Mosquito Menace Shakes Hyderabad : హైదరాబాద్‌ను వణికిస్తున్న మస్కిటోస్..విపరీతంగా పెరిగిన మస్కిటో రిపెల్లెంట్ల అమ్మకాలు

సాక్షి లైఫ్ : హైదరాబాద్ నగరంలో ఎండలు ముదురుతుండటంతో పాటు గాలిలో తేమ శాతం పెరగడంతో దోమల బెడద ఒక్కసారిగా ఎక్కువైంది. సాయంత్రం 6 గంటలు దాటిందంటే చాలు.. ఇళ్లలోకి, బాల్కనీల్లోకి దోమలు గుంపులు గుంపులుగా చేరుతుండటంతో నగరవాసులు బెంబేలెత్తిపోతున్నారు. ఈ ప్రభావం రిపెల్లెంట్ల అమ్మకాలపై స్పష్టంగా కనిపిస్తోంది.

ఇది కూడా చదవండి..వేగంగా బరువు తగ్గించే ఓట్జెంపిక్ డ్రింక్ ట్రెండ్.. డైటీషియన్లు ఏమంటున్నారంటే..? 

ఇది కూడా చదవండి..హార్ట్ ఎటాక్ తర్వాత తొలి 60 నిమిషాలు ఎందుకంత కీలకం..?

ఇది కూడా చదవండి..లవ్ హార్మోన్ అంటే ఏమిటి..

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..

స్టాక్ లేదంటున్న దుకాణదారులు.. 

హైదరాబాద్ నగరంలోని వివిధ ప్రాంతాల్లో ఉన్న మందుల షాపులు, జనరల్ స్టోర్లలో దోమల నివారణకు వాడే కాయిల్స్, లిక్విడ్ వేపరైజర్లు, స్ప్రేల కోసం జనం క్యూ కడుతున్నారు. తార్నాక, హిమాయత్‌నగర్ వంటి ప్రాంతాల్లో వేపరైజర్ రీఫిల్‌ల కోసం విపరీతమైన డిమాండ్ ఉండటంతో రెండు మూడు రోజుల్లోనే స్టాక్ ఖాళీ అవుతోందని వ్యాపారులు చెబుతున్నారు.

 జెప్టో వంటి యాప్స్ ద్వారా ఆర్డర్ చేసే వారి సంఖ్య 20-30 శాతం పెరిగింది. హాస్టళ్లు నడిపేవారు, పెద్ద కుటుంబాల వారు ముందు జాగ్రత్తగా బల్క్ ఆర్డర్లు ఇస్తున్నారు. గత నెలతో పోలిస్తే కాయిల్స్, లిక్విడ్ రిపెల్లెంట్ల అమ్మకాలు దాదాపు రెట్టింపు అయ్యాయి.

ప్రకృతి సిద్ధమైన పరిష్కారాల వైపు మొగ్గు.. 

రసాయనాలతో కూడిన రిపెల్లెంట్ల వల్ల అలర్జీలు వచ్చే అవకాశం ఉండటంతో, చాలా మంది ఇప్పుడు సహజసిద్ధమైన పద్ధతుల వైపు చూస్తున్నారు.

వేప, యూకలిప్టస్: నిమ్మ గడ్డి (Citronella), వేప నూనె, లెమన్ యూకలిప్టస్ నూనెలు దోమలను తరిమికొట్టడంలో సమర్థవంతంగా పనిచేస్తున్నాయని నిపుణులు చెబుతున్నారు. చిన్న పిల్లల కోసం ప్యాచెస్ (Wearable patches), హెర్బల్ స్ప్రేలు, డిఫ్యూజర్లను వాడటానికి జనం ఆసక్తి చూపిస్తున్నారు.

పెంపుడు జంతువులకు సురక్షితం: ఇంట్లో కుక్కలు, పిల్లులు ఉన్నవారు ప్లాంట్-బేస్డ్ (మొక్కల ఆధారిత) రిపెల్లెంట్లనే ఎక్కువగా ఎంచుకుంటున్నారు.

 దోమల నివారణకు కేవలం రిపెల్లెంట్లపైనే ఆధారపడకుండా, ఇంటి చుట్టుపక్కల నీరు నిల్వ ఉండకుండా చూసుకోవడం, కిటికీలకు నెట్లు అమర్చుకోవడం వంటి జాగ్రత్తలు పాటించాలని వైద్యులు సూచిస్తున్నారు.

దోమల నివారణకు సహజ సిద్ధమైన చిట్కాలు..

హైదరాబాద్‌లో దోమల బెడద పెరుగుతున్న నేపథ్యంలో, రసాయనాలతో కూడిన రిపెల్లెంట్ల కంటే సహజ పద్ధతులు మేలని నిపుణులు సూచిస్తున్నారు. నిమ్మగడ్డి (Citronella), నిమ్మ, యూకలిప్టస్ నూనెలు దోమలను సమర్థవంతంగా నిరోధిస్తాయి. లావెండర్ వంటి నూనెలను డిఫ్యూజర్లలో వాడటం వల్ల చికాకు తగ్గుతుంది. పెంపుడు జంతువులు ఉన్న ఇళ్లలో హెర్బల్ స్ప్రేలు, ప్లాంట్ బేస్డ్ ఆప్షన్లు వాడటం ఉత్తమం అని వైద్యనిపుణులు వెల్లడిస్తున్నారు.

ఇది కూడా చదవండి..New Guidelines : శరీరానికి అవసరమయ్యే నీటి పరిమాణంలో కొత్త మార్గదర్శకాలు..

ఇది కూడా చదవండి..ఎలాంటి కొలెస్ట్రాల్ ఆరోగ్యానికి హానికరం..?

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..? 

ఇది కూడా చదవండి..విటమిన్ సి లోపించినప్పుడు కనిపించే ముఖ్య లక్షణాలు ఇవే.. 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.