Winter care : చలికాలంలో మడమల పగుళ్లతో ఇబ్బంది పడుతున్నారా..? ఉపశమనం కోసం ఈ సింపుల్ చిట్కాలు..

సాక్షి లైఫ్ : చలికాలం రాగానే వాతావరణంలో తేమ తగ్గిపోయి చర్మం పొడిబారుతుంది. ముఖం, చేతులపై తీసుకున్నంత శ్రద్ధ పాదాలపై తీసుకోకపోవడం వల్ల మడమలు పగిలి, నడవడానికి కూడా తీవ్ర ఇబ్బందిగా మారుతుంది. ఈ సమస్యను నిర్లక్ష్యం చేస్తే పగుళ్లు ఎక్కువై నొప్పి పెరుగుతుంది. పగిలిన మడమలను మృదువుగా మార్చుకోవడానికి ఈ ఆరు సులభమైన అలవాట్లను మీ దినచర్యలో చేర్చుకోండి.

ఇది కూడా చదవండి..రోజూ బెల్లం తింటే బరువు పెరుగుతారా..? 

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

1. స్నానం చేసిన వెంటనే మాయిశ్చరైజర్..  

స్నానం చేసిన తర్వాత పాదాలను పొడి గుడ్డతో సున్నితంగా తుడవండి. చర్మం కాస్త తేమగా ఉన్నప్పుడే చిక్కటి మాయిశ్చరైజర్ లేదా యూరియా ఉన్న ఫుట్ క్రీమ్ రాయండి. ఇది చర్మంలో తేమను ఎక్కువసేపు నిలుపుకోవడానికి సహాయపడుతుంది.

2. రాత్రి వేళ పెట్రోలియం జెల్లీ..  

నిద్రపోయే ముందు మడమలకు పెట్రోలియం జెల్లీ రాసి, కాటన్ సాక్స్ ధరించండి. ఇలా చేయడం వల్ల రాత్రంతా పాదాలకు తగినంత తేమ అంది, మడమల పొడిదనం త్వరగా తగ్గుతుంది.

3. మరీ వేడి నీటిని వాడొద్దు..  

చలికాలంలో వేడి నీటి స్నానం హాయిగా అనిపించినా, అది చర్మంలో ని సహజ నూనెలను, తేమను దూరం చేస్తుంది. పాదాలను కడగడా నికి గోరువెచ్చని నీటిని మాత్రమే ఉపయోగించండి. అలాగే ఎక్కువ సేపు నీటిలో పాదాలను ఉంచకండి.

4. మృతకణాలను సున్నితంగా తొలగించండి..

మడమలపై చర్మం మందంగా, గరుకుగా మారితే గోరువెచ్చని నీటిలో కొద్దిసేపు పాదాలను ఉంచి, ఆపై 'ఫుట్ ఫైలర్' (Foot file) లేదా ప్యూమిస్ స్టోన్‌తో సున్నితంగా రుద్దండి. బ్లేడ్లు లేదా పదునైన వస్తువులను అస్సలు వాడకూడదు, ఇది గాయాలు మరియు ఇన్ఫెక్షన్లకు దారి తీయవచ్చు.

5. సరైన పాదరక్షలు ఎంచుకోండి..

మడమలకు సరైన సపోర్ట్ ఇచ్చే షూస్ లేదా చెప్పులను వాడండి. మరీ వదులుగా లేదా వెనుక భాగం ఓపెన్‌గా ఉండే చెప్పుల వల్ల మడమలపై ఒత్తిడి పెరుగుతుంది. చలి నుంచి రక్షణకు ఇంట్లో ఉన్నప్పుడు కూడా మందపాటి సాక్స్ వేసుకోవడం మంచిది.

6. పాదాల పరిశుభ్రత తప్పనిసరి..

ప్రతిరోజూ పాదాలను శుభ్రంగా కడుక్కొని, తడిగా లేకుండా పూర్తిగా ఆరబెట్టుకోవాలి. తడిగా ఉన్న సాక్స్ ఎక్కువసేపు వేసుకోవద్దు. క్రమం తప్పకుండా మాయిశ్చరైజర్ రాస్తూ ఉంటే చర్మం పొడిబారకుండా మృదువుగా ఉంటుంది. ఈ చిట్కాలు సాధారణ పగుళ్ల నివారణకు మాత్రమే. పగుళ్లు మరీ లోతుగా ఉండి, విపరీతమైన నొప్పి లేదా రక్తం వస్తుంటే మాత్రం ఇంటి చిట్కాలపై ఆధారపడకుండా వెంటనే చర్మవ్యాధి నిపుణులను (Dermatologist) సంప్రదించాలి.

ఇది కూడా చదవండి..చిన్నారులలో అరుదైన జన్యుపరమైన వ్యాధుల నిర్ధారణకు సరికొత్త రక్త పరీక్ష.. 

ఇది కూడా చదవండి..చెడు కొలెస్ట్రాల్ ను నియంత్రించే పనస పండు.. 

ఇది కూడా చదవండి..గుండె నొప్పిని ఎలా గుర్తించవచ్చు..?

ఇది కూడా చదవండి..మీరు ఆరోగ్యంగా బరువు తగ్గాలంటే..? 

గమనిక: ఇది కేవలంసమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..