Leafy Greens : వర్షాకాలంలో ఆకుకూరలు తినకూడదా..? ఎందుకు..? 

సాక్షి లైఫ్ : నల్లటి మబ్బులు, చల్లటి గాలులు, ముసురు వానలు.. వర్షాకాలం తెచ్చే పలకరింపు ఎంతో హాయిగా ఉంటుంది. అయితే, ఇదే కాలం రకరకాల ఇన్ఫెక్షన్లను, ఆరోగ్య సమస్యలను కూడా వెంటబెట్టు కొస్తుంది. అందుకే ఈ సీజన్‌లో ఆహారం విషయంలో పెద్దలు కొన్ని జాగ్రత్తలు చెప్తుంటారు. ముఖ్యంగా "వానకాలంలో ఆకుకూరలు తినకూడదు" అని అమ్మమ్మలు, నానమ్మలు చెప్పడం మనం వినే ఉంటాం. మరి ఈ మాట కేవలం ఒక పాత నమ్మకమేనా..? లేక దీని వెనుక ఏవైనా శాస్త్రీయ కారణాలు ఉన్నాయా..? ఇప్పుడు తెలుసుకుందాం.. 

ఇది కూడా చదవండి.. ప్రీమెన్‌ స్ట్రువల్ సిండ్రోమ్ వచ్చేముందు లక్షణాలు ఎలా ఉంటాయి..?

 ఇది కూడా చదవండి.. శరీరంలో ప్లేట్‌లెట్స్‌ కౌంట్‌ ఎంత ఉండాలి..? 

  ఇది కూడా చదవండి.. గుండె నొప్పిని ఎలా గుర్తించవచ్చు..?

  ఇది కూడా చదవండి..చెడు కొలెస్ట్రాల్ ను నియంత్రించే పనస పండు.. 

ఆకుకూరల పట్ల ఎందుకు అంత నివారణ..?

వర్షాకాలంలో పాలకూర, తోటకూర, మెంతి, గోంగూర వంటి ఆకుకూరలకు దూరంగా ఉండమనడానికి కొన్ని బలమైన కారణాలు ఉన్నాయి. కంటికి కనిపించని కీటకాలు, బ్యాక్టీరియా..ఈ సీజన్‌లో వాతావరణంలో తేమ (Humid) ఎక్కువగా ఉంటుంది. ఇది బ్యాక్టీరియా, ఫంగస్, సూక్ష్మక్రిములు వేగంగా వృద్ధి చెందడానికి అనుకూలిస్తుంది. ఆకుకూరల పొరల మధ్య ఇవి సులభంగా ఆశ్రయం పొందుతాయి.

మట్టి, రసాయనాల అవశేషాలు.. వర్షాల వల్ల ఆకులపై బురద, మురికి ఎక్కువగా పేరుకుపోతాయి. అలాగే, ఈ కాలంలో చీడపీడల నివారణకు వాడే పురుగుమందుల అవశేషాలు ఆకులపైనే ఉండిపోయే ప్రమాదం ఉంది.

జీర్ణక్రియ మందగించడం.. వానాకాలంలో మన శరీరంలో జీర్ణశక్తి సహజంగానే కొంచెం మందగిస్తుంది. సరిగ్గా శుభ్రం చేయని ఆకుకూరలను తినడం వల్ల గ్యాస్, కడుపునొప్పి, విరేచనాలు (diarrhea) లేదా ఫుడ్ పాయిజనింగ్ వంటి సమస్యలు తలెత్తుతాయి.

బలహీనమైన రోగనిరోధక శక్తి.. ఇంట్లో ఉండే చిన్నపిల్లలు, వృద్ధులు, గర్భిణీ స్త్రీలలో రోగనిరోధక శక్తి తక్కువగా ఉంటుంది. వీరు కలుషిత ఆహారం తింటే త్వరగా ఇన్ఫెక్షన్ల బారిన పడతారు.

ఆకుకూరలు అస్సలు తినకూడదా..? 

తీసుకోవాల్సిన జాగ్రత్తలు ఇవే..!

వర్షాకాలంలో ఆకుకూరలను పూర్తిగా పక్కన పెట్టాల్సిన పనిలేదు. కానీ, వాటిని వండే ముందు కొన్ని ప్రత్యేక జాగ్రత్తలు తప్పనిసరి.
ఈ సీజన్‌లో పచ్చి ఆకుకూరలతో చేసే సలాడ్లు (Salads) లేదా జ్యూస్‌లను పూర్తిగా దూరం పెట్టడం మంచిది. ఆకుకూరలను ఎప్పుడూ బాగా ఉడికించిన తర్వాతే తీసుకోవాలి.

శుభ్రం చేసే విధానం..

ఆకుకూరలను మార్కెట్ నుంచి తెచ్చిన వెంటనే నీటిలో నాలుగైదు సార్లు బాగా కడగాలి.

ఒక గిన్నెలో నీరు తీసుకుని అందులో కొద్దిగా ఉప్పు లేదా బేకింగ్ సోడా కలిపి, ఆ నీటిలో ఆకుకూరలను 10 నుంచి 15 నిమిషాల పాటు నానబెట్టాలి. ఇది ఆకులపై ఉన్న క్రిములను, కెమికల్స్‌ను తొలగిస్తుంది. ఆ తర్వాత మరోసారి మంచి నీటితో కడిగి ఆరబెట్టుకోవాలి.

ఈ విషయాలను అస్సలు మరువకండి..

ఎల్లప్పుడూ తాజా, ఎండిపోని ఆకుకూరలను మాత్రమే ఎంచుకోండి. ఆకులు కుళ్ళిపోయినా లేదా రంధ్రాలు పడినా వాటిని వాడకండి. హోటళ్లు, రోడ్డు పక్కన దొరికే పచ్చి సలాడ్లను ఈ కాలంలో తినకపోవడమే ఉత్తమం. ఫ్రిజ్‌లో ఎక్కువ రోజులు నిల్వ ఉంచిన ఆకుకూరలను తినడం మానుకోండి. పెద్దలు చెప్పే ప్రతి మాట వెనుక ఒక ఆరోగ్య సూత్రం దాగి ఉంటుంది. వర్షాకాలంలో ఆకుకూరల విషయంలో కాస్త అప్రమత్తంగా ఉంటూ, వాటిని సరైన పద్ధతిలో శుభ్రం చేసి వండుకుంటే.. ఇన్ఫెక్షన్ల భయం లేకుండా పోషకాలను పూర్తిగా పొందవచ్చు.

ఇది కూడా చదవండి..ఒత్తిడి, ఆందోళనలకు బెస్ట్ సొల్యూషన్ 

ఇది కూడా చదవండి..సైనసిటిస్ ఎన్నిరకాలున్నాయంటే..?

ఇది కూడా చదవండి..మందులతో పని లేకుండా బ్యాడ్ కొలెస్ట్రాల్ తగ్గేదెలా..?

ఇలాంటి కచ్చితమైన ఆరోగ్య సమాచారాన్ని అనుభవజ్ఞులైన వైద్య నిపుణులు అందించే మరిన్ని విషయాలను గురించి మీరు తెలుసుకోవాలంటే సాక్షి లైఫ్ ను ఫాలో అవ్వండి..  

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.