మెనోపాజ్ సమతుల్యత కోసం ఐదు ముఖ్యమైన ఆరోగ్య చిట్కాలు.. 

సాక్షి లైఫ్ : భారతదేశంలో సాధారణంగా నాలుగుపదుల వయసు తర్వాత మహిళలు మెనోపాజ్‌ దశకు చేరుకుంటారు. అదే పాశ్చాత్య దేశాలలో మహిళల సగటు వయస్సుకంటే కాస్త ముందే మన దేశంలో ఆయా సమస్యను ఎదుర్కొంటున్నారు. ఈ సమయంలో, మెనోపాజ్ లక్షణాలను సమర్థవంతంగా నిర్వహించడం, పని, వ్యక్తిగత జీవితం మధ్య సమతుల్యతను నిర్వహించడం చాలా ముఖ్యమని వైద్యనిపుణులు వెల్లడిస్తున్నారు.

ఇది కూడా చదవండి..మార్నింగ్ వాక్ చేసేటప్పుడు ఈ టిప్స్ ఫాలో అవ్వండి..?

ఇది కూడా చదవండి..జ్ఞాపకశక్తి తగ్గుతోందా..? అయితే అది జబ్బుకు సంకేతం కావచ్చు.. 

ఇది కూడా చదవండి..ఆస్తమా వచ్చిందంటే జీవితాంతం మందులు వాడాలా..?

అబాట్ అండ్ ఇప్సోస్ నిర్వహించిన సర్వేలో 87శాతం మంది మహిళలు మెనోపాజ్ లక్షణాలు వారి రోజువారీ జీవితంలో మరింత ప్రభావాన్ని చూపిస్తున్నాయని తెలిపారు. వేడి ఆవిర్లు, చెమటలు, నిద్రలేమి, మానసిక స్థితిలో మార్పులు వంటి లక్షణాలను నిర్వహించడం చాలా కష్టంగా మారుతోందని వారు అంటున్నారు.

అబాట్ ఇండియా మెడికల్ అఫైర్స్ హెడ్ డాక్టర్ రోహిత శెట్టి మాట్లాడుతూ, ‘‘మెనోపాజ్‌ గురించి అవగాహన పెంచడం అంటే కేవలం వాస్తవాలను పంచుకోవడం మాత్రమే కాదు. మహిళలు తమ అనుభవాల గురించి మాట్లాడటానికి సౌకర్యవంతంగా ఉండే స్థలాన్ని సృష్టించడం గురించి ఉమెన్ ఫస్ట్ వెబ్‌సైట్ అటువంటి వేదిక అని అన్నారు. ఈ వేదిక ఉపయోగకరమైన సమాచారాన్ని, కుటుంబం, స్నేహితులు, సహోద్యోగులతో బహిరంగ, అర్థవంతమైన సంభాషణలను ప్రోత్సహిస్తుందని అన్నారు.

కేర్ హాస్పిటల్‌లోని కేర్ వాత్సల్య ఉమెన్ అండ్  చైల్డ్ ఇన్‌స్టిట్యూట్ క్లినికల్ డైరెక్టర్, విభాగం హెడ్ డా.మంజుల అనగాని మాట్లాడుతూ.. “మెనోపాజ్‌ అనేది ప్రతి స్త్రీకి ఒక ప్రత్యేకమైన అనుభవం. ఇది ఆరోగ్యం, శ్రేయస్సు, మొత్తం జీవన నాణ్యతను ప్రభావితం చేస్తుంది. సమగ్ర విధానం ఈ పరివర్తనను సున్నితంగా, మరింత సౌకర్యవంతంగా చేస్తుంది. పని చేసే మహిళలకు ధ్యానం చేయడం ద్వారా బిజీగా ఉండే రోజులలో కూడా సమతుల్య ఆహారాన్ని నిర్వహించడం, క్రమం తప్పకుండా వ్యాయామం చేయడం వంటి సాధారణ దశలు చాలా ముఖ్యమైనవి. చికిత్స విషయంలో  వైద్యులతో చర్చించడం కూడా చాలా ముఖ్యం, ఎందుకంటే అవి జీవన నాణ్యతను ప్రభావితం చేసే లక్షణాలను తగ్గించడంలో సహాయపడతాయి’’అని అన్నారు. 

మెనోపాజ్ లక్షణాలను సులభంగా నిర్వహించడానికి కొన్ని ఆరోగ్య చిట్కాలు.. 

మాట్లాడండి: మీ లక్షణాల గురించి మీ సహోద్యోగులతో, కుటుంబ సభ్యులతో మాట్లాడటం ద్వారా కొంత మద్దతు అందుతుంది.

సహాయక పని వాతావరణాన్ని సృష్టించండి: సర్దుబాట్లు ఏర్పాటు చేసుకోవడం పనిని సులభతరం చేస్తుంది.

స్వీయ సంరక్షణకు ప్రాధాన్యత ఇవ్వండి : ఒత్తిడిని తగ్గించడానికి, తేలికపాటి వ్యాయామం, ధ్యానం వంటివి చేయండి. వైద్య సలహా తీసుకోండి : గైనకాలజిస్ట్‌తో మీ లక్షణాల గురించి మాట్లాడండి, సరైన చికిత్సలను గురించి తెలుసుకోండి.

సమాచారం: మెనోపాజ్ గురించి వైద్యుల సలహా తీసుకోండి. సరైన మద్దతు తీసుకుంటే మెనోపాజ్ దశను మీరు సౌకర్యవంతంగా, ఆనందంగా ఎదుర్కొవచ్చు.. 

ఇది కూడా చదవండి..లైపోసక్షన్, బేరియాట్రిక్ సర్జరీలు ఎలాంటివారికి చేస్తారు..?

ఇది కూడా చదవండి..శరీరంలో కొలెస్ట్రాల్ పెరిగితే ఏమవుతుంది..?

ఇది కూడా చదవండి..వర్షాకాలంలో అజీర్ణ సమస్యతో బాధపడుతున్నారా..? ఈ ఆహారాలను తినకండి..

ఇది కూడా చదవండి..అమెరికాలో కొత్త వ్యాధి.. నేరుగా మెదడుపై ప్రభావం..

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.