White Patches on Skin : చర్మంపై తెల్లటి మచ్చలా..?.. ఆధునిక వైద్యంతో ‘బొల్లి’కి సరైన పరిష్కారం..!

సాక్షి లైఫ్ : చర్మంపై అకస్మాత్తుగా తెల్లటి మచ్చలు కనిపించగానే చాలామంది తీవ్ర ఆందోళనకు గురవుతుంటారు. సమాజంలో దీనిపై ఉన్న రకరకాల అపోహలు, సామాజిక కట్టుబాట్లు బాధితులను మానసికంగా మరింత కుంగదీస్తుంటాయి. వైద్య పరిభాషలో దీనిని ‘విటిలిగో’ (Vitiligo) లేదా ‘ల్యూకోడెర్మా’ అని పిలుస్తారు. వాస్తవానికి ఇది ఎలాంటి అంటువ్యాధి కాదు. కేవలం ఒక ఆటోఇమ్యూన్ చర్మ సమస్య మాత్రమే. ఏ వయసు వారికైనా వచ్చే ఈ సమస్యకు దారితీసే కారణాలు, ఆధునిక చికిత్సా విధానాలపై ప్రత్యేక కథనం.

ఇది కూడా చదవండి..Sippers and Tumblers : సిప్పర్లు, టంబ్లర్లలో నీళ్లు తాగడం ఆరోగ్యానికి మంచిదేనా..?

ఇది కూడా చదవండి..Low Birth Weight : తక్కువ బరువుతో పుడితే.. పెద్దయ్యాక పక్షవాతం ముప్పు..! తాజా అధ్యయనం..

ఇది కూడా చదవండి.. వరల్డ్ డైజెస్టివ్ హెల్త్ డే ఎలా మొదలైంది..?

బొల్లి రావడానికి ప్రధాన కారణాలు..?

ఆటోఇమ్యూన్ డిజార్డర్.. మన శరీర రోగనిరోధక వ్యవస్థ బాహ్య బ్యాక్టీరియా, వైరస్‌ల నుంచి మనల్ని రక్షించాల్సింది పోయి.. పొరపాటున చర్మానికి రంగును ఇచ్చే ‘మెలనోసైట్’ (Melanocyte) కణాలపై దాడి చేసి నాశనం చేస్తుంది. మెలనిన్ ఉత్పత్తి తగ్గిపోవడం వల్లే చర్మంపై తెల్లటి మచ్చలు ఏర్పడతాయి. తీవ్రమైన మానసిక ఒత్తిడి, ఇన్‌ఫెక్షన్లు కూడా దీనిని ప్రేరేపిస్తాయి.

జన్యుపరమైన కారణాలు..కుటుంబంలో తల్లిదండ్రులు, తోబుట్టువులు లేదా రక్తం పంచుకున్న బంధువులలో ఎవరికైనా బొల్లి లేదా ఇతర ఆటోఇమ్యూన్ వ్యాధుల చరిత్ర ఉంటే, తర్వాతి తరానికి ఈ సమస్య వచ్చే అవకాశాలు కొంచెం ఎక్కువగా ఉంటాయి.

ఆధునిక వైద్యంలో అందుబాటులో ఉన్న చికిత్సలు..

ఒకప్పుడు బొల్లికి చికిత్స లేదని భావించేవారు, కానీ నేటి ఆధునిక వైద్య శాస్త్రంలో దీనిని సమర్థవంతంగా అరికట్టే మార్గాలు ఉన్నాయి.వ్యాధి ప్రారంభ దశలో ఉన్నప్పుడు మచ్చలు మరింత విస్తరించ కుండా ఉండేందుకు వైద్యులు ప్రత్యేకమైన స్టెరాయిడ్ క్రీములు లేదా రోగనిరోధక శక్తిని నియంత్రించే (Immunosuppressants) మందులను సూచిస్తారు.ఫొటోథెరపీ (Phototherapy)..చర్మం తన సహజ రంగును తిరిగి పొందేలా చేసేందుకు యూవీబీ (UVB) కాంతి చికిత్సను అందిస్తారు. ఇది మెలనోసైట్ కణాలను మళ్లీ ఉత్తేజపరచడానికి తోడ్పడుతుంది.

లేజర్ థెరపీ..కొన్ని నిర్దిష్టమైన ప్రాంతాల్లో ఏర్పడే చిన్న మచ్చల రంగును మెరుగుపరచడానికి అధునాతన లేజర్ టెక్నాలజీ ఎంతగానో ఉపయోగపడుతుంది.స్కిన్ గ్రాఫ్టింగ్ (సర్జరీ)..వ్యాధి ఒకే చోట స్థిరంగా ఉండి, మందులకు లొంగని తీవ్రమైన సందర్భాల్లో.. శరీరంపై రంగు బాగున్న వేరే ప్రాంతం నుండి ఆరోగ్యకరమైన చర్మాన్ని తీసి మచ్చలున్న చోట అమరుస్తారు .

గుర్తుంచుకోవాల్సిన ముఖ్యమైన విషయాలు..

బొల్లి అనేది కేవలం చర్మానికి సంబంధించిన సమస్యే తప్ప ప్రాణాంతకం కాదు. ఇది తాకడం వల్ల గానీ, కలిసి భోజనం చేయడం వల్ల గానీ ఒకరి నుండి ఒకరికి అస్సలు వ్యాపించదు. సమస్యను మొదటి దశలోనే గుర్తించి చికిత్స ప్రారంభించడం వల్ల అద్భుతమైన ఫలితాలు సాధించవచ్చు.

ఇది కూడా చదవండి.. టాటూ వేయించుకున్న వాళ్లు రక్తదానంచేయకూడదా..? 

ఇది కూడా చదవండి..ఆరోగ్యప్రయోజనాలు పొందాలంటే సలాడ్ ను ఏ టైమ్ లో తినాలి..?

 ఇది కూడా చదవండి.. వాక్సిన్ గురించి వాస్తవాలు- అవాస్తవాలు.. 

ఇది కూడా చదవండి.. చల్లని వాతావరణం వల్ల సైనస్ సమస్యలు పెరుగుతాయా..? 

ఇది కూడా చదవండి.. నోటి దుర్వాసనను తగ్గించే చిట్కాలు 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.