Calculate Your Intake Protein : ప్రోటీన్‌తోనే ఆరోగ్యం.. ఎవరెవరు..? ఎంత తినాలో లెక్కేసుకోండి..!

సాక్షి లైఫ్ : ఒకప్పుడు ప్రోటీన్ అంటే కేవలం బాడీ బిల్డర్లకు మాత్రమే అనుకునేవారు. కానీ ఇప్పుడు పరిస్థితి మారింది. కాఫీ దగ్గరి నుంచి బిస్కెట్ల వరకు ప్రతి చోటా ప్రోటీన్ నామస్మరణే వినిపిస్తోంది. అమెరికా ఆరోగ్య శాఖ తాజా మార్గదర్శకాల్లో ప్రోటీన్ మోతాదును పెంచాలని సూచించడంతో, అసలు మన శరీరానికి ఎంత ప్రోటీన్ అవసరం..? అన్న అంశంపై చర్చ మొదలైంది.

ఇది కూడా చదవండి..ఆరోగ్యప్రయోజనాలు పొందాలంటే సలాడ్ ను ఏ టైమ్ లో తినాలి..?

ఇది కూడా చదవండి..లవ్ హార్మోన్ అంటే ఏమిటి..?

ఇది కూడా చదవండి..ఎలాంటి కొలెస్ట్రాల్ ఆరోగ్యానికి హానికరం..?

ఇది కూడా చదవండి..Latest study : పిల్లిని పెంచుకుంటే స్కిజోఫ్రెనియా ముప్పు రెట్టింపు..! 

ఎందుకు తీసుకోవాలి..?

శరీరంలో కండరాల నిర్మాణానికి, దెబ్బతిన్న కణజాలాన్ని పునరుద్ధరించడానికి ప్రోటీన్ అత్యవసరం. మనం తినే ఆహారంలోని అమైనో యాసిడ్లను గ్రహించి, మన శరీరం ప్రతి అవయవాన్ని, కణాన్ని పునర్నిర్మిస్తుంది. రోగనిరోధక శక్తిని పెంచే యాంటీబాడీల తయారీలోనూ దీనిదే కీలక పాత్ర.

మీ శరీరానికి ఎంత అవసరం..? 

ప్రోటీన్ అవసరం అనేది అందరికీ ఒకేలా ఉండదు. మీ బరువు, వయసు, శారీరక శ్రమను బట్టి ఇది మారుతుంది. కొత్త సూత్రం కిలో శరీర బరువుకు రోజుకు 1.2 గ్రాముల నుంచి 1.6 గ్రాముల ప్రోటీన్ తీసుకోవాలని నిపుణులు సూచిస్తున్నారు. ఉదాహరణకు మీ బరువు 70 కిలోలు అనుకుంటే.. మీకు రోజుకు సుమారుగా 84 నుంచి 112 గ్రాముల ప్రోటీన్ అవసరం.

ఆహార ప్రణాళిక..

 ఉదయం పెరుగు, గుడ్లు.. మధ్యాహ్నం పప్పు ధాన్యాలు (Lentils).. సాయంత్రం బాదం పప్పు వంటివి తీసుకుంటే రోజువారీగా మన శరీరానికి అవసరమైన ప్రోటీన్  లక్ష్యాన్ని సులువుగా చేరుకోవచ్చు.

వయసుతో పాటు అవసరం పెరుగుతుందా..?

సాధారణంగా 30 నుంచి 40 ఏళ్ల వయసు రాగానే మన శరీరంలో కండరాల క్షీణత (Muscle loss) మొదలవుతుంది. 50 ఏళ్లు దాటాక ఇది స్పష్టంగా తెలుస్తుంది. అందుకే వయసు పెరుగుతున్న కొద్దీ తగినంత ప్రోటీన్ తీసుకుంటూ, 'వెయిట్ ట్రైనింగ్' లేదా వ్యాయామం చేయడం వల్ల కండరాలను బలంగా ఉంచుకోవచ్చని పరిశోధకులు చెబుతున్నారు. ముఖ్యంగా మహిళలు ప్రోటీన్ పట్ల శ్రద్ధ వహించడం చాలా ముఖ్యం.

శాకాహారమా..? మాంసాహారమా..? ఏది బెటర్..? 

సోయాబీన్, పప్పులు, తృణధాన్యాలు వంటి శాకాహార వనరుల ద్వారా కూడా నాణ్యమైన ప్రోటీన్ పొందవచ్చు. మాంసాహారంలో తొమ్మిది రకాల అవశ్యక అమైనో యాసిడ్లు పుష్కలంగా ఉంటాయి. శాకాహారులు రకరకాల కూరగాయలు, పప్పు ధాన్యాలను కలిపి తీసుకోవడం (Mix and Match) ద్వారా అన్ని రకాల పోషకాలను పొందవచ్చు.

మూత్రపిండాల (Kidney) సమస్య ఉన్నవారు ప్రోటీన్ మోతాదును పెంచే ముందు తప్పనిసరిగా డాక్టర్ సలహా తీసుకోవాలి. లేకపోతే తీవ్రమైన అనారోగ్యసమస్యలను ఎదుర్కోవాల్సి వస్తుందని వైద్యనిపుణులు హెచ్చరిస్తున్నారు. 

ప్రోటీన్ కోసం అతిగా మాంసం, డెయిరీ ఉత్పత్తులపై ఆధారపడితే 'శాచురేటెడ్ ఫ్యాట్' పెరిగే ప్రమాదం ఉంది. ప్రోటీన్ పౌడర్ల కంటే సహజ సిద్ధమైన ఆహారానికే ప్రాధాన్యత ఇవ్వండి. కేవలం ప్రోటీన్ తింటేనే కండరాలు రావు.. దానికి తోడు క్రమం తప్పకుండా వ్యాయామం కూడా తోడైతేనే ఆరోగ్యంగా ఉండడానికి అవకాశం ఉంటుంది.

ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..?

 ఇది కూడా చదవండి..High grade fever : హై గ్రేడ్ ఫీవర్ అంటే..? ఎందుకు వస్తుంది..? 

ఇది కూడా చదవండి..వేగంగా బరువు తగ్గించే ఓట్జెంపిక్ డ్రింక్ ట్రెండ్.. డైటీషియన్లు ఏమంటున్నారంటే..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.