ADHD : పనిని వాయిదా వేస్తున్నారా..? అది 'ఏడీహెచ్డీ' కావచ్చు..!
సాక్షి లైఫ్ : వయసు పెరిగినా ఏకాగ్రత కుదరడం లేదా? చిన్న విషయాలకే చిరాకు పడుతున్నారా? పెద్దవారిలోనూ కనిపిస్తున్న 'అటెన్షన్ డెఫిసిట్ హైపర్ యాక్టివిటీ డిజార్డర్'.. అప్రమత్తతే ముఖ్యం! ఏదైనా పనిని రేపటికి వాయిదా వేయడం మనలో చాలామందికి అలవాటు. దీనిని సాధారణంగా బద్ధకం అనుకుంటాం. కానీ, ప్రతి విషయంలోనూ ఇదే ధోరణి ఉంటే అది కేవలం సోమరితనం కాకపోవచ్చు. అది పెద్దవారిలో తలెత్తే ఒక రకమైన మానసిక, నాడీ సంబంధిత అభివృద్ధి లోపం 'ఏడీహెచ్డీ' (ADHD) అయ్యే అవకాశం ఉందని వైద్య నిపుణులు హెచ్చరిస్తున్నారు. ఒకప్పుడు కేవలం పిల్లలకే పరిమితమని భావించిన ఈ సమస్య, ప్రస్తుతం భారతీయ యువతలోనూ, పెద్దవారిలోనూ 2 నుంచి 5 శాతం వరకు ఉన్నట్లు గణాంకాలు చెబుతున్నాయి.
ఇది కూడా చదవండి..ఆరోగ్యప్రయోజనాలు పొందాలంటే సలాడ్ ను ఏ టైమ్ లో తినాలి..?
ఇది కూడా చదవండి..లవ్ హార్మోన్ అంటే ఏమిటి..?
ఇది కూడా చదవండి..ఎలాంటి కొలెస్ట్రాల్ ఆరోగ్యానికి హానికరం..?
అసలేమిటి ఈ మార్పు..?
చిన్నతనం నుండే మొదలయ్యే ఈ సమస్య, సరైన సమయంలో గుర్తించకపోతే పెద్దయ్యాక కూడా కొనసాగుతుంది. పిల్లల్లో ఇది అతి చురుకుదనం (Hyperactivity) రూపంలో కనిపిస్తే, పెద్దవారిలో మాత్రం మానసిక అశాంతి, ఏకాగ్రత లోపించడం వంటి లక్షణాలుగా మారుతుంది. మారుతున్న పని ఒత్తిడి, డిజిటల్ యుగంలో పెరిగిన వేగం ఈ సమస్యను మరింతగా బయటపెడుతున్నాయి.
ఏడీహెచ్డీ లక్షణాలు..
పెద్దవారిలో ఏడీహెచ్డీ లక్షణాలు భిన్నంగా ఉంటాయి. వాటిని గుర్తించడం ద్వారా సకాలంలో చికిత్స పొందవచ్చు. వాయిదా వేయడం (Procrastination)..ఎంత ముఖ్యమైన పనినైనా చివరి నిమిషం వరకు వాయిదా వేయడం. సమయాన్ని అంచనా వేయడంలో విఫలమవ్వడం, ఎక్కడికైనా వెళ్లాల్సి వస్తే తరచుగా ఆలస్యంగా వెళ్లడం. ఒక పని పూర్తి కాకముందే ఆసక్తి తగ్గిపోయి మరో పని మొదలుపెట్టడం. చిన్న విషయాలకే తీవ్రంగా కోప్పడటం లేదా కుంగిపోవడం. ఎదుటివారి మాటలు పూర్తికాకముందే అడ్డుతగలడం, ఆలోచించకుండా నిర్ణయాలు తీసుకోవడం.
ఏడీహెచ్డీని కేవలం మందులతోనే కాకుండా జీవనశైలి మార్పులతో సమర్థవంతంగా ఎదుర్కోవచ్చు..కౌన్సెలింగ్ అండ్ థెరపీ..'కాగ్నిటివ్ బిహేవియరల్ థెరపీ' ద్వారా ఆలోచనా విధానాన్ని క్రమబద్ధం చేసుకోవచ్చు. ప్రతిరోజూ పనులను ఒక పద్ధతి ప్రకారం (To-Do List) రాసుకోవడం వల్ల గందరగోళం తగ్గుతుంది. క్రమం తప్పకుండా వ్యాయామం చేయడం వల్ల మెదడులో న్యూరోట్రాన్స్మిటర్లు సమతుల్యంగా ఉంటాయి. సరిపడా నిద్ర మానసిక ప్రశాంతతను ఇస్తుంది.
డిజిటల్ డిటాక్స్..
సోషల్ మీడియా వినియోగాన్ని తగ్గించడం వల్ల ఏకాగ్రత పెరుగుతుంది. ఏడీహెచ్డీ లక్షణాలను గుర్తించడం అవమానంగా భావించకూడదు. సరైన సమయంలో వైద్యుడిని సంప్రదించి, చికిత్స తీసుకుంటే వ్యక్తిగత, వృత్తిగత జీవితంలో అద్భుతమైన విజయాలు సాధించవచ్చు. మతిమరుపు, ఏకాగ్రత లోపం మీ కెరీర్కు అడ్డంకిగా మారుతుంటే.. అది ఏడీహెచ్డీ కావచ్చని గుర్తించండి. అవగాహనే ఆరోగ్యానికి మొదటి అడుగు..!
ఇది కూడా చదవండి..Latest study : పిల్లిని పెంచుకుంటే స్కిజోఫ్రెనియా ముప్పు రెట్టింపు..!
ఇది కూడా చదవండి.. క్షయవ్యాధి ఏయే అవయవాలపై ప్రభావం చూపుతుంది..?
ఇది కూడా చదవండి..High grade fever : హై గ్రేడ్ ఫీవర్ అంటే..? ఎందుకు వస్తుంది..?
ఇది కూడా చదవండి..వేగంగా బరువు తగ్గించే ఓట్జెంపిక్ డ్రింక్ ట్రెండ్.. డైటీషియన్లు ఏమంటున్నారంటే..?
గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.
