Monsoon Health Alert for Pregnant Women : వానాకాలంలో గర్భిణులకు పొంచి ఉన్న ముప్పు.. డెంగ్యూ, మలేరియాతో జాగ్రత్త..!

సాక్షి లైఫ్ : వర్షాకాలం ఎంతో ఆహ్లాదకరంగా ఉంటుంది. కానీ, గర్భిణులు మాత్రం ఈ సీజన్‌లో అత్యంత అప్రమత్తంగా ఉండాలని వైద్య నిపుణులు హెచ్చరిస్తున్నారు. వర్షాల కారణంగా ఎక్కడికక్కడ నీరు నిలిచిపోయి దోమలు వృద్ధి చెందుతాయి. దీనివల్ల డెంగ్యూ, మలేరియా, చికున్‌గున్యా వంటి వ్యాధులు ప్రబలే ప్రమాదం ఉంది. గర్భధారణ సమయంలో ఈ వ్యాధుల బారిన పడితే తల్లీబిడ్డల ఆరోగ్యానికి తీవ్ర నష్టం కలుగుతుంది.

ఇది కూడా చదవండి..అధిక బరువు తగ్గాలంటే రోజుకి ఎన్ని క్యాలరీలు బర్న్ అవ్వాలి..? 

ఇది కూడా చదవండి..టిపికల్ ఫీవర్స్ అంటే ఏమిటి..? వాటి లక్షణాలు ఎలా ఉంటాయి..? 

ఇది కూడా చదవండి..మీరు ఆరోగ్యంగా బరువు తగ్గాలంటే..? 

ఇది కూడా చదవండి..రోజూ బెల్లం తింటే బరువు పెరుగుతారా..? 

ఆందోళన ఎందుకు అంటే..?

గర్భధారణ సమయంలో మహిళల శరీరంలో అనేక హార్మోన్ల మార్పులు జరుగుతాయి. ఈ సమయంలో దోమల ద్వారా సంక్రమించే వ్యాధులు సోకితే, సాధారణం కంటే ఎక్కువ సమస్యలు ఎదుర్కోవాల్సి వస్తుంది. కాబట్టి వ్యక్తిగత పరిశుభ్రత, పరిసరాల పారిశుధ్యం, క్రమం తప్పని ఆరోగ్య పరీక్షలు ఈ సమయంలో చాలా ముఖ్యం.

తల్లీబిడ్డలపై ఎలాంటి ప్రభావం చూపుతుంది..?

తల్లిపై ప్రభావం.. గర్భిణుల్లో డెంగ్యూ లేదా మలేరియా సోకితే విపరీతమైన జ్వరం, తీవ్ర అలసట, డీహైడ్రేషన్, రక్తంలో ప్లేట్‌లెట్ల సంఖ్య అమాంతం పడిపోవడం వంటి సమస్యలు తలెత్తుతాయి.

శిశువుపై ప్రభావం.. తల్లికి సోకిన ఇన్ఫెక్షన్ ప్రభావం గర్భస్థ శిశువుపై పడుతుంది. దీనివల్ల నెలలు నిండకుండానే ప్రసవం కావడం (premature delivery), తక్కువ బరువుతో శిశువు జన్మించడం, పిండం ఎదుగుదలలో లోపాలు వంటివి తలెత్తుతాయి.

ప్రమాదాలు..

తీవ్రమైన పరిస్థితుల్లో గర్భస్రావం లేదా ప్రాణాపాయం జరిగే ముప్పు కూడా ఉంటుంది. అయితే సకాలంలో వ్యాధిని గుర్తించి, సరైన చికిత్స తీసుకుంటే ఈ ప్రమాదాలను సులభంగా నివారించవచ్చు.

ఈ లక్షణాలను అస్సలు నిర్లక్ష్యం చేయొద్దు..!

జ్వరాన్ని వాతావరణ మార్పుల వల్లే వచ్చిందని తేలికగా తీసుకోకూడదు. ఈ లక్షణాలు కనిపిస్తే సొంత వైద్యం మానుకుని, వెంటనే డాక్టర్‌ను సంప్రదించాలి. 

విపరీతమైన జ్వరం, చలి

తీవ్రమైన తలనొప్పి, కళ్ల వెనుక భాగంలో నొప్పి

కండరాలు, కీళ్ల నొప్పులు

ఎడతెగని అలసట, నీరసం

వాంతులు అవ్వడం

చర్మంపై ఎర్రటి దద్దుర్లు రావడం

నివారణకు తీసుకోవాల్సిన జాగ్రత్తలు ఏమిటి..? 

వర్షాకాలంలో గర్భిణులు ఈ సాధారణ, సురక్షితమైన జాగ్రత్తలు పాటించడం ద్వారా దోమల బారినుంచి కాపాడుకోవచ్చు. శరీరాన్ని పూర్తిగా కప్పి ఉంచేలా, పొడవాటి చేతులున్న, వదులుగా ఉండే కాటన్ దుస్తులను ధరించాలి. నీరు నిల్వ లేకుండా: ఇంటి లోపల, పరిసరాల్లో, లేదా టెర్రస్‌పై ఉన్న పూలకుండీలు, పాత టైర్లు, కొబ్బరి చిప్పల్లో వర్షపు నీరు నిల్వ లేకుండా ఎప్పటికప్పుడు శుభ్రం చేయాలి.

నిద్రపోయేటప్పుడు పగలు లేదా రాత్రి వేళల్లో తప్పనిసరిగా దోమ తెరలు ఉపయోగించాలి. ఇంట్లోకి దోమలు రాకుండా కిటికీలు, తలుపులకు తెరలు ఏర్పాటు చేసుకోవాలి. ఉదయం, సాయంత్రం వేళల్లో దోమలు అత్యంత చురుకుగా ఉంటాయి. కాబట్టి ఆ సమయంలో ఆరుబయట తిరగకపోవడం మంచిది.  దోమల నివారణ కోసం క్రీమ్స్, రిపెల్లెంట్స్ వాడే ముందు తప్పనిసరిగా మీ గైనకాలజిస్ట్‌ సలహా తీసుకోవాలి. రసాయనాల వల్ల సైడ్ ఎఫెక్ట్స్ వచ్చే అవకాశం ఉంటుంది కాబట్టి వైద్యుల సూచన మేరకు నడుచుకోవడం ఉత్తమం.

ఇది కూడా చదవండి.. టీ లో ఎన్నిరకాల వెరైటీలున్నాయో తెలుసా..? 

ఇది కూడా చదవండి..కిడ్నీలు పనిచేయడం లేదని ఎలా తెలుసుకోవాలి..?

ఇది కూడా చదవండి..మంచి కొలెస్ట్రాల్ ను పెంచే దానిమ్మ.. 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.