యాంటాసిడ్స్ ఎందుకు ప్రమాదకరం అంటే..?

సాక్షి లైఫ్ : యాంటాసిడ్లు తాత్కాలికంగా కడుపులో ఆమ్లాలను తగ్గించి ఉపశమనం అందిస్తాయి. కానీ, వీటిని అతిగా, వాడటం వల్ల అనేక దుష్ప్రభావాలు కలుగుతాయని వైద్యనిపుణులు చెబుతున్నారు. ఆమ్ల ఉత్పత్తి పెరగడం: యాంటాసిడ్లు ఆమ్లాలను అణచివేయడం వల్ల, శరీరం దానికి ప్రతిస్పందనగా మరింత ఆమ్లాన్ని ఉత్పత్తి చేయవచ్చు. దీనివల్ల యాంటాసిడ్లు వాడటం ఆపగానే సమస్య తీవ్రతరం అవుతుంది.

ఇది కూడా చదవండి..వారానికి రెండుసార్లు తీసుకోవడం ద్వారా అవకాడోతో గుండెపోటుకు చెక్.. !

ఇది కూడా చదవండి..హెపటైటిస్ " ఏ" నివారించడంలో వ్యాక్సిన్ పాత్ర ఎంత..? 

ఇది కూడా చదవండి..బ్యాడ్ ఫుడ్ కాంబినేషన్ : ఎలాంటి ఆహారాలను కలిపి తీసుకోకూడదు

ఇది కూడా చదవండి..శరీరంలో కొలెస్ట్రాల్ పెరిగితే ఏమవుతుంది..? 

పోషక లోపాలు: యాంటాసిడ్లు కడుపులోని ఆమ్లాలను తగ్గిస్తాయి. ఆహారంలోని విటమిన్లు (ముఖ్యంగా B12), ఖనిజాలు (కాల్షియం, మెగ్నీషియం, ఐరన్) శరీరానికి అందాలంటే కడుపులో తగినంత ఆమ్లం ఉండాలి. యాంటాసిడ్ల దీర్ఘకాలిక వాడకం వల్ల ఈ పోషకాలు సరిగా శోషించకపోవడం వల్ల, పోషక లోపాలు ఏర్పడతాయి. ఇది ఎముకల బలహీనత, రక్తహీనత వంటి సమస్యలకు దారితీస్తుంది.

కిడ్నీ సమస్యలు: కొన్ని యాంటాసిడ్లలో అల్యూమినియం, మెగ్నీషియం అధికంగా ఉంటాయి. వీటిని దీర్ఘకాలం వాడితే కిడ్నీలపై భారం పడి, కిడ్నీ సమస్యలు వచ్చే అవకాశం ఉంది.

మలబద్ధకం లేదా విరేచనాలు: యాంటాసిడ్ల రకాన్ని బట్టి మలబద్ధకం లేదా విరేచనాలు వంటి సమస్యలు తలెత్తవచ్చు.

ఇతర మందులతో పరస్పర చర్యలు: యాంటాసిడ్లు కొన్ని ఇతర మందులతో (యాంటీబయాటిక్స్, గుండెకు సంబంధించిన మందులు మొదలైనవి) కలిసి పనిచేసి, వాటి ప్రభావాన్ని తగ్గించవచ్చు లేదా మరింతగా పెంచవచ్చు.

అంతర్లీన సమస్యలు : యాంటాసిడ్లు కేవలం లక్షణాలను మాత్రమే తగ్గిస్తాయి తప్ప, గ్యాస్ట్రిక్ సమస్యకు మూలకారణాన్ని పరిష్కరించవు. యాంటాసిడ్లపై ఆధారపడటం వల్ల అల్సర్లు, గ్యాస్ట్రోఎసోఫాగియల్ రిఫ్లక్స్ డిసీజ్ (GERD) వంటి తీవ్రమైన అంతర్లీన సమస్యలను గుర్తించడంలో, చికిత్స చేయడంలో జాప్యం జరగవచ్చు.

ఇది కూడా చదవండి..కిడ్నీ వ్యాధి లక్షణాలు: ఈ సంకేతాలను అస్సలు నిర్లక్ష్యం చేయవద్దు..

ఇది కూడా చదవండి..వర్షాకాలంలో అజీర్ణ సమస్యతో బాధపడుతున్నారా..? ఈ ఆహారాలను తినకండి.. 

ఇది కూడా చదవండి..ఆహారంలో అవకాడోను ఎలా చేర్చుకుంటే మరిన్ని ఆరోగ్య ప్రయోజనాలు అంటే..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..