ఆక్యుపంక్చర్ థెరపీతో మధుమేహానికి చెక్ పెట్టవచ్చా..? తాజా పరిశోధనలు ఏం చెబుతున్నాయి..?

సాక్షి లైఫ్ : చిన్నాపెద్దా తేడా లేకుండా ఈ రోజుల్లో ప్రతి ఒక్కరినీ వేధిస్తున్న ఆరోగ్య సమస్యల్లో మధుమేహం (డయాబెటిస్) ముందు వరుసలో ఉంది. రక్తంలో చక్కెర స్థాయిలను అదుపులో ఉంచుకోవడానికి చాలా మంది మందులు, ఇన్సులిన్ ఇంజెక్షన్లు తీసుకుంటున్నారు. అయితే, ఆధునిక చికిత్సలతో పాటు 'ఆక్యుపంక్చర్' (Acupuncture) వంటి ప్రత్యామ్నాయ వైద్య విధానాలు మధుమేహ నియంత్రణలో సహాయపడతాయా? అనే ప్రశ్న చాలామందిలో ఉంది. దీనిపై తాజా పరిశోధనా ఫలితాలు ఏం చెబుతున్నాయో తెలుసుకుందాం.. 

ఇది కూడా చదవండి..Homeopathic medicines: హోమియోపతి మందులు ఇచ్చేటప్పుడు ఎలాంటి అంశాలను పరిగణలోకి తీసుకుంటారు..? 

ఇది కూడా చదవండి..మధుమేహ సమస్య అనేది ఏ ఏ కారకాల వల్ల వస్తుంది..?

ఇది కూడా చదవండి..CKD: దీర్ఘకాలిక మూత్రపిండాల వ్యాధి (CKD) ఉన్నప్పుడు కనిపించే లక్షణాలు ఏమిటి..?

పరిశోధనల్లో.. 

టైప్ 2 డయాబెటిస్ (Type 2 Diabetes) నిర్వహణలో ఆక్యుపంక్చర్ థెరపీ సానుకూల ప్రభావాన్ని చూపుతుందని అనేక అధ్యయనాలు సూచిస్తున్నాయి. ఆక్యుపంక్చర్ ద్వారా గ్లూకోజ్ స్థాయిల మెరుగు పరుచవచ్చు. శరీరంలోని నిర్దిష్ట పాయింట్ల వద్ద సన్నని సూదులను గుచ్చడం (Acupuncture) ద్వారా రక్తంలో చక్కెర స్థాయిలు (Blood Glucose Levels) మెరుగవుతున్నట్లు కొన్ని అధ్యయనాలలో తేలింది.

ఇన్సులిన్ సెన్సిటివిటీ పెరుగుదల: ఆక్యుపంక్చర్ చికిత్స ఇన్సులిన్ నిరోధకతను (Insulin Resistance) తగ్గించి, ఇన్సులిన్ సున్నితత్వాన్ని (Insulin Sensitivity) పెంచడంలో సహాయపడుతుందని పరిశోధకులు కనుగొన్నారు. దీనివల్ల శరీరం ఇన్సులిన్‌ను సమర్థవంతంగా ఉపయోగించుకోగలుగుతుంది. మధుమేహం తీవ్రమైతే వచ్చే నాడీ సమస్య (డయాబెటిక్ న్యూరోపతి) లక్షణాల నుంచి ఉపశమనం పొందడానికి కూడా ఆక్యుపంక్చర్ ఉపయోగపడుతుందని నిపుణులు చెబుతున్నారు.

 ఇన్సులిన్, గ్లూకోకార్టికాయిడ్ వంటి మధుమేహాన్ని ప్రభావితం చేసే హార్మోన్ల సమతుల్యతను సరిచేయడంలో ఆక్యుపంక్చర్ సహాయపడుతుందని పరిశోధనలు సూచిస్తున్నాయి. ఆక్యుపంక్చర్ థెరపీ మధుమేహానికి సంపూర్ణ నివారణ (Cure) కాదు. ఇది ప్రధాన చికిత్సకు సహాయకారి (Adjuvant Therapy) మాత్రమే.

మధుమేహాన్ని అదుపులో ఉంచుకోవాలంటే ముందుగా ఆరోగ్యకరమైన జీవనశైలి, సరైన ఆహారం, క్రమం తప్పకుండా వ్యాయామం చేయడం అత్యవసరం. మీరు డయాబెటిస్ చికిత్సలో భాగంగా ఆక్యుపంక్చర్ తీసుకోవాలని అనుకుంటే, ముందుగా ఎండోక్రినాలజిస్ట్ ను సంప్రదించి, వారి సలహా మేరకు మాత్రమే ఈ చికిత్స తీసుకోవాలి. ముఖ్యంగా నిపుణులైన ఆక్యుపంక్చర్ థెరపిస్ట్ ద్వారానే చికిత్స తీసుకోవడం ఉత్తమం.

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..? 

ఇది కూడా చదవండి..విటమిన్ సి లోపించినప్పుడు కనిపించే ముఖ్య లక్షణాలు ఇవే.. 

ఇది కూడా చదవండి..హార్ట్ ఎటాక్ తర్వాత తొలి 60 నిమిషాలు ఎందుకంత కీలకం..?

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.