Vitamin D Superfoods : విటమిన్ డి సూపర్ ఫుడ్స్: ఈ నాలుగు ఫుడ్స్ తీసుకుంటే సరిపోతుంది.. 

సాక్షి లైఫ్ : అన్ని సీజన్లతో పోలిస్తే వింటర్ సీజన్ లో విటమిన్ డి లోపం ఎక్కువగా తలెత్తుతుంది, దీనికి ప్రధాన కారణం సూర్యరశ్మి లేకపోవడం. అటువంటి పరిస్థితిలో, మీరు మీ ఆహారంలో కొన్ని ఆహారాలను చేర్చుకోవడం ద్వారా ఈ విటమిన్ డి లోపాన్ని అధిగమించవచ్చు. ఎలాంటి ఆహారాలు తీవ్రమైన శీతాకాలంలో విటమిన్ డి లోపాన్ని తగ్గించడంలో సహాయపడతాయి..? వాటిని మీ ఆహారంలో ఎలా చేర్చుకోవాలి..? అనేది ఇప్పుడు తెలుసుకుందాం..

ఇది కూడా చదవండి..ఓఆర్ఎస్ ఆరోగ్యానికి మంచిదేనా..? ఎనర్జీ డ్రింక్స్ వల్ల కలిగే అనారోగ్య సమస్యలు..? 

ఇది కూడా చదవండి..విటమిన్ సి లోపించినప్పుడు కనిపించే ముఖ్య లక్షణాలు ఇవే.. 

ఇది కూడా చదవండి..రాత్రి 9 గంటల తర్వాత డిన్నర్ చేయడం వల్ల కలిగే నష్టాలు ఇవే..

తీవ్రమైన చలి, పొగమంచు కారణంగా, శీతాకాలంలో సూర్యరశ్మి చాలా అరుదుగా లభిస్తుంది, ఇది మన శరీరంలో తీవ్రమైన విటమిన్ డి లోపానికి దారితీస్తుంది. "సన్ షైన్ విటమిన్" అని కూడా పిలిచే విటమిన్ "డి" ఎముకలు బలంగా ఉండడానికి మాత్రమే కాకుండా మన రోగనిరోధక శక్తి మానసిక ఆరోగ్యానికి కూడా అవసరం.

శరీరానికి తగినంత సూర్యరశ్మి లేనప్పుడు, అలసట, కీళ్ల నొప్పులు, కండరాల బలహీనత, తరచుగా అనారోగ్యాలు వంటి సమస్యలు ప్రారంభమవుతాయి. శీతాకాలంలో సూర్యరశ్మి తక్కువగా ఉంటుంది. ఒకవేళ అది అందుబాటులో ఉన్నప్పటికీ, గంటల తరబడి ఎండలో గడపడం ఎల్లప్పుడూ సాధ్యం కాదు, అందుకే ఆహారం ద్వారా "డి" విటమిన్ లోపాన్ని అధిగమించాలి. అందుకోసం ఏమేం తినాలి..? అనేది తెలుసుకుందాం..

సహజ వనరుల ద్వారా లభించే ఆహారాలతో విటమిన్ "డి" లోపాన్ని అధిగమించవచ్చు.  అలాంటి సూపర్‌ఫుడ్‌లను మీ రోజువారీ ఆహారంలో చేర్చుకోవడం ద్వారా, మీరు సప్లిమెంట్లు లేకుండా సాధారణ విటమిన్ డి స్థాయిలను నిర్వహించవచ్చు, అంతేకాదు శీతాకాలంలో వచ్చే అనారోగ్యాల నుంచి కూడా సురక్షితంగా ఉండవచ్చు.

 చేపలు, గుడ్డు.. 

మాంసాహారం తినేవారికి, కొవ్వు చేపలు సాల్మన్, మాకేరెల్, ట్యూనా వంటివి విటమిన్ డి ఉత్తమ వనరులు. వాటిలో ఉండే ఒమేగా-3 కొవ్వు ఆమ్లాలు కూడా గుండె ఆరోగ్యానికి మేలు చేస్తాయి. చేపలు తినని వారు గుడ్డు సొన తినవచ్చు. గుడ్డులోని తెల్లసొనలో ప్రోటీన్,  విటమిన్ డి ఆరోగ్యకరమైన కొవ్వులు పచ్చసొనలో ఉంటాయి.

 పుట్టగొడుగులు.. 

శాఖాహారులకు, ముఖ్యంగా సూర్యకాంతిలో పెరిగిన వాటికి పుట్టగొడుగులు ఒక వరం. సైన్స్ ప్రకారం, మానవుల మాదిరిగానే పుట్టగొడుగులు కూడా సూర్యరశ్మికి గురైనప్పుడు సహజంగా విటమిన్ డిని ఉత్పత్తి చేసే అద్భుతమైన సామర్థ్యాన్ని కలిగి ఉంటాయి. శీతాకాలంలో విటమిన్ డి స్థాయిలను సహజంగా పెంచడానికి వీటిని మీ ఆహారంలో చేర్చుకోవడం తప్పనిసరి.

జున్ను.. 

జున్నును విటమిన్ డి, కాల్షియంలకు అద్భుతమైన శాఖాహార వనరుగా కూడా పరిగణిస్తారు. జున్ను ప్రోటీన్‌ను అందించడమే కాకుండా, దానిలో ఉన్న విటమిన్ డి ఎముక సాంద్రతను కాపాడుకోవడంలోనూ, లోపల నుంచి ఎముకలను బలోపేతం చేయడంలో ముఖ్యమైన పాత్ర పోషిస్తుంది. క్రమం తప్పకుండా జున్ను తీసుకోవడం వల్ల కండరాల బలహీనత తగ్గుతుంది. అంతేకాదు కీళ్ల ఆరోగ్యం మెరుగుపడుతుంది.

ఫోర్టిఫైడ్ ఫుడ్స్.. 

శాఖాహారులలో డి విటమిన్ లోపాన్ని అధిగమించడానికి ఫోర్టిఫైడ్ పాలు ,పెరుగు అద్భుతంగా ఉపయోగపడతాయి. రోజూ ఒక గ్లాసు ఫోర్టిఫైడ్ పాలు తాగడం వల్ల శరీరానికి రోజువారీగా కావాల్సిన డి విటమిన్ గణనీయమొత్తంలో లభిస్తుంది. ఆరోగ్యకరమైన జీర్ణవ్యవస్థను నిర్వహించడానికి, ఎముకలను పోషించడానికి ఇది ఒక సులభమైన మార్గం.

 
ఆహారం, సూర్యరశ్మి.. 

విటమిన్ డి లోపాన్ని అధిగమించడానికి, ఆహారంపై దృష్టి పెట్టడమే కాకుండా, రోజూ కనీసం 15 నుంచి 20 నిమిషాలపాటు సూర్యరశ్మి తగిలేలా ఉండడం కూడా ముఖ్యం.

ఇది కూడా చదవండి..Weight loss : బరువు తగ్గడం కోసం 'ఫేక్ ఫాస్టింగ్' ఉపయోగపడుతుందా..?

ఇది కూడా చదవండి..Diabetes : డయాబెటిస్ ను అదుపులో ఉంచుకోవడానికి ఎలాంటి ఆహార నియమాలు పాటించాలి..?

ఇది కూడా చదవండి..Tamarind : మైక్రోప్లాస్టిక్స్‌ ముప్పును తొలగించే అస్త్రం.. 'చింతపండు'.. తాజా పరిశోధనలో వెల్లడి..

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి..