Latest study : పిల్లిని పెంచుకుంటే స్కిజోఫ్రెనియా ముప్పు రెట్టింపు..!  

సాక్షి లైఫ్ : పెంపుడు జంతువుల్లో పిల్లి (Cat) చాలామందికి ఇష్టమైనది. అయితే, చిన్నప్పుడు పిల్లులను పెంచుకోవడం లేదా వాటితో ఎక్కువ సమయం గడపడం వల్ల పెద్దయ్యాక స్కిజోఫ్రెనియా (Schizophrenia) వంటి మానసిక సమస్యలు వచ్చే ప్రమాదం రెట్టింపు (Double the Risk) అవుతుందని ఓ తాజా అధ్యయనం సంచలన విషయాలను వెల్లడించింది.

ఇది కూడా చదవండి..Tamarind : మైక్రోప్లాస్టిక్స్‌ ముప్పును తొలగించే అస్త్రం.. 'చింతపండు'.. తాజా పరిశోధనలో వెల్లడి..

ఇది కూడా చదవండి..కిడ్నీలు పనిచేయడం లేదని ఎలా తెలుసుకోవాలి..?

ఇది కూడా చదవండి..Revisiting Old Books: మానసిక ఆరోగ్యానికి ' చదివిన పుస్తకాలు మళ్లీ చదవడం' దివ్యౌషధం..

క్వీన్స్‌ల్యాండ్ సెంటర్ ఫర్ మెంటల్ హెల్త్ రీసెర్చ్ (Queensland Centre for Mental Health Research) పరిశోధకులు నిర్వహించిన ఈ సమగ్ర విశ్లేషణ (Systematic Review and Meta-Analysis)ను 'స్కిజోఫ్రెనియా బుల్లెటిన్' (Schizophrenia Bulletin) అనే ప్రతిష్టాత్మక జర్నల్‌లో ప్రచురించారు.

అధ్యయనంలో వెల్లడైన అంశాలు ఏమిటి..?  

గత 44 ఏళ్లలో 11 దేశాల్లో జరిగిన 17 వేర్వేరు అధ్యయనాలను పరిశోధకులు లోతుగా విశ్లేషించారు.

ముప్పు రెట్టింపు..  

పిల్లులతో సాన్నిహిత్యం ఉన్నవారికి, పిల్లులు లేనివారితో పోలిస్తే, స్కిజోఫ్రెనియా లేదా దానికి సంబంధించిన రుగ్మతలు వచ్చే అవకాశం సుమారు రెండు రెట్లు ఎక్కువగా ఉన్నట్లు ఈ విశ్లేషణలో తేలింది.

బాల్యమే కీలకమా..?  

ముఖ్యంగా బాల్యంలో (Childhood) పిల్లుల పెంపకం ఈ ముప్పును పెంచడానికి ఒక కారణం కావచ్చని పరిశోధకులు భావిస్తున్నారు. పిల్లి కాటు, లేదా పిల్లితో సాధారణ పరిచయం కూడా ఈ అసోసియేషన్‌ను చూపించింది.

  అసలు ముప్పు దేని కారణంగా అంటే..?

ఈ ముప్పునకు ప్రధాన కారణంగా 'టాక్సోప్లాస్మా గోండై' (Toxoplasma gondii) అనే పరాన్నజీవిని (Parasite) శాస్త్రవేత్తలు అనుమానిస్తున్నారు.
ఈ పరాన్నజీవి పిల్లుల పేగుల్లోనే తన జీవిత చక్రాన్ని పూర్తి చేస్తుంది.

మనుషులకు.. 

 పిల్లుల మలంలో (Feces) ఉండే ఈ పరాన్నజీవి గుడ్లు (Oocysts) మట్టి, నీరు లేదా ఆహారం ద్వారా మానవ శరీరంలోకి ప్రవేశిస్తాయి.

మెదడుపై ప్రభావం..  

మెదడులోకి చేరిన ఈ పరాన్నజీవి, స్కిజోఫ్రెనియాకు సంబంధించిన డోపమైన్ (Dopamine) వంటి న్యూరోట్రాన్స్‌మిటర్ల పనితీరుపై ప్రభావం చూపవచ్చని పరిశోధకులు తెలిపారు.

 పిల్లిని పెంచుకోవడం ఒక్కటే స్కిజోఫ్రెనియాకు కారణం కాదు. స్కిజోఫ్రెనియా అనేది జన్యు, పర్యావరణ కారకాలు కలిసిన ఒక క్లిష్టమైన సమస్య. పిల్లుల ద్వారా వచ్చే ఇన్‌ఫెక్షన్.. సున్నితత్వం ఉన్న కొందరిలో మాత్రమే ఈ ప్రమాదాన్ని పెంచే అవకాశం ఉంది. ఈ అధ్యయనం కేవలం 'అనుబంధాన్ని' (Association) మాత్రమే చూపుతుంది, కానీ 'కారణాన్ని' (Cause and Effect) నిర్ధారించలేదు.

ముప్పును తగ్గించుకోవడానికి కొన్ని జాగ్రత్తలు పాటించాలని నిపుణులు సలహా ఇస్తున్నారు. పిల్లి లిట్టర్ బాక్స్‌ను (Litter Box) శుభ్రం చేసిన తర్వాత చేతులను శుభ్రంగా కడుక్కోవాలి. పిల్లులను బయటికి వెళ్లకుండా ఇంట్లోనే ఉంచడం (Indoors) వల్ల అవి పరాన్నజీవికి గురికాకుండా కాపాడుకోవచ్చు. ఈ అంశంపై మరింత లోతైన, నాణ్యమైన పరిశోధనలు జరగాల్సిన అవసరం ఉందని శాస్త్రవేత్తలు చెబుతున్నారు.

 ఇది కూడా చదవండి..High grade fever : హై గ్రేడ్ ఫీవర్ అంటే..? ఎందుకు వస్తుంది..?

 ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..?

ఇది కూడా చదవండి..ఆరోగ్యప్రయోజనాలు పొందాలంటే సలాడ్ ను ఏ టైమ్ లో తినాలి..?

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.