Weight Loss : బరువు తగ్గడంలో క్యాలరీల లెక్క కాదు ఇదే ముఖ్యం.. 

సాక్షి లైఫ్: స్థూలకాయం లేదా అధిక బరువు సమస్య నుంచి విముక్తి పొందేందుకు ప్రపంచవ్యాప్తంగా కోట్లాది మంది రకరకాల డైట్ ప్లాన్లను, వివివిధ రకాల చికిత్సలను అనుసరిస్తున్నారు. అయితే, రోజూ తినే ప్రతి ముద్దలో ఎన్ని క్యాలరీలు ఉన్నాయో లెక్కపెట్టుకోవడం కంటే, 'ఇంటర్మిటెంట్ ఫాస్టింగ్' అంటే నిర్ణీత వ్యవధిలో చేసే ఉపవాసం ద్వారా వేగంగా బరువు తగ్గవచ్చని తాజా అధ్యయనాలు వెల్లడిస్తున్నాయి.

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

ఇది కూడా చదవండి..Weight loss : బరువు తగ్గడం కోసం 'ఫేక్ ఫాస్టింగ్' ఉపయోగపడుతుందా..

ఇది కూడా చదవండి..Shock for Tattoo Lovers..! టాటూస్ తో 29శాతం స్కిన్ క్యాన్సర్ ముప్పు..

అసలు 4:3 పద్ధతి అంటే ఏమిటి..?

 ముఖ్యంగా '4:3' పద్ధతి అద్భుత ఫలితాలను ఇస్తున్నట్లు శాస్త్రవేత్తలు గుర్తించారు. అసలు 4:3 పద్ధతి అంటే ఏమిటి..? యూనివర్సిటీ ఆఫ్ కొలరాడో పరిశోధకులు నిర్వహించిన అధ్యయనం ప్రకారం, వారంలో 7 రోజులు క్యాలరీలను నియంత్రించడం కంటే.. 4 రోజులు సాధారణంగా తిని, 3 రోజులు కఠినంగా ఉపవాసం ఉండటం లేదా అతి తక్కువ క్యాలరీలు తీసుకోవడం వల్ల ఎక్కువ బరువు తగ్గుతున్నట్లు తేలింది.

 ఈ పద్ధతిని పాటించిన వారు ఏడాదిలో సగటున 7.6శాతం శరీర బరువు తగ్గగా, రోజూ క్యాలరీలను లెక్కపెట్టుకున్న వారు కేవలం 5శాతం మాత్రమే తగ్గారు. రోజూ క్యాలరీలు లెక్కపెట్టడం మానసిక ఒత్తిడిని కలిగిస్తుంది. కానీ వారంలో కొన్ని రోజులు మాత్రమే నియంత్రణ పాటించడం వల్ల ఈ డైట్‌ను దీర్ఘకాలం కొనసాగించడం సులువవుతుందని నిపుణులు చెబుతున్నారు. 

ఏది ఎందుకు మెరుగైనది..? పరిశోధనల ప్రకారం రెండు పద్ధతుల మధ్య ప్రధాన వ్యత్యాసాలు.. 

మెటబాలిక్ స్విచ్చింగ్..

ఉపవాసం ఉన్నప్పుడు మన శరీరం శక్తి కోసం రక్తంలోని చక్కెరపై కాకుండా, శరీరంలో పేరుకుపోయిన కొవ్వు (Fat stores) పై ఆధారపడటం మొదలుపెడుతుంది. దీన్నే 'మెటబాలిక్ స్విచ్చింగ్' అంటారు. ఇది కొవ్వును కరిగించడమే కాకుండా, శరీర కణాలు తమను తాము శుద్ధి చేసుకునే ప్రక్రియను (Autophagy) వేగవంతం చేస్తుంది. జాగ్రత్తలూ అవసరమే!

ఉపవాసం తర్వాత తీసుకునే ఆహారంలో ప్రోటీన్లు, విటమిన్లు అధికంగా ఉండేలా చూసుకోవాలి.అందరికీ కాదు: గర్భిణులు, పాలిచ్చే తల్లులు, టైప్-1 మధుమేహం ఉన్నవారు వైద్యుల సలహా లేకుండా ఉపవాస పద్ధతులను అనుసరించకూడదు. 4:3 పద్ధతిలో ఉపవాసం ఉండే మూడు రోజులు వరుసగా కాకుండా, ఒక రోజు విడిచి ఒక రోజు (Non-consecutive days) ఉండటం శ్రేయస్కరం. 

క్యాలరీల లెక్కలు మిమ్మల్ని ఒత్తిడికి గురిచేస్తుంటే.. ఇంటర్మిటెంట్ ఫాస్టింగ్ ఒక ఉత్తమ ప్రత్యామ్నాయం. అయితే, ఏ డైట్ అయినా మన జీవనశైలికి తగినప్పుడే ఫలితం ఉంటుంది. కాబట్టి శరీర తత్వాన్ని బట్టి సరైన మార్గాన్ని ఎంచుకోవడమే ఉత్తమమని పరిశోధకులు చెబుతున్నారు.

ఇది కూడా చదవండి..Revisiting Old Books: మానసిక ఆరోగ్యానికి ' చదివిన పుస్తకాలు మళ్లీ చదవడం' దివ్యౌషధం..

ఇది కూడా చదవండి..Diabetes : డయాబెటిస్ ను అదుపులో ఉంచుకోవడానికి ఎలాంటి ఆహార నియమాలు పాటించాలి..?

ఇది కూడా చదవండి..Tamarind : మైక్రోప్లాస్టిక్స్‌ ముప్పును తొలగించే అస్త్రం.. 'చింతపండు'.. తాజా పరిశోధనలో వెల్లడి..

ఇది కూడా చదవండి..విటమిన్ సి లోపించినప్పుడు కనిపించే ముఖ్య లక్షణాలు ఇవే.. 

ఇది కూడా చదవండి.. టాటూ వేయించుకున్న వాళ్లు రక్తదానంచేయకూడదా..? 

గమనిక: ఇది కేవలం సమాచారంగా మాత్రమే భావించండి. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.