉత్పరివర్తనలు మాత్రమే కాదు. ఒక్కోసారి వేరే కారణాలు కూడా కావచ్చు.
 
 పురుషులలో రొమ్ము క్యాన్సర్ చికిత్స..?

కణితి పరిమాణాన్ని బట్టి వైద్యులు చికిత్సను సూచిస్తారు. శస్త్రచికిత్స, కీమోథెరపీ, రేడియేషన్ థెరపీ, హార్మోన్ థెరపీ వంటి చికిత్సలు రొమ్ము క్యాన్సర్‌కు అందుబాటులో ఉన్న కొన్ని చికిత్సలు.

ఇది కూడా చదవండి..చెడు కొలెస్ట్రాల్ ను నియంత్రించే పనస పండు.. 

 ఇది కూడా చదవండి.. ఎలాంటి కొలెస్ట్రాల్ ఆరోగ్యానికి మంచిది..?

 ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.