physical-health

Chia Seeds vs Flaxseeds : గుండె పదిలంగా ఉండాలంటే.. చియా సీడ్స్ మంచిదా..? అవిసె గింజలు మంచిదా..?

ఆరోగ్య డెస్క్ 2026-10-24 15:09:31

సాక్షి లైఫ్ : ప్రపంచవ్యాప్తంగా గుండె సంబంధిత వ్యాధులు నానాటికీ పెరుగుతున్నాయి. వయసుతో సంబంధం లేకుండా యువత సైతం ఈ మహమ్మారి బారిన పడుతున్నారు. గుండె ఆరోగ్యంగా ఉండాలంటే ముందుగా మన ఆహారపు అలవాట్లలో మార్పులు చేసుకోవడం ఎంతో ముఖ్యం. ముఖ్యంగా కొన్ని రకాల గింజలు (seeds) గుండెను ఆరోగ్యంగా ఉంచడంలో అద్భుతంగా పనిచేస్తాయి. వాటిలో బాగా ప్రాచుర్యం పొందినవి చియా సీడ్స్, అవిసె గింజలు (Flax seeds). మరి ఈ రెండింటిలో గుండెకు ఏది ఎక్కువ మేలు చేస్తుందో ఇప్పుడు తెలుసుకుందాం..

ఇది కూడా చదవండి..కొరియన్ డైట్ తో వేగంగా బరువు తగ్గడం ఎలా..?

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..?

ఇది కూడా చదవండి..మీరు ఆరోగ్యంగా బరువు తగ్గాలంటే..?

ఒమేగా-3 ఫ్యాటీ ఆమ్లాలు (Omega-3 Fatty Acids)..

చియా, అవిసె గింజలు రెండింటిలోనూ 'ఆల్ఫా-లినోలెనిక్ యాసిడ్' (ALA) అనే వృక్ష సంబంధిత ఒమేగా-3 ఫ్యాటీ ఆమ్లాలు పుష్కలంగా ఉంటాయి. ఇవి శరీరంలో మంటను (Inflammation) తగ్గించి, గుండె జబ్బుల ముప్పును నివారిస్తాయి.

28 గ్రాముల చియా సీడ్స్‌లో సుమారు 5 గ్రాముల ఏఎల్‌ఏ (ALA) ఉంటుంది. అదే మోతాదు గల అవిసె గింజల్లో ఇది సుమారు 6 గ్రాముల వరకు ఉంటుంది. అవిసె గింజల్లో 'లిగ్నాన్స్' అనబడే వృక్ష సంబంధిత సమ్మేళనాలు ఉంటాయి. ఇవి యాంటీ ఆక్సిడెంట్లుగా పనిచేసి గుండెకు అదనపు రక్షణ కల్పిస్తాయి.

కొలెస్ట్రాల్, రక్తపోటు నియంత్రణ..

ఈ రెండు గింజల్లోనూ ఫైబర్ (fiber) సమృద్ధిగా ఉంటుంది. ముఖ్యంగా వీటిలోని కరిగే పీచు (Soluble fiber) రక్తంలోని చెడు కొలెస్ట్రాల్‌ను (Bad Cholesterol) తగ్గించడంలో కీలక పాత్ర పోషిస్తుంది. అవిసె గింజలను క్రమం తప్పకుండా తీసుకోవడం వల్ల రక్తపోటు, కొలెస్ట్రాల్ స్థాయిలు మెరుగుపడతాయని పలు అధ్యయనాల్లో తేలింది. చియా సీడ్స్ కూడా మేలు చేసినప్పటికీ, గుండె ఆరోగ్యానికి సంబంధించి వాటిపై జరిగిన పరిశోధనల్లో భిన్నమైన ఫలితాలు వచ్చాయి.

ఎలా తీసుకోవాలి..?

ఈ రెండు రకాల గింజలను ఓట్స్, పెరుగు, స్మూతీలు లేదా సలాడ్లలో కలుపుకుని తినవచ్చు. అయితే, చియా సీడ్స్‌ను నేరుగా తినడం కంటే నీళ్లు లేదా పాలలో నానబెట్టి తీసుకోవడం ఆరోగ్యానికి మరింత శ్రేయస్కరం.కేవలం ఈ గింజలు తిన్నంత మాత్రాన గుండె జబ్బుల ముప్పు పూర్తిగా తొలగిపోదని ఆరోగ్య నిపుణులు స్పష్టం చేస్తున్నారు. గుండె ఆరోగ్యంగా ఉండాలంటే వీటితో పాటు రక్తపోటు, మధుమేహం, కొలెస్ట్రాల్‌ను అదుపులో ఉంచుకోవాలి. ధూమపానం, మద్యపానం వంటి చెడు అలవాట్లకు దూరంగా ఉంటూ, సమతుల్య ఆహారం తీసుకోవడం ఎంతో అవసరం.

ఇది కూడా చదవండి..గుండె జబ్బులు రాకుండా ఉండడానికి వైద్య నిపుణులు చెప్పిన చిట్కాలు..

ఇది కూడా చదవండి..గుండె స్పందన తగ్గినప్పుడు కనిపించే లక్షణాలు..

ఇది కూడా చదవండి..శరీరంలో కొలెస్ట్రాల్ పెరిగితే ఏమవుతుంది..?

ఇది కూడా చదవండి..వర్షాకాలంలో అజీర్ణ సమస్యతో బాధపడుతున్నారా..? ఈ ఆహారాలను తినకండి..

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..