Indian vs Western Toilet : ఇండియన్ టాయిలెట్ వర్సెస్ వెస్టర్న్ టాయిలెట్: హెల్త్ కు ఏది మంచిది..? వైద్యులు ఏమంటున్నారు..? 

సాక్షి లైఫ్ : మన రోజూవారీ జీవితంలో వాడే టాయిలెట్ విధానం (Indian or Western) కేవలం సౌకర్యానికే కాకుండా ఆరోగ్యానికి, మలవిసర్జన ప్రక్రియకు, కీళ్లపై పడే ఒత్తిడికి దగ్గరి సంబంధం కలిగి ఉంటుంది. వయసు, శారీరక సామర్థ్యం, మోకాళ్ల నొప్పులు వంటి సమస్యల ఆధారంగా సరైన ఎంపిక చేసుకోవడం ముఖ్యం.

ఇండియన్ టాయిలెట్ (Indian Toilet)..

ఉరుకు కూర్చోవడం (Squatting) వల్ల మలాశయానికి సరైన కోణం ఏర్పడి మలవిసర్జన సహజంగా, సాఫీగా జరుగుతుంది. ఆరోగ్యంగా ఉండి, ఎలాంటి కీళ్ల సమస్యలు లేని వారికి ఇది ఉత్తమ ఎంపిక. మోకాళ్ల నొప్పులు, ఆర్థరైటిస్, బ్యాలెన్స్ సమస్యలు ఉన్నవారికి ఇందులో ఎక్కువసేపు కూర్చోవడం కష్టంగా ఉంటుంది.

 ఇది కూడా చదవండి..చెడు కొలెస్ట్రాల్ ను నియంత్రించే పనస పండు.. 

ఇది కూడా చదవండి.. ప్రీమెన్‌ స్ట్రువల్ సిండ్రోమ్ వచ్చేముందు లక్షణాలు ఎలా ఉంటాయి..?

 ఇది కూడా చదవండి.. శరీరంలో ప్లేట్‌లెట్స్‌ కౌంట్‌ ఎంత ఉండాలి..? 

వెస్ట్రన్ టాయిలెట్ (Western Toilet)..

కుర్చీలో కూర్చున్నట్లుగా ఉండటం వల్ల కూర్చోవడానికి, లేవడానికి కీళ్లపై ఎక్కువ ఒత్తిడి పడదు. వృద్ధులకు, మోకాలు లేదా తుంటి నొప్పులు, శారీరక వైకల్యం ఉన్నవారికి ఇది అత్యంత సురక్షితమైన, సౌకర్యవంతమైన ఎంపిక. దీనిపై ఎక్కువసేపు కూర్చొని మొబైల్ వాడటం లాంటి అలవాట్లు మానుకోవాలి.

మలబద్ధకం ఉన్నవారు ఏం చేయాలి మరి..?

వెస్ట్రన్ టాయిలెట్ వాడేవారు కాళ్ల కింద ఒక చిన్న స్టూల్ (Footstool) పెట్టుకోవడం ద్వారా ఇండియన్ టాయిలెట్ భంగిమ అంటే మోకాళ్లు తుంటి కంటే కొద్దిగా పైకి ఉండేలా కూర్చోవచ్చు. దీనివల్ల పేగులపై సరైన ఒత్తిడి పడి మలవిసర్జన సులువుగా మారుతుంది. టాయిలెట్ విధానం మార్చడమే కాకుండా తగినన్ని నీళ్లు తాగడం, పీచు పదార్థాలు (fiber) ఉన్న ఆహారం తీసుకోవడం, వ్యాయామం చేయడం మలబద్ధకానికి అసలైన పరిష్కారం.

పరిశుభ్రత (Hygiene)..

టాయిలెట్ ఏ రకమైనా సరే, క్రమం తప్పకుండా శుభ్రం చేయడం అత్యంత ముఖ్యం. వాడిన తర్వాత శుభ్రంగా కడగటం, చేతులను సబ్బుతో శుభ్రం చేసుకోవడం ద్వారా ఇన్ఫెక్షన్లు, బ్యాక్టీరియా దరిచేరకుండా చూసుకోవచ్చు. ఒక్క మాటలో చెప్పాలంటే.. శారీరకంగా ఫిట్ గా ఉన్నవారికి ఇండియన్ టాయిలెట్ మేలు చేస్తే, వయోవృద్ధులకు, కీళ్ల నొప్పులు ఉన్నవారికి వెస్ట్రన్ టాయిలెట్ సౌకర్యవంతం. మీ వ్యక్తిగత ఆరోగ్యం, అవసరాన్ని బట్టి సరైన టాయిలెట్ ఎంపిక చేసుకోవాలి.

ఇది కూడా చదవండి.. గుండె నొప్పిని ఎలా గుర్తించవచ్చు..?

ఇది కూడా చదవండి.. దీర్ఘకాలిక వ్యాధులు రాకుండాఉండాలంటే..? ఏమి చేయాలి..?

ఇది కూడా చదవండి.. నోటి దుర్వాసనను తగ్గించే చిట్కాలు 

గమనిక: ఇది కేవలం సమాచారంగా మాత్రమే భావించండి.. ఈ సమాచారం ఆధారంగా ఆరోగ్య సమస్యలకు సంబంధించిన నిర్ణయాలు తీసుకోవద్దు. అందుకోసం వైద్య నిపుణులను సంప్రదించండి.