Gen Z Trend ‘Panic Pouch’ : జెన్ జెడ్ ట్రెండ్ ‘పానిక్ పౌచ్’.. యాంగ్జైటీ, ఒత్తిడికి చెక్ పెట్టే మినీ కిట్..!

సాక్షి లైఫ్ : మారుతున్న జీవనశైలి, విపరీతమైన పోటీ ప్రపంచం, సోషల్ మీడియా ఒత్తిళ్లు, భవిష్యత్తుపై అనిశ్చితి.. వెరసి నేటి యువతను (జెన్ Z) తీవ్రమైన మానసిక ఒత్తిడి, ఆందోళన (Anxiety) వేధిస్తున్నాయి. కొన్నిసార్లు ఎలాంటి హెచ్చరిక లేకుండా అకస్మాత్తుగా వచ్చే పానిక్ ఎటాక్స్ (Panic Attacks) వారిని నిస్సహాయులను చేస్తుంటాయి. అయితే, ఈ సమస్యల గురించి కేవలం బాధపడటమే కాకుండా, వాటిని ఎదుర్కొనేందుకు యువత ఇప్పుడు ఒక వినూత్న మార్గాన్ని ఎంచుకున్నారు. అదే ‘పానిక్ పౌచ్’ (Panic Pouch). తీవ్రమైన ఆందోళన లేదా ఒత్తిడి సమయంలో మనస్సును తక్షణమే ప్రశాంతపరిచేందుకు, ఆలోచనలను మళ్లించేందుకు ఉపయోగపడే వస్తువులతో కూడిన ఒక మినీ ఎమర్జెన్సీ మెంటల్ హెల్త్ కిట్ ఇది.

ఇది కూడా చదవండి..లవ్ హార్మోన్ అంటే ఏమిటి..?

ఇది కూడా చదవండి..ఎలాంటి కొలెస్ట్రాల్ ఆరోగ్యానికి హానికరం..?

ఇది కూడా చదవండి..ఆరోగ్యప్రయోజనాలు పొందాలంటే సలాడ్ ను ఏ టైమ్ లో తినాలి..?

 ఇది కూడా చదవండి..లవ్ హార్మోన్ అంటే ఏమిటి..?

అసలు ‘పానిక్ పౌచ్’ ఎలా పనిచేస్తుంది..?

పానిక్ ఎటాక్ వచ్చినప్పుడు మనిషి ఆలోచనా శక్తి సందిగ్ధంలో పడుతుంది. అలాంటి సమయంలో ఈ పౌచ్‌ను తెరవాలి. ఇందులోని వస్తువులు మన పంచేంద్రియాలను (Sensory organs) ఉత్తేజపరిచి, మన దృష్టిని ప్రస్తుత క్షణంపై (Grounding) కేంద్రీకరించేలా చేస్తాయి. తద్వారా తీవ్రమైన ఆందోళన నుంచి మనసు త్వరగా కోలుకుంటుంది.

మీ ‘పానిక్ పౌచ్’లో ఏమేం ఉంచుకోవచ్చు..?

ఈ కిట్‌ను ఎవరి ఇష్టాఇష్టాలు, అవసరాలకు అనుగుణంగా వారు సిద్ధం చేసుకోవచ్చు. సాధారణంగా ఇందులో ఉంచే కొన్ని ముఖ్యమైన వస్తువులు  సువాసనలు,ఎసెన్షియల్ ఆయిల్స్..లావెండర్ వంటి ఎసెన్షియల్ ఆయిల్స్ లేదా నచ్చిన పెర్ఫ్యూమ్. వీటి సువాసనలు మెదడు నరాలను తక్షణమే ప్రశాంతపరుస్తాయి.స్ఫూర్తిదాయక సందేశాలు.. మనసుకు ధైర్యాన్ని ఇచ్చేలా మీ చేతిరాతతో రాసుకున్న కొన్ని సానుకూల ఆలోచనలు లేదా కొటేషన్ల చీటీలు.

స్ట్రెస్ బాల్ , ఫిడ్జెట్ టాయ్.. చేతికి పనిచెప్పడం ద్వారా ఒత్తిడిని తగ్గించుకునేందుకు చిన్న స్ట్రెస్ బాల్స్ ఉపయోగపడతాయి.హెడ్‌ఫోన్స్.. యాంగ్జైటీ అనిపించినప్పుడు ఆలోచనలు మళ్లించడానికి నచ్చిన సంగీతం, ప్రశాంతమైన మెలోడీలు లేదా పాడ్‌కాస్ట్‌లు వినవచ్చు. చిన్న డైరీ-పెన్.. ఆందోళనగా ఉన్నప్పుడు మనసులోని గందరగోళాన్ని కాగితంపై పెట్టడం వల్ల ఒత్తిడి భారం తగ్గుతుంది.

చిరు తిండ్లు,మింట్స్..చ్యూయింగ్ గమ్ లేదా పుదీనా బిళ్లలు (Mints) నమలడం వల్ల కూడా ఆందోళన తగ్గుతుందని నిపుణులు చెబుతున్నారు.ప్రియమైన వారి ఫోటో.. క్లిష్ట సమయంలో మానసిక భద్రతను, ధైర్యాన్ని ఇచ్చే కుటుంబ సభ్యుల లేదా పెంపుడు జంతువుల ఫోటోలు.

పెరిగిపోతున్న మానసిక సమస్యలు.. చిన్న అడుగుతోనే పరిష్కారం..!

ప్రపంచ ఆరోగ్య సంస్థ (WHO) గణాంకాల ప్రకారం.. ప్రపంచవ్యాప్తంగా ప్రతి ఎనిమిది మందిలో ఒకరు ఏదో ఒక రకమైన మానసిక సమస్యతో బాధపడుతున్నారు. ఇందులో ఒత్తిడి, ఆందోళన అత్యంత ప్రధానమైనవి. భారతదేశంలో సైతం యువతలో ఈ లక్షణాలు వేగంగా పెరుగుతున్నాయి.

నిరంతరాయంగా ఉండే ఒత్తిడి కేవలం మనసునే కాకుండా శారీరక ఆరోగ్యాన్ని కూడా దెబ్బతీస్తుంది. ఇది గుండె జబ్బులు, బీపీ మరియు రోగనిరోధక శక్తి తగ్గడానికి దారితీస్తుంది. అందుకే, మానసిక ఆరోగ్యాన్ని నిర్లక్ష్యం చేయకుండా ఇలాంటి చిన్న చిన్న ఆచరణాత్మక పద్ధతులతో ఒత్తిడిని ప్రాథమిక దశలోనే నియంత్రించుకోవడం ఎంతో ఉత్తమం.

 పానిక్ పౌచ్ అనేది ప్రాథమిక ఉపశమనానికి ఉపయోగపడే అద్భుతమైన సాధనం మాత్రమే. ఒకవేళ ఆందోళన, పానిక్ ఎటాక్స్ తరచుగా వస్తూ దైనందిన జీవితాన్ని ప్రభావితం చేస్తుంటే మాత్రం ఖచ్చితంగా ప్రొఫెషనల్ థెరపిస్ట్ లేదా సైకియాట్రిస్ట్‌ను సంప్రదించి కౌన్సిలింగ్ తీసుకోవాలి.

ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..?

ఇది కూడా చదవండి..ఆరోగ్యప్రయోజనాలు పొందాలంటే సలాడ్ ను ఏ టైమ్ లో తినాలి..?

ఇది కూడా చదవండి..ఎలాంటి కొలెస్ట్రాల్ ఆరోగ్యానికి హానికరం..?

ఇది కూడా చదవండి..వేగంగా బరువు తగ్గించే ఓట్జెంపిక్ డ్రింక్ ట్రెండ్.. డైటీషియన్లు ఏమంటున్నారంటే..? 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.