WHO : వెయ్యిమందికి ఒక డాక్టర్.. ఆ ‘ప్రమాణం’ ఎప్పుడూ సిఫారసు చేయలేదన్న డబ్ల్యూహెచ్‌ఓ..!

సాక్షి లైఫ్ : ప్రపంచవ్యాప్తంగా ప్రభుత్వాలు, వైద్య మండళ్లు తరచుగా ఉదహరిస్తున్న 1:1000 డాక్టర్-జనాభా నిష్పత్తిపై ప్రపంచ ఆరోగ్య సంస్థ (WHO) కీలక ప్రకటన చేసింది. ఆ నిష్పత్తిని తాము ఎప్పుడూ ఒక ‘నిర్ణీత ప్రమాణం’ (Standard)గా సిఫారసు చేయలేదని డబ్ల్యూహెచ్‌ఓ ఖండించింది. ఈ లెక్కను వైద్య సిబ్బంది ప్రణాళికకు బెంచ్‌మార్క్‌గా వాడటం సరికాదని సూచించింది. 

ఇది కూడా చదవండి.. కల్తీ ఆహారాన్ని గుర్తించడం ఎలా..?

ఇది కూడా చదవండి..లవ్ హార్మోన్ అంటే ఏమిటి..?

ఇది కూడా చదవండి.. ఇరిటబుల్ బవెల్ సిండ్రోమ్ అంటే ఏమిటి..?  

ఇది కూడా చదవండి.. టాటూ వేయించుకున్న వాళ్లు రక్తదానంచేయకూడదా..? 

దేశంలో వైద్యుల కొరతను లెక్కించడానికి, కొత్త మెడికల్ కళాశాలలు, MBBS సీట్లు పెంచడానికి ప్రభుత్వాలు ఉపయోగిస్తున్న 'ప్రతి 1,000 మందికి ఒక డాక్టర్' అనే నిష్పత్తి WHO నుంచి వచ్చిన అధికారిక సిఫారసు కాదని తేలింది. ఈ నిష్పత్తి కేవలం ఒక 'నిర్ణీత వాస్తవం (Factoid)' మాత్రమేనని, దీనికి WHO డాక్యుమెంట్లలో ఎటువంటి ఆధారం లేదని ఆ సంస్థ హెల్త్ వర్క్‌ఫోర్స్ యూనిట్ అధిపతి డాక్టర్ గియో కొమెట్టో స్పష్టం చేశారు. 

అసలు వాస్తవాలు ఏంటి..?  

ప్రతి దేశం దాని ప్రత్యేక వ్యాధి విధానం (Epidemiology), జనాభా లెక్కలు (Demography), ఆర్థిక వనరులు, ఆరోగ్య వ్యవస్థ ఆధారంగానే సిబ్బంది ప్రణాళికను రూపొందించుకోవాలని కొమెట్టో ఉద్ఘాటించారు. దేశాల మధ్య పోలికకు ఒకే నిష్పత్తిని వాడటం సరికాదని గియో కొమెట్టో తెలిపారు.

 WHO అసలు థ్రెషోల్డ్ప్రతి 1,000 మంది జనాభాకు కనీసం 4.45 మంది డాక్టర్లు, నర్సులు, మిడ్‌వైఫ్‌లు (ఆరోగ్య కార్యకర్తలు) ఉండాలి. ఉద్దేశంసుస్థిర అభివృద్ధి లక్ష్యాలు (SDGs) సాధించడానికి, కనీస అవసరమైన సేవలు అందించడానికి ఈ సంఖ్య కనీస సాంద్రతను సూచిస్తుంది.

1:1000 లెక్క మూలంమెడికల్ హిస్టోరియన్ డా. కిరణ్ కుంభర్ పరిశోధన ప్రకారం, భారతదేశంలో ఈ 'కల్పిత సంఖ్య' తొలి అధికారిక ప్రస్తావన మార్చి 2011లో మెడికల్ కౌన్సిల్ ఆఫ్ ఇండియా 'విజన్ 2015' నివేదికలో ఉంది. వివిధ వర్కింగ్ గ్రూప్‌ల ఇన్పుట్‌ల తర్వాత 1:1000 లక్ష్యంగా ఉండాలని అందులో పేర్కొన్నారు.

తొలుత 'WHO నార్మ్'గా ప్రస్తావనఅక్టోబర్ 2011లో యూనివర్సల్ హెల్త్ కవరేజ్ (UHC)పై ఏర్పాటైన హై లెవెల్ ఎక్స్‌పర్ట్ గ్రూప్ (HLEG) తమ నివేదికలో 1:1000 నిష్పత్తిని "WHO ప్రమాణం"గా పేర్కొంది.

 కేవలం సీట్ల పెంపు సరిపోదు..!

కేవలం MBBS సీట్లను పెంచడం ద్వారానే సమస్య పరిష్కారం కాదు. పట్టణాలు, గ్రామీణ ప్రాంతాల మధ్య డాక్టర్ల పంపిణీలో ఉన్న తీవ్ర అసమానతలను, శిక్షణ లేని మెడికల్ కాలేజీల ప్రమాణాలను సరిదిద్దడంపై ప్రభుత్వాలు దృష్టి సారించాలి. ప్రతి 1000 మందికి ఒక డాక్టర్ అనే నిష్పత్తిని సాకుగా చూపి, వైద్య విద్యా విస్తరణకు మాత్రమే ప్రాధాన్యత ఇవ్వడం సరైన విధానం కాదని వైద్యనిపుణులతోపాటు హెల్త్ వర్క్‌ఫోర్స్ యూనిట్ అధిపతి డాక్టర్ గియో కొమెట్టో స్పష్టం చేస్తున్నారు.

ఇది కూడా చదవండి.. మధుమేహ వ్యాధిగ్రస్తులు మామిడి పండ్లు తినొచ్చా..?  

 ఇది కూడా చదవండి.. గుడ్డు పచ్చసొన అంటే పసుపు భాగం తినకూడదా..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.