పెరిగిన హెచ్ఐవీ కేసులు.. 6 లక్షల నకిలీ వైద్యులపై ఉక్కుపాదం..!  

సాక్షి లైఫ్ : పాకిస్థాన్‌లోని సింధ్ ప్రావిన్స్‌లో నకిలీ వైద్యులు (quacks)క్వాక్స్ సృష్టిస్తున్న ఆరోగ్య ముప్పుపై ప్రభుత్వం కఠిన చర్యలకు ఉపక్రమించింది. ముఖ్యంగా ప్రాంతంలో హెచ్ఐవీ (HIV) కేసులు ఆందోళనకరంగా పెరుగుతున్న నేపథ్యంలో, ఆరోగ్య శాఖ పెద్ద ఎత్తున దాడులు ప్రారంభించింది. సింధ్ ప్రావిన్స్‌లో ఏకంగా 6 లక్షల మందికి పైగా అర్హత లేని, నకిలీ వైద్యులు అక్రమంగా వైద్య వృత్తిని కొనసాగిస్తున్నట్లు పలు నివేదికలు వెల్లడిస్తున్నాయి.

ఇది కూడా చదవండి..Manganese : మాంగనీస్‌ పుష్కలంగా లభించే ఆహారాలు..! 

ఇది కూడా చదవండి..Do not ignore : శరీరం ఇచ్చే ఇలాంటి కీలక హెచ్చరిక సంకేతాలను అస్సలు నిర్లక్ష్యం వద్దు..!

ఇది కూడా చదవండి..Manganese : మాంగనీస్‌తో ఎలాంటి ఆరోగ్య ప్రయోజనాలున్నాయో తెలుసా..?

ఇది కూడా చదవండి..పంచదార, తేనె, మాంక్ ఫ్రూట్ లలో.. ఆరోగ్యకరమైన స్వీటెనర్ ఏది..?

 హెచ్ఐవీ వ్యాప్తికి నకిలీ వైద్యులే కారణమా..?

శిక్షణ, గుర్తింపు లేని ఈ నకిలీ వైద్యులు శానిటైజ్ చేయని సూదులు, పరికరాలు వాడటం, సరైన పద్ధతులు పాటించకపోవడం వల్లనే హెచ్ఐవీ వంటి తీవ్రమైన అంటువ్యాధులు వేగంగా వ్యాపిస్తున్నాయని వైద్య నిపుణులు ఆరోపిస్తున్నారు.

 సింధ్ ప్రావిన్స్‌లోని లర్కానా వంటి ప్రాంతాలలో గతంలో హెచ్ఐవీ కేసులు అకస్మాత్తుగా పెరిగినప్పుడు, ప్రపంచ ఆరోగ్య సంస్థతో సహా అంతర్జాతీయ బృందాలు దర్యాప్తు చేశాయి. ఈ కేసులలో, చిన్న పిల్లలు పెద్ద సంఖ్యలో వైరస్ బారిన పడ్డారు. దీనికి ప్రధానంగా అసురక్షిత ఇంజెక్షన్ విధానాలే కారణమని తేలింది.

దంత వైద్యులపై ఆరోపణలు.. 

ముఖ్యంగా నకిలీ దంత వైద్యులు స్టెరిలైజ్ చేయని పరికరాలు వాడటం కూడా వైరస్ వ్యాప్తికి కారణమవుతుందని పాకిస్తాన్ మెడికల్ అసోసియేషన్ (PMA) అభిప్రాయపడింది.

 కఠిన చర్యలు..  

నకిలీ వైద్యుల బెడదను అరికట్టడానికి, ముఖ్యంగా హెచ్ఐవీ విజృంభణ నేపథ్యంలో, సింధ్ ప్రభుత్వం అర్హత లేని వైద్యులపై, అక్రమ బ్లడ్ బ్యాంకులు, ల్యాబొరేటరీలపై కఠిన చర్యలు చేపట్టింది. నకిలీ వైద్యులను అరెస్టు చేయడంతో పాటు, అక్రమంగా నిర్వహిస్తున్న క్లినిక్‌లు, ఫస్ట్‌ఎయిడ్ సెంటర్లను మూసివేస్తున్నారు. ఆటో-డిస్ట్రాయబుల్ సిరంజీల వాడకంపై ప్రభుత్వం దృష్టి సారించింది, తద్వారా సిరంజీలను తిరిగి ఉపయోగించకుండా నివారించవచ్చు. సింధ్ ప్రభుత్వం చేపట్టిన ఈ ఉక్కుపాదం ప్రజారోగ్యాన్ని కాపాడటానికి, ప్రాణాంతక వ్యాధుల వ్యాప్తికి అడ్డుకట్ట వేయడానికి అత్యంత కీలకమైన చర్యగా భావిస్తున్నారు.

ఇది కూడా చదవండి..New study : బోన్ స్ట్రెంత్ విషయంలో గట్ హెల్త్ పాత్ర కీలకం..

ఇది కూడా చదవండి..ఏట్రియల్ కార్డియోమయోపతి లక్షణాలు ఎలా ఉంటాయి..? 

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

ఇది కూడా చదవండి..మీరు ఆరోగ్యంగా బరువు తగ్గాలంటే..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.