Thoughts That Shape Our Health : వృద్ధాప్యం విషయంలో.. మన ఆరోగ్యాన్ని శాసించేది అలాంటి ఆలోచనలే.. 

సాక్షి లైఫ్ : ప్రపంచ ఆరోగ్య సంస్థ (WHO) అంచనా ప్రకారం, 2050 నాటికి ప్రపంచ జనాభాలో 60 ఏళ్లు పైబడిన వారి సంఖ్య 22 శాతానికి చేరుకోనుంది. ఈ నేపథ్యంలో, వృద్ధాప్యంపై సమాజంలో ఉన్న అపోహలను తొలగించుకోవాల్సిన అవసరం ఎంతైనా ఉందని నిపుణులు చెబుతున్నారు. ముఖ్యంగా 'వయస్సు పైబడితే శారీరక క్షీణత తప్పదు' అనే భావనపై తాజా పరిశోధనలు ఆసక్తికర విషయాలను వెల్లడించాయి.

ఇది కూడా చదవండి..వారానికి రెండుసార్లు తీసుకోవడం ద్వారా అవకాడోతో గుండెపోటుకు చెక్.. !

ఇది కూడా చదవండి..హెపటైటిస్ " ఏ" నివారించడంలో వ్యాక్సిన్ పాత్ర ఎంత..? 

ఇది కూడా చదవండి...కిడ్నీ వ్యాధి లక్షణాలు: ఈ సంకేతాలను అస్సలు నిర్లక్ష్యం చేయవద్దు..

శారీరక క్షీణత అనివార్యమా..?

వయసుతో పాటు శరీరంలో కొంత మేర అరుగుదల సహజమే అయినా, అది పూర్తిగా కుంగిపోయేలా చేయాల్సిన అవసరం లేదు. క్రమం తప్పకుండా వ్యాయామం చేయడం, పోషకాహారం తీసుకోవడం ద్వారా వృద్ధాప్యంలో వచ్చే శారీరక సమస్యలను సమర్థంగా ఎదుర్కోవచ్చని పరిశోధనలు నిరూపిస్తున్నాయి.

అంచనాలే మన ఆరోగ్యాన్ని శాసిస్తాయి.. 

వృద్ధాప్యం గురించి మనం పెట్టుకునే అంచనాలే మన ఆరోగ్యాన్ని శాసిస్తాయని పరిశోధకులు హెచ్చరిస్తున్నారు. వయసు పెరిగితే బలహీనపడతామని ముందే భావించే వారిలో శారీరక క్షీణత వేగంగా జరుగుతున్నట్లు గుర్తించారు. సుమారు 148 మంది వృద్ధులపై జరిపిన సర్వేలో.. వృద్ధాప్యం పట్ల సానుకూల దృక్పథం ఉన్నవారు శారీరకంగా చురుగ్గా ఉంటూ మెరుగైన ఆరోగ్యాన్ని పొందుతున్నారని తేలింది. చైనాలో జరిపిన మరో అధ్యయనం ప్రకారం, వృద్ధాప్యాన్ని సానుకూలంగా చూసే వారిలో ప్రాణాంతక ముప్పు తక్కువగా ఉండటమే కాకుండా, వారు సామాజిక కార్యక్రమాల్లో ఉత్సాహంగా పాల్గొంటున్నారు.

దీర్ఘాయువు కోసం ఈ నాలుగు సూత్రాలు తప్పనిసరి..

శారీరక క్షీణతను అడ్డుకుని ఆరోగ్యంగా జీవించాలంటే కొన్ని ఆరోగ్య సూత్రాలు పాటించాలని వైద్యనిపుణులు సూచిస్తున్నారు. ప్రతిరోజూ ఏదో ఒక శారీరక వ్యాయామం చేయడం. వయసుకి తగ్గట్లుగా పోషకాలతో కూడిన ఆహారం తీసుకోవడం. నలుగురితో కలవడం, సామాజిక కార్యక్రమాల్లో పాల్గొనడం. సానుకూల దృక్పథంతో ఉండడం.. వయసు పెరగడాన్ని భారంగా కాకుండా, అనుభవంగా భావించడం. వృద్ధాప్యం అనేది కేవలం శారీరక మార్పు మాత్రమే కాదు, అది మన మానసిక స్థితిపై కూడా ఆధారపడి ఉంటుంది. సానుకూల ఆలోచనలతో చురుగ్గా ఉంటే 'వృద్ధాప్యాన్ని' కూడా హుందాగా, ఆరోగ్యంగా ఆహ్వానించవచ్చని పరిశోధకులు వెల్లడిస్తున్నారు.

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..?

ఇది కూడా చదవండి..విటమిన్ సి లోపించినప్పుడు కనిపించే ముఖ్య లక్షణాలు ఇవే.. 

ఇది కూడా చదవండి..వర్షాకాలంలో అజీర్ణ సమస్యతో బాధపడుతున్నారా..? ఈ ఆహారాలను తినకండి.. 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..