మధుమేహం అదుపులో ఉండాలంటే ఈ ఐదు ఫాలో అవ్వండి..  

సాక్షి లైఫ్ : మధుమేహాన్ని సరిగ్గా నియంత్రిస్తే దీనికి సంబంధించిన సమస్యల నుంచి సులువుగా బయట పడొచ్చు. అందుకోసం జీవనశైలి అలవాట్లు, ఆహారపు అలవాట్లు తప్పనిసరిగా మార్చుకోవాలి. అప్పుడే ఆరోగ్యకరమైన జీవితం కొనసాగించడం వీలవుతుంది. మధుమేహ వ్యాధిగ్రస్తులందరూ తెలుసుకోవలసిన రాత్రిపూట పాటించాల్సిన కొన్ని ముఖ్యమైన చిట్కాలున్నాయి. ఇవి ఫాలో అయితే మీ బ్లడ్ షుగర్ నియంత్రణలో ఉండటమే కాకుండా ఆరోగ్యానికి సంబంధించిన అనేక ప్రయోజనాలను పొందవచ్చు.  

 శారీరక శ్రమ.. 

రాత్రి భోజనం చేసిన తర్వాత మంచం మీద పడుకోవడం మీ అలవాట్లలో ఒకటి అయితే, ఇది మీ ఉదయం పూట రక్తంలో చక్కెర స్థాయిని పెంచుతుంది. కాబట్టి  తిన్న తర్వాత కనీసం అరగంట లేదా ఒక గంట పాటు ఏదైనా శారీరక శ్రమ చేయడం చాలా ముఖ్యం.

యోగా.. 

యోగా ప్రతి ఒక్కరికీ చాలా ఉపయోగకరంగా ఉంటుంది. ముఖ్యంగా డయాబెటిక్ సమస్య ఉన్నవారు యోగా చేయడం అలవాటు చేసుకోవాలి.  రాత్రి భోజనం చేసిన తర్వాత కొంత సమయం పాటు వజ్రాసనం వంటి యోగాసనాలను అలవాటు చేసుకోవాలి. ఇలా ప్రతిరోజూ యోగా చేయడం ద్వారా మధుమేహాన్ని నియంత్రించడం సాధ్యమవుతుంది. 

ఇది కూడా చదవండి..బ్లడ్ క్యాన్సర్ అంటువ్యాధా..? కాదా..?

ఇది కూడా చదవండి..పిల్లల్లో బ్లడ్ క్యాన్సర్ కు కీమోథెరపీతో చికిత్స చేయవచ్చా..?

ఇది కూడా చదవండి..చికిత్సతో క్యాన్సర్ పూర్తిగా నయమవుతుందా..? 

ఇది కూడా చదవండి..అపోహలు-వాస్తవాలు : వృద్ధులలో మాత్రమే బ్లడ్ క్యాన్సర్ వస్తుందా..?

మధుమేహం ఉన్నవారు రక్తంలో చక్కెరను అదుపులో ఉంచుకోవాలను కుంటే రాత్రి పడుకునే ముందు కొన్ని పనులు చేయాలని వైద్య నిపుణులు సూచిస్తున్నారు. మధుమేహాన్ని నియంత్రించాలంటే తప్పనిసరిగా జీవనశైలిలో కొన్ని మార్పులు చేసుకోవాలి. అవేంటంటే..?    

 స్వీట్లకు దూరంగా ఉండండి..  

రాత్రిపూట స్వీట్లు తినడం మధుమేహ రోగులకు విషంతో సమానం. ఎందుకంటే..?  మీరు కూడా భోజనం తర్వాత ఏవైనా తీపిపదార్థాలు తింటే  అవి ఉదయం రక్తంలో చక్కెర స్థాయిలను పెంచుతాయి. దీని కారణంగా మీ మధుమేహం నియంత్రణలో ఉండదు. కాబట్టి రాత్రి సమయంలో స్వీట్లు తినకపోవడం మంచిది. 

నిద్ర, నీరు.. 

రాత్రి భోజనం చేసిన 1 గంట తర్వాత మీరు కనీసం 2 గ్లాసుల నీరు తాగాలి. ఇలా చేయడం వల్ల కూడా రక్తంలో చక్కెర స్థాయి పెరగకుండా నిరోధించవచ్చు. ఇది కాకుండా, డయాబెటిక్ రోగులు కనీసం 8 గంటలు నిద్రపోవాలి. అందుకోసం రాత్రిపూట మొబైల్ స్క్రీన్‌లకు దూరంగా ఉండడం ఉత్తమం.

ఇది కూడా చదవండి..ఏ వైపు నిద్రించడం ఆరోగ్యానికి మంచిది..?

ఇది కూడా చదవండి..ఈ ఎనిమిది టిప్స్ పాటిస్తే రక్తంలో హిమోగ్లోబిన్ ను పెంచుకోవచ్చు..

ఇది కూడా చదవండి..మెనోపాజ్ కారణంగా మహిళల్లో వచ్చే ఇతర అనారోగ్య సమస్యలు.. 

ఇది కూడా చదవండి..ఆస్టియోపోరోసిస్ ను ఎలా నివారించవచ్చు..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.